Despues di un triunfo importante como e campeon di Baseball Latino Americano algun siman atras, nos beisbolistanan ta cla pa duna lo maximo un biaha mas den e Junior League World Series. E competencia aki lo tuma luga na Taylor Michigan, Merca, for di dia 12 pa 18 di augustus.

Minister di Salubridad Publico y Deporte, dr. Richard Visser tambe tabata presente durante e despedida di nos atletanan na aeropuerto, unda cu e ta sigur cu e team di Aruba, representando e region di Latino Americano, lo demostra cu Aruba atrobe lo bolbe sobresali den e deporte di baseball internacionalmente. E mandatario ta hopi contento con e entusiasmo ta tanto di e muchanan como tambe e cuerpo tecnico, ya cu e conocido beisbolista Eugene Kingsale, cu tin e funcion di coach awo hunto cu e manager, a sa di hinca un bon programa di preparacion intensivo, tanto mentalmente como fisicamente. "Ta trata aki di un plan completamente dirigi p’e torneo aki y cu Gobierno a incluso inverti den dje, dunando su aporte pa inclui dos coach mas. Ta trata di 2 coach cu tin amplio experiencia den e mundo di baseball y nan potencial y conocemento sigur lo yuda pa sigura e victoria di nos atletanan”, tabata palabranan di Minister Dr. Richard Visser. E line up ta consisti di e hungadonan cu por haci tur cos. Nan ta cla pa hunga bala cu curason y esey ta loke ta pone nan entrega completamente na e weganan. Minister Visser ta hopi contento cu hasta tin un ekipo di transmision, cu ta consisti di e radio emisora 101.7FM, 24ora.com, iTV Canal 49 y Diario cu ta cla pa realisa nan prome transimsion for di Taylor Michigan, dunando pueblo di Aruba un cobertura total di e weganan. E prome wega lo ta dia 12 di augustus contra Asia-Pacific, despues dia 13 di augustus nan lo hunga contra Mexico, dia 14 di augustus contra EMEA y finalmente dia 15 di augustus contra Canada. Dependiendo con victorioso nan sali di e weganan aki, nan lo sigui p’e siguiente buelta pa final. Ta pasa e weganan aki tambe via ESPN 2, pues por mira e weganan aki bibo y sinti tur e emocionnan. Minister Dr. Richard Visser a desea e team completo tur clase di exito y a bisa nan di ta sigur cu nan lo hunga cu nan curason pa trece e titulo maximo pa Aruba.

Comentarionan (4)

Mustra/Kita comentarionan

...

Hopi exito na bosonan tur. Tene E nomber ARUBA halto. Un pais chiquito pero grandi den su hechonan. Aruba Ariba.

Taurus58 , August 10, 2012

• 
• +2
• 
• 

...

go for it guys.

rr , August 10, 2012

• 
• +1
• 
• 

... , Low-rated comment [Show]

...

Mr John D. Rockefeller. e ta e minister di deporte. e NO ta gordo pa bo informacion, e ta den mas BON condicion cubo!. dis dos djies pasobra bo ta un minister bo mester bisti dashi tur dia. anto di tres miho abo mes no papia paso bo style di bisti ta parse di 1940

Correction , August 11, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi