Den entrevista cu drs. Paul Croes, presidente di parlamento, a splike cu tin miembronan di oposicion cu ta kehando cu e tempo pa repasa e presupuesto ta mucho poco y cu nan kier mas tempo pa studia e presupuesto completo. El a splica cu e opinion di oposicion ta realistico y e ta comparti nan pensamento tambe.

Diahuebs atardi na cas di Embahador di Reino Hulandes na Washington DC, Minister Otmar Oduber a firma e acuerdo di cooperacion cu Federal Aviation Administration (FAA) di Merca. Ta trata aki di un acuerdo cu tabata pendiente hopi aña caba y cu finalmente a wordo firma despues cu Minister Oduber durante su biahe fin di aña pasa pa Merca a pusha pa e firmamento por a tuma lugar.

Minister di Turismo, Transporte y Labor Otmar Oduber a haya e grato noticia for di e compania di biahe on line mas grandi di mundo "Expedia" cu a raporta un crecemento di demanda pa Aruba di no mas cu 15% den e promer kwartal di aña, un logro hopi grandi pa nos isla. Dor di ta trahando di cerca cu Expedia y su portafolio di marcanan on line, hotelnan aki na Aruba a sa di ta exitoso na momento di atrae turistanan pa hospeda na nan hotel.

Na Universidad di Leiden na Hulanda tabata tin un celebracion hunto cu un grupo di muchanan esaki den cuadra di un presentacion organisa door di UNICEF caminda a presenta e rapport tocante derechonan di mucha y nan situacion den e islanan di Reino Hulandes. Minister di Asuntonan Economico, Asuntonan Social y Cultura Michelle Hooyboer-Winklaar tabata presente hunto cu Gobernador di Aruba Freddis Refunjol.

Minister di Asuntonan Economico, Asuntonan Social y Cultura Michelle Hooyboer-Winklaar ta den un bishita di trabao na Hulanda. Na Univerdidad di Leiden a entrega e rapport na Minister Plasterk tocante e situacion di e muchanan na Aruba, elabora door di UNICEF. E mandatario a splica cu esaki tabata un presentacion caminda tabatin discusionnan hopi interesante y hopi dialogo.