| International Olympic Committee a aproba pa BASEBALL (IBAF) y SOFTBALL (ISF) pa hasi un joint bidding pa regresa weganan Olympico na 2020 |
 |
 |
| Saturday, 11 August 2012 23:06 |
|
Pa cu esaki Presidente di ISF Sr Don Porter hunto cu Presidente di IBAF Riccardo Fraccari a manda un carta pa Presidente di International Olympic Committee ( IOC) Sr Jacques Rogge fecha 20 di Juli 2012. Den e carta aki firma pa ambos nan a expresa e deseo di ambos federacion internacional madre pa manda un (1) solo bidding esta un joint bidding pa Baseball Masculino y Softball Femenino pa asina trata na ingresa e deportenan bek den weganan olympico na 2020 bow di un solo capa esta un Federacion nobo cual lo carga e nomber di IF. ( International Federation). Tambe nan a splika cu e Federacion nobo IF bow di cual tanto IBAF y ISF lo cay lo replasa tanto ISF y IBAF como deporte di acuerdo cu articulo 45 # 2.12 den constitucion di International Olympic Committee. ISF y IBAF a keda sumamente contento cu nan carta di 20 di juli 2012 a wordo trata dia 23 di Juli 2012 pa e Executive Board di IOC y tambe den e IOC seccion di 26 di Juli 2012. Durante e dos secionnan aki (IOC) International Olympic Committee a APROBA e peticion di tanto IBAF y ISF pa asina nan presenta un joint bidding como un solo deporte bow di e Federacion nobo IF pa cu weganan olympico 2020. Esaki ta un logro grandi sinenbagro e lo bay tin un presion grandi riba ambos Federacion y tur dos lo mester jama un Congreso extraordinario promer cu fin di October 2012 pa asina confirma e fusion di IBAF y ISF bow di e nomber nobo IF esta International Federation. E federacion nobo tin e tarea pa comunica cu IOC y prepara e joint bidding pa Baseball masculino y softball femenino. Esaki lo wordo presenta na e Programme Commission di IOC December 2012. ISF hunto cu IBAF mientrastanto promer cu fin di augustus 2012 tin un meeting cu USA Major League Baseball kendenan a priminti desde awor lo traha na un manera positivo cu e federacion nobo si logra ingresa baseball y softball bek den weganan Olympico y lo percura pa traha espacio y un resolucion pa e mihor hungadornan di major league lo por competi den weganan olympico na 2020 y hasta a splika cu lo sostene e Federacion nobo IF financieramente den nan bon intencion. Presidente di ISF Sr Don Porter y president di IBAF Riccardo Fraccari ta masha contento cu e resultado y e movision positivo di nan relacion cu IOC y a bisa cu awor trabownan duro a cuminsa pa por cumpli cu tur cos pa December awor cual ta serka. fa |
Mustra/Kita e formulario di comentario
