Djasabra, 11 di ougùstùs 2012, alrededor di 02.37’or, Sentral di Polis a dirigí un patruya na un kas na Kaya Cristobal Colon, pa un kaso di ladronisia ku violensia ku a tuma lugá riba habitante di e kas.

For di un investigashon preliminar ku polis a realisá na e sitio, a resultá ku e hòmber víktima doño di e kas, tabata bai sali su kas despues di a haña un yamada di telefon relashoná ku un outo ku tabata na kandela. Diripiente un hòmber i un muhé tur na pretu bisti ku arma di kandela a kore drenta kura di e kas ariba menshoná. E muhé sospechoso a tapa e hòmber víktima su boka i pidié pa sèn. E víktima tabata wòrdu maltratá ku kabu di pistol den su kabes. E sospechosonan a kue pòtmòni di e víktima for di su saku di karson i bai ku e vehíkulo, un SUV, di e víktima for di e sitio. Ambulans a presentá na e sitio i a trata e víktima na e sitio mes. Atrako Team ta kontinuá ku e investigashon.

Tep:

Polis ta súplika tur persona ku ta kere ku nan tin informashon riba e kaso di ladronisia ku violensia aki, pa pasa e informashon pa polis. Por yama Departamentu di Atrako na 866.6192 / 866.6140 òf tambe por yama na 911 durante di 24 ora òf e number anónimo 108.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi