| Akuerdo entre Bonaire I Aruba ta kondusí na konferensha di famia na Bonaire |
 |
 |
| Friday, 10 August 2012 23:59 |
|
Diputado señora Serfilia, ku a hiba un kombersashon hopi profundo ku representante di Centro pa Desaroyo di Hende Muhá di Aruba (Cedehm) ku ta ligá ku ministerio di Asuntunan Sosial. Cedehm a informá diputado Serfilia ku a kuminsá desaroyá un maneho di famia na Aruba. Diputado Serfilia ta trahando riba desaroyo di un maneho di famia ku mester tin sosoten amplio den komunidat boneriano. Den kuadro di esaki ta bai organisá na fin di aña un konferensha riba e tópiko aki. Lo invitá tur grupo di enfoke tokante asuntunan familiar i di hende muhé. Pa medio di tayernan lo inventarisá tur puntonan problemátiko enkuanto maneho di famia na Boneiru. Esaki mester kondusí na a aserkamentu di base pa tòp ku ta resultá den un maneho koherente pa henter Boneiru. En realidat ta bai desaroyá e maneho di famia ku aporte di organisashonnan durante e konferensha. Ta importante ku mas tantu ku ta posibel organisashonnan aportá durante e konferensha. Lo trata diferente tópiko ku ta di gran importansha na realisashon di e maneho di famia. Tópikonan di e tayernan ta por ehèmpel;akohida di mucha, partisipashon di hende muhé òf informashon riba tereno edukativo na mayornan hóben.Diputado Serfilia ta konvensí ku e gruponan di enfoke lo aportá ku hopi informashon balioso i útil pa logra un plan di maneho koherente. E intenshon ta pa na kuminsamentu di aña 2013 tin un plan di fase pa e maneho kla.Por bisa libremente ku ta algu úniko i progresivo ku Boneiru ta desaroyá un maneho ku aporte di e gruponan di enfoke. Despues di inventarisá opinion i ideanan di e gruponan di enfoke ta desaroyá un plan pa maneho di famia. Ta remarkabel ku na Boneiru si mira e sifranan di partisipashon di hende muhé ku ta un kantidat di hende muhé ku tin un funshon pagá, prosentual ta abou.E plan di maneho ta un instrumento pa ataká e tipo di tópikonan akí. Por pensa den direkshon di organisá proyektonan di re -integrashon òf trayekto pa yega na kuminsá un negoshi propio. ( negoshi propio sin personal -npsp)Pa hende muhé ku ta sintá na kas. E konferensha ta planiá pa tuma lugá despues i Dia di Boneiru i diputado Serfilia lo suministrá informashon tokante fecha, orario i sitio mas pronto ku ta posibel. |
Mustra/Kita e formulario di comentario
