Ainda e problema cu a surgi entre e Gerencia di Elmar y e sindicato UEA , cu ta representa e trahadornan ta sigui. E problema a bay asina leu cu e dos partidonan no tabata papia cu otro, algo no sano pa e ambiente laboral cu mester existi.

Mediador di gobierno Anselmo Pontilius a cay den un comision di tres, hunto cu ex director di WEB Jossy Lacle y Glenn Thode, Rector di Universidad. Den un entrevista cu Anselmo Pontilius, el a splica mas di e situacion. Mediador a splica cu e ta sigui reuni cu esnan concerni, diahuebs a reuni cu Hunta di Comisario y un parti di e miembronan di directiva, y a pone un fecha pa un siguiente reunion, y tambe ta buscando fecha pa reuni cu dirigentenan di UEA. A palabra mesora cu director di Elmar, sr. Henriquez ken ta cu vacacion awor pero dia 16 cu ta otro siman, e lo percura pa continua cu e reunionnan. Ta bay tin diferente opcion riba mesa y cada partido lo mester trata internamente e sugerencianan cu Mediador a bin cune, y sigur di parti di Gerencia di Elmar y di Utilities nan tin cu mira internamente tambe si nan por presenta e posible solucion y wak si por discuti cu tur e partidonan na mesa. Esey ta e caso y si e proximo simannan tur cos ta cla, lo trece tur partido hunto pa wak si lo tin un posible salida, principalmente riba e puntonan principal cu ta e pago cu e trahadornan ta reclamando y cu e supervisornan a gana den un caso den Corte. Segun Pontilius tur cambio ta bay topa cu resistencia y gerencia di Elmar hunto cu esun di WEB ya tabata na mesa y lo sigui, y a pidi e comision di tres si nan por yuda conduci y atende cu esaki. Eventualmente, si cu nan por resolve e puntonan grandi cu tin na mesa, e comision a wordo invita pa e prome reunion general den cual lo haya e gerencia y directiva di e companianan pa atende cu e procesonan. Mediador a bisa cu den e procesonan semper ta surgi un speranza, y nan a duna e mihor consehonan pa con e directiva di Elmar, e supervisiornan, e gerencia y e trahadornan por forma grupo y atende cu e cambionan di e restructuracion, pasobra un compania por traha 30 of 40 anja na un manera pero ora tin cambio logico ta cu nan tin cu envolve e trahadornan convence nan cu esaki ta bienestar di e compania, pa garantiza su existencia, y hopi biaha e resistencia ta causa pa falta di informacion exacto riba kico ta loke tin cu bay pasa.

Comentarionan (1)

Mustra/Kita comentarionan

...

Otro ganjador mas, siman pasa tur cos tbt A OK y awor ta resulta cu ainda tin problema. E solucion ta: merge WEB + Elmar get rid di utilities y get rid di e director di Elmar paso mientras cos ta hot e mennertje ey ta bay cu vakantie.

N'e Chambonan y mas.... , August 11, 2012

• 
• +3
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi