| Hendrik Croes a splica riba parti financiero: Mas cu 100 taxista lo goza di facilidadnan cu aeropuerto ta bay crea pa nan |
 |
 |
| Friday, 10 August 2012 22:48 |
|
Den un entrevista cu Hendrik Croes, vocero di aeropuerto a puntre riba e registracion di taxistanan cu mester haci uso di e cambio dilanti di aeropuerto. Esaki ta un proceso nobo cu lo costa algo mas cu 100 florin pa aña, y e taxistanan lo goza di facilidadnan cu aeropuerto ta pone disponible pa nan. Esaki ta e siguiente fase di e asina yama Land side development plan cu Triple A ta bay cuminza entrante 1 September y cu e taxistanan ta den e fase final di registracion. Mas cu 100 taxista a registra y nan lo tin acceso na e prome caminda cu ta e caminda principal cu ta pasa directamente dilanti di aeropuerto. DOPV tin un lugar den aeropuerto for di unda lo controla e permisonan di e taxistanan si ta corecto, cuanto pasahero nan ta hiba den taxi y si e tarifa cu nan ta cobra ta esun vigente. E taxistanan ta bay haya facilidad di banjo priva, parkeer cu lo wordo traha pa nan, un lugar cu nan por sosega, facilidad pa busca algo di come y bebe, y screen cu nan por monitor e vuelonan cu ta subi y baha y si nan ta online. E caminda dilanti di e oficinanan di car rental lo bira un caminda publico pa tur hende y e taxistanan cu no a participa den e proyecto. Esaki ta un proyecto cu a ser pensa y prepara varios anja atras, cu e intencion di mehora y mantene halto e calidad di servicio cu aeropuerto ta duna su clientenan. Hendrik Croes a bisa cu tin como 400 taxista na Aruba pero no tur ta duna servicio na pasaheronan for di aeropuerto, pero e ta kere cu e cantidad cu a inscribi ta tog un bon señal pa e proyecto aki. Tambe el a confirma cu un grupo di taxistanan ta bay hiba Triple A Corte, locual ta valido den nos sistema na Aruba y e instancia lo respeta esaki y lo acudi na Corte tambe.
Comentarionan (3)Mustra/Kita comentarionan ...
Pakiko MESTER PAGA, pa algo cu ta parti di OPERACION di aeropuerto? Ta sIgui INVENTA MOTIBONAN pa CHICA plaka di PUEBLO, pasobra e taxistanan tambe ta parti di PUEBLO. E TAXISTANAN ta supose di tin e FASCILIDAD asina ya desde construccion di AEROPUERTO, pa duna un servicio mas miho na clientenen di AEROPUERTO entre vuelonan, cu ta MAS na ventaha di aeropuerto, como di e Taxistanan. Y si asina. AEROPUERTO kier TRATA e taxistanan, ta cobrando otro instancianan tambe pa uso di ESPACIO dentro di aeropuerto manera ADUANE of otronan cu no ta cai directo bow aeropuerto, pero si ta duna servicio igual cu e Taxistanan? Si ta cobra UN, MESTER cobra TUR! Tur TAXISTA tin derecho IGUAL ariba tereno di AEROPUERTO, sin excepcion!
,
August 11, 2012
Duna Comentario y/of Comparti riba Social Medi |
Mustra/Kita e formulario di comentario
