| Triple A hunto cu polis y otro instancianan tratando di haya solucion pa trafico dilanti aeropuerto |
 |
 |
| Friday, 10 August 2012 22:34 |
|
Na aeropuerto tin algun preocupacion cu e trafico relaciona cu e construccion di spiral rotonde. E problema di trafico ta na e oranan pick y el a cuminza desde cu a cera e cruzada pa traha un rotonde chikito temporal. Den un entrevista cu Hendrik Croes, vocero di aeropuerto, el a bisa cu e situacion ta basta fastioso pasobra e trafico ta tranca dilanti aeropuerto, vooral mainta entre 7.30 cu 8.30, merdia entre 11.30 cu 1 or y atardi di 4 pa 6 or. Triple A tin su team pa controla e trafico dilanti aeropuerto pero ta yega na e punto caminda cu no por haci mucho cos pasobra e trafico simplemente ta tranca. Triple A ta preocupa y ta preparando hunto cu e demas instancianan incluyendo polis, pa wak con pa regla e problema. Croes tin un peticion pa e publico cu no mester pasa dilanti di aeropuerto pa tuma un otro via, pa yuda alivia e fluho pa no stroba e pasaheronan cu ta yega y cu mester sali bay hotel of otro, of esnan cu mester bin aeropuerto pa biaha. E situacion aki tin atencion di tur instancia concerni ademas di Triple A, segun Hendrik Croes. Hunto nan ta buscando manera pa yega na un solucion, pa no perhudica e situacion cu nan tin nan dilanti diasabra awor. No solamente taxistanan ta keha pero otro hendenan cu ta trece hende pa aeropuerto, y aunke Triple A ta yudando tambe di su banda, ora trafico ta stanca nan mannan tambe ta mara. Otro preocupacion nan dilanti ta otro siman ora school cuminza y cu e trafico ta bay bira mas druk ainda. Nan ta spera di yega na un solucion prome cu esaki. Comentarionan (11)Mustra/Kita comentarionan ...
Mesun cos ta bai pasa ora e projecto ta cla. E Ing nan no tabata tin e balls pa splica e politico nan cu e rotzooi ei no ta bai functiona. Djies di a pone systema mas drechi di luz mes lo a juda.
,
August 10, 2012
...
Ay, ami no mester di diploma pa regla e trafico prome riba papel , teniendo na cuenta cu tur situacion cu por presenta y e momentonan di drukte con pa solucione...y despues bai pa sera e camindanan. Traha un caminda o ruta simpel prome pa e trafico por sigui. Mi ta duda den e capacidad di e ingenieronan of ta experto di trafico cu ta jama otro pa kaweta y awor a resulta cu nan mes ta e Kaweta bobo mas grandi. Si busca experto di Hulanda , nan kier rabia y core cu e macamba. Asina nos rubiano ta traha. Pero cu boca grandi y arogancia bo a keda bon kens para na e skina haha..
,
August 11, 2012
...
Un polis a jama pueblo pa kaweta, politiconan twt bisa cu cos ta bai smooth. Dicon awo cu aeropuerto a grita si bo ta tende??? Ridic*lo boso ta !!!
,
August 11, 2012
...
I would like to know why things are done without thinking in Aruba, why they do not open the way going into Wayaca in front of the new mall so some traffic at least can be diverted that way and don´t have to pass by that mini rotonda???
,
August 11, 2012
...
Mi ta full diacuerdo cu John D. Rockefeller y ainda DOW/Gobierno por hasi algo di just drecha e caminda y lague mes un cos.
,
August 11, 2012
...
Triple A mester cuminsa di wak nan problema nan den cas prome, traha mas lugar pa avion nan por para, awor boso ta net net cu tur cos i no tin lugar pa pone mas avion. Nos gobierno no kier tende i ta laga boshi compania nan nobo gasta placa pa habri i despues ta bai pega mahos.
,
August 11, 2012
...
Pasienshi, asina bida ta. Betico a jega di bisa nos lo bai atras 2 paso patras, pa dispues nos lo bai dilanti cu pasonan gigantesco dilanti.
,
August 11, 2012
...
E caminda cu ta bin for di Simion Antonio pa Airport mester wordo uza pa bin y bai for di airport pa zowel di sanicolaas y oranjestad,ora bo ta bin di Oranjestad bo ta sigi bai te pabow di e brug di Mahuma i bira rechts bai a den.
,
August 11, 2012
Duna Comentario y/of Comparti riba Social Medi |
Normalmente ora tur cos ta normal mes trafico ta pega ey dilanti vliegveld. 
Mustra/Kita e formulario di comentario
