Dim lights
Dialuna anochi e canal mericano ABC a pasa e imagenan di e grabacionan cu a wordo hasi na Hulanda. Un alrededor di 20 miyon persona a sintonisa e programa. ABC a combersa tambe cu Patrick kende a hunga pa e amigo di Joran pa asina declara su motivacion pa tabata parti di e operacion aki. Click riba e imagen pa e video.
Dim lightsNos a ricibi mas footage di e programa di Peter R De Vries. Riba e video aki por mira mas di loke Joran a conta e tal Patrick aki. Click riba e imagen pa mira e video.
Dim lightsDiadomingo anochi ora di Hulanda miyones di televidente a sinta dilanti nan television pa mira e programa di Peter R de Vries. Click riba e imagen preto of click play pa mira e video unda cu Joran a wordo graba secretamente. Pasenshi pasobra e ta tuma su tempo pa download dependiendo di bo internet speed.Update: Un cantidad record di televidente na Hulanda a mira e programa aki. Ta trata di 7 miyon persona. Esey ta 80 % di e total televidente cu tin na Hulanda.
Reporteronan na Hulanda a logra haya sa e persona cu a hasi e grabacionan scondi di Joran v/d Sloot. Lo ta trata di Patrick van der Eem cu a nace na Aruba of Antiyasy cu tin un compania na Hulanda. E cabayero aki lo a traha 5 luna pa Peter R de Vries y a ricibi 5.000 euro pa luna. Den un entrevista Patrick ta bisa cu e no a hacie pa e placa. E la bisa cu e la hacie paso e kier pa e caso a wordo resolvi. Den e mesun rosea papiando di placa, Peter R de Vries tambe a basha abow cu Joran y su famia a ricibi 5.000 euro pa ta den e programa di Pauw & Witteman.
Dim lightsDen e video aki por scucha Joran van der Sloot diabierna anochi unda cu e ta bisa cu loke un "amigo" di dje a graba no ta cuadra cu berdad. E la conta e amigo aki cu un amigo di dje a bin cu un boto pa nan deshasi di e curpa di Natalee. Joran ta bisa cu e la duna e "amigo" aki loke e kier a tende. Click riba e imagen preto pa mira e video.
E network mericano di ABC a cumpra tur derecho pa transmiti e edicion di e programa di Peter R De Vries na Merca. Esaki lo ta e edicion cu lo wordo pasa diadomingo anochi na Hulanda. E edicion lo wordo pasa na ABC dialuna anochi pa 9.30! E productor endemol no kier menciona e suma di placa cu ABC a paga pa e grabacionan. Tambe riba e foto aki por mira Joran den un nightclub diahuebs anochi. Agencianan di noticia ta informa cu por mira cu niun di e revelacionan aki ta preocupa Joran.
Informacionan nobo for di Hulanda ta indica cu un "amigo" di Joran cu por cierto ta di Aruba lo a graba algun combersacion riba camara den un forma scondi. Aparentemente e "amigo" aki lo a admiti di a ricibi un suma di placa for di Peter R De Vries. Esaki ta loke Joran lo a conta su mayornan. Joran no a spera e infiltrante aki y tabata hopi sorpresa riba e noticia di de Vries e abogado di Joran na Hulanda a informa. E abogado di Joran no tin ningun bon palabra pa Ministerio Publico. Click read more pa mas!
Dim lights
Diahuebs atardi ora di Hulanda e mama di Natalee Holloway a mira e video unda cu segun Peter R de Vries ta mustra kiko a pasa cu Natalee y cu Natalee no lo ta na bida mas. E mama tabata hopi furioso y nos ta trese e prome reaccion di e mama di Natalee Holloway despues di a mira e video diahuebs atardi. Click pa mira e video.
Dim lightsAruba, Hulanda y Merca ta riba bow cu posibel revelacionan nobo cu e reportero Hulandes Peter R de Vries lo bay revela den su programa diadomingo awor. En coneccion cu e programa e la manda invita e mama di Natalee Holloway kende Peter a busca personalmente na aeropuerto. Peter ta den contacto director cu fiscal di Aruba Sr. Hans Mos pa duna e informacionan aki na dje. Un hacker ta dunando informacion cu e la logra drenta den e website ingles di e reportero y a logra haya e sigiente informacionan. Click read more.
Na Cas di Aruba a tuma lugar na vispera di
Dia di Betico un ceremonia na e busto di Betico Croes. Minister
Plenipotenciario sr. Frido Croes y esposa sra. Lourdes Croes-Figaroa y director
di ATA Europa sr. Humprey Vrolijk. a pone un flor na e busto di Betico den
presencia di e personal di Cas di Aruba y di ATA Europa. Minister
Plenipotenciario a bisa den su discurso cu nos mester ta gradicido na sr.
Betico Croes cu awe nos tin un Cas di Aruba na Hulanda.
Pa 10.31 awe mainta tabatatin un temblor den caribe. Esaki a sosode 60km SSW di e isla di Sint Maarten. For di KNMI e informacion ta bisa cu e magnitud di e temblor tabata di 4.2 te 4.4 riba schaal di richter. E profundidad di e temblor tabata 30 km. For di islanan aruba nos a ricibi hopi informacion cu nan a sinti esaki na diferente sitio riba nan isla.
