Diadomingo merdia pa 12:31 ora local di Aruba, Colombia a keda sacudi pa un temblor basta fuerte riba e magnitud di 7.3. E epicentro a keda registra den area di La Vega, Cauca y a keda sinti for di ciudad capital Bogota te cu Medellin, Cali, Popayan y tambe region pa nort di Ecuador. E profundidad di e temblor tabata den careda di 168 kilometer bou tera. Te con leu no a raporta dañonan serio ni tampoco heridonan di gravedad. Autoridadnan ta pidi pa tur hende keda calmo.

Capriles Radonsky ta kibra record yenando e stadion di Magallanes durante culminacion di su campaña presidencial na Valencia, den estado Carabobo. E candidato presidencial di Venezuela, Henrique Capriles Radonsky, un politico di apenas 40 aña cu a yega di fungi como presidente di Parlamento, alcalde y gobernador, ta un desafio grandi pa e actual presidente di Venezuela, Hugo Chavez, cu tin 14 aña na poder.

Despues di 65 aña Radio Nederland Wereldomroep ta stop cu su transmicionnan pa Islanan BES y tambe Aruba, Cosou, Sint Maarten y Suriname Diahuebs cu un transmiscion historico y unico di 3 ora. Tabata tin diferente invitado cu a papia riba diferente topico for di ora cu RNW a lansa, e independencia di Suriname, Aruba cu su Status Aparte y hopi mas.