| Ciclovia awor ta tur siman intercambiando entre e districtonan di San Nicolas y Oranjestad |
 |
 |
| Friday, 10 August 2012 19:57 | |||
|
Tur diadomingo Ciclova lo intercambia entre e dsitricto di San Nicolas y Oranjestad pa asina ofrece un caminda liber di trafico pa tur famia por bin pasa un dia agradabel hasiendo ehercicio of hungando weganan recreativo. Riba e diadomingo nan aki pueblo por spera un caminata, un ruta cu un bike tour pa muchanan, y un ruta un poko mas largo pa un bike tour pa hende grandi. Tur siman e rutanan aki lo cambia pa asina pasa den diferente barionan di nos isla. Tur diadomingo dependiendo di e siman sea dilanti Joe Laveist Sportpark pa e distrcito di San Nicolas of dilanti oficina di ATA pa e districto di Oranjestad lo tin un ruta sera unda cu tur hende lo por bin cu nan bicicleta, rollerblade, skateboard, jog, cana of core auto pet y hasi uso di e oportunidad aki cu e caminda ta sera. Tambe lo tin weganan recreativo manera pannabol, volleyball, y otro diferente weganan recreativo pa mantene tur mucha ocupa. E diadomingo aki Ciclovia lo ta den e districto di Oranjestad y siguiente siman lo ta na San Nicolas. Tur hende bin join nos pa asina nos crea un comunidad activo contento y mas saludabel. Tur hende ta encurasha pa hunta sunblock, bin cu nan boter di awa y come bon promer cu Ciclovia. Pa mas informacion riba e rutanan bishita e fanpage riba FACEBOOK cual ta: www.facebook.com/cicloviaaruba of yama IBISA na 5824987. |
Mustra/Kita e formulario di comentario
