| Señora a haya cartera horta bek |
 |
 |
| Saturday, 11 August 2012 19:36 | |||||||||
|
E señora lo a bay indaga rond pa saca afor ken ta esnan tras di e ladronicia di su tas cu su cartera den dje por lo menos 400 Florin. Tabata diabierna atardi señora a bay pelukeria patras di Botica Oduber ora a bin bek subi su auto a haya paden tur reboltea y falta di su pertenencianan. E señora hunto cu su pareha a bati alarma mesora na autoridadnan. Tur indicacion ta señala na e choller Hasseth. Diasabra atardi e señora hunto cu su pareha dicidido a subi caya pa haya paradero di e choller. E señora a bishita e cas bandona unda e choller aki ta frecuenta bin haya su pertenencianan pero e placa y su documentacion tabata falta. E pareha hostina pa e situacion a bay banda di Elleboogstraat pa purba haya sa unda Hasseth ta y si almenos por haya e cedula bek. Sin mucho exito e pareha rabia a subi nan auto pa bay ora un patruya a dunanan alcanse. Polis a duna nota di e desaroyo nobo di e caso aki y inicia un buskeda den area pero e choller Hasseth tabata ningun caminda pa haya.
Comentarionan (5)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
