Luna pasa a tuma lugar e testnan pa selecta alumnonan di enseñansa basico cu kier bay scolnan di mavo, havo y vwo. E resultado di e testnan aki semper ta causa dolor serca maestro y majornan di alumnonan cu no pasa e test cu bon resultado. Majornan ta sinti cu e futuro di nan jiu ta bay perdi y maestronan ta sinti cu nan alumnonan no a presta bon of cu nan - e maestronan y e scol - a faya.

Mani Lopez ta un maestra y un persona hopi conoci y respeta na Aruba. Un persona cu definitivamente tin e don di esnan den enseñansa di conecta cu y yuda tur cu mester di ayudo y atencion. Wela di e candidato mas hoben di Partido di Pueblo Arubano, Tyson Lopez, a introduci cu nieto stima durante su lansamento oficial algun dia atras.

Partido Democracia Real a tene su conferencia di prensa. Andin Bikker a comenta riba e degradacion di Aruba dor di Standard and Poors, y loke a sosode segun Bikker ta hopi preocupante aunke nos gobierno ta pinta tur cos bunita. Andin a splica cu ora un pais ta wordo degrada den su calificacion pa haya fianza esey ta pone cu e ta competi cu otro paisnan na un interes mas halto cu normal.

Melvin Tromp a splica den conferencia di prensa, cu el a mira publicacion den medionan local, cu ta bisa cu Mike Eman mester stop di papia di un ciudad di 5 strea, y ta referi na un propiedad cu ta choller house pabao di Hotel Central. Melvin a splica cu e tin informacion concreto cu ta mustra cu ta trata aki di un tereno propiedad particular cu no tin di haber cu gobierno, pero solamente cu e donjonan a bira victima di e mal maneho di gobierno anterior.

Evaluacion di Standard & Poor’s di Aruba di A- pa BBB+ ta consecuencia directo di ciere di e refineria. Esaki e agencia ta bisa cu tanto palabra den su analisis. Minister Mike de Meza a bay den detaye riba kico tur a pasa prome cu Valero a yega na decision di para su operacionnan na aña 2009. Despues di un tira y hala di algun aña cu gobierno di e tempo ey y na unda e relacion cu Valero a bay bou hopi presion, e refineria a dicidi pa para su operacionnan.

Den tur e rapportnan cu a wordo traha dor di agencianan di evaluacion manera IMF, S&P y Fitch Ratings durante e ultimo tres añanan ta enfoca hopi riba e pasonan cu gobierno a tuma pa stabilisa e fondonan di pensioen, pasonan tuma dor di gobierno pa stabilisa AZV, pasonan cu gobierno a tuma pa asina economia di Aruba conoce atrobe un recuperacion.

Diamars embahador di Union Europeo residencia na Guyana Robert Kopecký a haci un bishita di trabou cerca Prome Minister Mike Eman. Durante e bishita aki Kopecky a haci entrega di su credencialnan na Prome Minister Eman. E encuentro a bay den bon ambiente. Kopecky ta banda di ta embahador di Guyana, tambe embahador no residencia di Union Europeo pa Trinidad y Tobago, Surnam y paisnan LGO Hulandes.

Dialuna atardi na Waka Waka Restaurant Minister di Husticia y Enseñansa, Arthur Dowers a atende e lansamento di e version adapta di un programa produci pa Switch Foundation tocante “Bullying”. E productor di e programa Paula Nahr a haya hopi peticion di parti maestro y studiantenan pa e programa tocante bullying na cual un elenco masha grandi a participa.

Dim lights

Diasabra awor lo tin un evento grandi ariba e Green Square di Partido AVP situa na e skina di Adrian Lacle y LG Smith Boulevard. Lo tin musica di Upgrade Music, Fellow, Basic One y varios Dj. Click play pa mira e video.

Durante e Young Professional event cu a tuma lugar na Radisson Ballroom, Minister Otmar Oduber a haya e oportunidad pa intercambia ideanan cu e comunidad di hoben profesional riba nos isla. E grupo aki a keda sumamente satisfecho cu a inclui nan pa forma parti di un evento particular unda nan tabatin e oportunidad pa conversa y intercambia di ideanan y opinion cu profesionalnan hoben.