Djasabra, 11 ougùstùs 2012, alrededor di 10.42’or di mainta, Sentral di Polis a risibí notifikashon ku un ladronisia ku violensia a kaba di tuma lugá na un joyería den Breedestraat Punda. Ora polis a yega na e sitio nan a bin topa ku un kantidat di shokes kibrá i glas plama den e joyería.

For di un investigashon preliminar ku polis a realisá na e sitio, a resultá ku un ratu promé, un skuter ku dos hòmber riba dje a kore drenta den e joyería. E dos hòmbernan aki tur dos tabata bistí tur na pretu, ku hèlmu pretu riba kabes, hanskun na man i ku kara bon tapá. Aparentemente un di e hòmbernan sospechoso a baha for di e skuter i bou di menasa ku arma di kandela a kuminsá kibra e shokesnan ku martin. Durante di e akto aki e sospechoso a kòrta su man. E sospechosonan a kue un kantidat di prenda for di e shókesnan i bandoná e sitio riba e skuter ku velosidat haltu. Kontinuando ku e investigashon, polis a bin haña den Boldinghstraat un skuter i un hèlmu pretu probablemente prosedente di e ladronisia ku violensia ariba menshoná. Polis a konfiská esakinan pa mas investigashon. Departamento di Atrako ta kontinuá ku e investigashon.

Tep:

Polis ta súplika tur persona ku ta kere ku nan tin informashon riba e kaso di ladronisia ku violensia aki, pa pasa e informashon pa polis.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi