E patrocinio aki ta core te cu fin 2015/16 di e Barclays Premier League.  E ta inclui tur e campañanan di e team na Europa y e visibilidad di e marca na Anfield, e cas di Liverpool, caminda su veld oficial ta.  Tambe, e exposicion di e marca den tur publicacion caminda e team ta sali, den e websitenan di e fanaticonan y ora e hungadornan ta aparece den publico pa actonan comercial.

Chevrolet tambe ta e patrocinador oficial di e Tour di e Club den su pretemporada, cual ta un di e mas popular na mundo; ya por a mira Liverpool hunga cu Toronto FC, Italian Giants, AS Roma y ultimo, cu e Tottenham Hotspur na Baltimore.

"E aficionadonan di Liverpool rond di mundo ta bon conoci pa e amor incondicional y eterno na nan team”, a bisa e Vicepresidente Global di Marketing di Chevrolet - Chris Perry.  "Nos relacion cu e Liverpool FC ta bay mas leu cu un simpel patrocinio ya cu e intencion ta pa crea un relacion cu su fanaticonan y mantene e team como centro di atraccion”.

Ian Ayre, e Director general di Liverpool Football Club, a bisa cu "Mescos cu nos Club, Chevrolet tin un historia largo y exitoso, cu un marca den crecimiento y e asociacion aki ta demostra un biaha mas e peso internacional cu Liverpool tin.  E alianzanan cu marcanan importante manera Chevy lo yuda sigura e crecimento di nos Club, paden di e  veld como pafo.  Nos ta spera di por traha hopi pega cuChevy pa yega mas efectivamente na nos seguidornan cu ta demostra di ta entre e mas apasiona y educada di mundo".