Ministerio Publico no ta mira ningun motibo pa cuminsa un investigacion penal contra e lidernan ni contra mayornan di e baby cu a fayece siman pasa na e "creche" situa den Madiki Kavel. E conclusion aki a bin awor cu e autopsia a keda cla y no a duna ningun indicacion di agresion fisico ni nada otro cu lo por a causa morto di e criatura.

Riba 16, 17 y 18 di mei Aruba ta anfitrion di un conferencia cu tin como tema central e idioma Hulandes como idioma stranhero. NVTiC, cual ta “Nederlands als Vreemde Taal in het Caribisch gebied” ta e prome reunion grandi entre e delegadonan procedente di e paisnan den Reino, esta Aruba, Boneiro, Corsou, Saba, Sint Eustatius y Hulanda, plus Surnam.

Mientrastanto tin dos proyecto pa hotel nobo na Aruba, hotelnan tin problema serio pa haya trahadornan pa cierto seccionnan. Ta mustra cu te hasta tin hotelnan cu lo horta trahadornan di otro. Den un entrevista, minister Otmar Oduber a splica con nan lo atende cu e situacion aki pa evita cu mester importa trahador.

Den un entrevista cu minister Otmar Oduber, a splike cu tin grupo den oposicion, manera e ex minister di turismo mes, cu ta kere cu no tin espacio pa mas camber di hotel na Aruba. Rirtz Carlton y Hard Rock Café Hotel & Casino ta trece dos mercado full diferente di loke nos tin, y Hard Rock no ta agrega ningun camber na e inventario cu tabata tin tempo cu Bushiri tabata habri.

Andin Bikker, durante e conferencia di prensa a comenta riba e contrato di AZV cu dr. Carlos Vallejo. E parlamentario a splica cu mientras na otro paisnan nan ta pusha pa hisa e edad di pension, AZV kier termina e contrato cu Vallejo pasobra e tin 65 anja. Na Hulanda mes na 2014 edad di pension lo aumenta pa 67 anja y docternan manera den e caso di Vallejo por sigui traha te su 67 of hasta mas pasobra tin posibilidad pa bay mas leu.