Por lo menos 180 persona a wordo mata y otro 1300 a keda herida durante dos teremoto cu a sacudi e parti Noord west di Iran diasabra cerca di e ciudad di Tabriz, segun agencianan di noticia estatal. E canal di television Irani, Press TV a bisa cu 180 persona a muri.

Autoridadnan tin miedo cu e fatalidad por aumenta. Den e ciudad di Ahar, 45 morto a cay y otro 500 a keda herida, segun oficialnan local a conta IRNA media. E prome teremoto, cu un magnitud di 6.4, a tuma luga 4:53 di atardi, ora local, 37 miya Noord oost di Tabriz, di acuerdo cu US Geological Survey (USGS). 11 minuut despues, un di dos teremoto midiendo 6.3, a dal 30 miya Noord oost di Tabriz. Autoridadnan a reporta 17 aftershock den e region, segun IRNA media. USG a raporta shete. E teremoto a afecta Tabriz, e capital di e provincia Oost Azerbaijan y e ciudadnan den cercanía. El’a afecta cuatro otro pueblo y 60 otro a ricibi daño severo. Reportahenan inicial a bisa cu algun edificio na Tabriz a sufri daño structural y liñanan di coriente a cay. No tin liña di telefon na Ahar, e epicentro di e teremoto. E extensión di e daño ainda tin cu wordo calcula. Autoridadnan a despacha ekiponan di rescate pa e area. Iran ta sinta riba liñanan mayor di faya y tabata victima di teremotonan devastador. Na 2003, 30.000 persona a muri den un teremoto na Bam den e parti zuidoost di e provincia di Kerman. Na 1990, mas of menos 50.000 a muri den un teremoto cu a tuma luga cerca di Mar Caspio.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi