SIP ta condena asesinato di periodista na Mexico y ta pidi pa investigacion
Monday, 19 November 2012 13:06
E Sociedad Interamericana di Prensa a pidi autoridadnan di Mexico pa investiga cu urgencia pa conoce e motibo y duna responsabilidad pa e asesinato di e reportero Adrian Silva Moreno, cual hecho a tuma luga na Puebla.
Famoso pelotero Derek Jeter lo ta na Aruba otro siman
Friday, 16 November 2012 20:18
Entre dianan 22 y 25 di November Aruba lo ta cede di e International Para -Taekwondo Championshi y e 2012 WTF World Cup Team Taekwondo Championship. Como invitado lo tin entre otro e famoso Derek Jeter di New York Yankees pa asina firma autografo y asina duna su aporte na e deporte aki. Segun por a compronde e chens ta grandi cu lo tin otro celebridadnan riba nos isla, pero tur esaki ta depende di nan agenda durante e proximo siman. E eventonan ta tuma lugar den Centro Deportivo Betico Croes na Santa Cruz.
Caso inadmiti di Pernod Ricard: Demanda no prospero na Merca. Regionnan a rechasa $200 miyon
Thursday, 15 November 2012 21:19
Varios departamento di Colombia a perde un pleito largo contra multinacionalnan di bebidanan alcoholico cu tabata wordo acusa di competencia desleal proveniente di contrabando, despues cu e Tribunal di Districto di New York a desestima e litigio contra Pernod Ricard (Francia), Diageo (Reino Uni) y Seagram.
Tibetano di 14 aña ta cende su mes na candela despues di investidura di Xi Jinping
Thursday, 15 November 2012 17:57
Un Tibetano di 14 aña a cende su mes na candela den e parti Noord oost di China, poco minuut despues di e anuncio di e nombramento di Xi Jinping como number un di e regimen comunista Chines, e agencia oficial New China a anuncia, citando e localnan como responsabel.
Radio Nederland Wereld Omroep a despedi di su partnernan den Caribe
Sunday, 11 November 2012 21:50
Diabierna anochi riba invitacion di Radio Nederland Wereld Omroep 24ora.com tabata presente pa un recepcion ameno na Villa Maria. E motibo di e recepcion tabata como despedida di e redaccion Caribense di Radio Nederland Wereld Omroep (RNW) cu tabata ubica na Korsou.
Un ladron di banco a wordo deteni pa polis na Austria despues cu el’a haya un zundra for di un welita di 82 aña. Hertha Wallecker a describi e episodio ora cu el’a acerca e delincuente silenciosamente di patras, arma cu un pistol y un bom di fabricacion casero, a kita su masker y a purba di kita e placa cu e tabata tin den su man, mientras cu el’a bis’e cu si e kier e placa, miho e busca un miho trabao.
Foxconn ta admiti di a tuma muchanan di 14 aña den servicio
Wednesday, 17 October 2012 13:27
Foxconn, e compania Taiwanes encarga di fabrica iPhone di Apple, a admiti cu el’a viola ley di tuma adolescentenan di 14 aña den servicio den un di su plantanan na China. Foxconn a bisa cu e hobennan a traha durante tres siman den e parti noord oost di China, como parti di un programa di practicanan pa studiante.
Joran van der Sloot ta bira tata. E lo mester a saca su amiga Peruana Leny na estado durante un bishita sin supervision. Esaki ta segun e corant Hulandes De Telegraaf. Van der Sloot a confirma e informe aki. “Un test a demostra esaki”, el’a bisa den un entrevista telefonico cu e corant. E abogado di e Hulandes, cu tin cu sinta 28 aña di castigo na Peru pa motibo di asesinato di e hoben Stephany Flores, ta indica cu e amiga di van der Sloot tin mas cu 3 luna na estado.
Aruba a keda bon representa na Montreal & Trinidad pa medio di peliculanan local
Monday, 08 October 2012 11:50
Reciente fundacion AVI su short film ‘10 Ave Maria’ a representa Aruba na Montreal International Black Film Festival Canada, esaki ta ‘10 Ave Maria’ su di seis participacion na un film festival y pronto e short film local aki lo tin su premicia na Cuba na e di 34 Festival Internacional del Nuevo Cine Latino Americana.
Na ‘Het Groeiend Monument’ den Bijlmer na Amsterdam a tuma lugar awe e conmemoracion di e tragedia di Bijlmer, na unda a recorda cu 20 aña pasa un avion di carga Boeing 747 di El Al a cai den e flatnan Klein Kruitberg y Groeneveen.
