Corte den Prome Instancia a dicta awe na fabor di Gianni's Nutrition Center y e comerciante Alex Croes. Ministerio Publico a acusa e dosnan aki di importacion di productonan ilegal, refiriendo na suplementonan natural.
“Taxistanan” ta gana nan caso den Corte di apelacion
Monday, 05 December 2011 19:41
Abogado Anthony Ruiz a ricibi dialuna mainta trempan e decision di Corte di Apelacion den casonan di LAR, cu el'a entama den nomber di 23 persona cu a aplica pa e permiso di taxi, y cu a haya esaki di Minister anterior, sr. Eddy Briesen.E caso a cuminsa ya caba na november 2009, ora cu un di e prome actonan di e Minister actual Otmar Oduber, tawata pa revoca tur e permisonan duna. E tempo ey ta 52 persona a wordo perhudica pa e decision aki di Minister Oduber.
Despues cu dos siman pasa Huez a trata e caso di bisinanan di Club 21 a entama contra e club, Huez a dicta na fabor di e bisinanan. E caso a wordo entama debi na e.o e molester di sonido cu e club ta produci den oranan di marduga y mainta. Click lesa mas pa lesa e veredicto.
Corte Superior a rechasa peticion di Fiscal pa extende detencion di Gary Giordano
Wednesday, 30 November 2011 14:44
Awe Corte Superior, den cual tin 3 Hues ta sinta, a trata e peticion di Ministerio Publico den cual nan ta protesta contra e decision di Hues Comisario pa no extende e detencion di Gary Giordano. E ultimo aki ta e unico sospechoso den desaparicion di e turista Mericano Robyn Gardner algun siman pasa na e beach patras di Nanki Country Club.
Diamars atardi Ministerio Publico a tene amplia riba e situacion cu a presenta unda Gary Giordano a sali liber. Tambe e elabora riba kiko tur e esfuerzonan tabata durante e investigacion riba e desaparicion di e mericano Robyn Gardner. Click play pa mira Taco Stein riba Ministerio Publico
Despues di a pasa algun luna encarcela, Gary Giordano a sali for di KIA awe como homber liber. Su abogado di Aruba mr. Chris Lejuez a bay busk'e hunto cu su abogado Mericano Jose Baez.
Ministerio Publico a apela e decision di huez-comisario pa laga Gary Giordano sali liber
Tuesday, 29 November 2011 15:52
Un rato Ministerio Publico a caba di anuncia cu nan a apela e decision di huez comisario pa libertad di Gary Giordano. Awe diamars Gary Giordano ta bai liber.
Mayan tres huez lo trata e apelacion di Ministerio Publico. Si e sali na fabor di ministerio publico y Gary Giordano a bandona Aruba, nifica cu mester pidi su extradicion for di Merca. Esaki por dura lunanan pa logra haye bek riba teritorio di Aruba.
Hues ta prohibi Gobierno di ehecuta MB di Klasnan Modular
Wednesday, 16 November 2011 15:03
Awe mainta Hues a dicta sentencia den un caso sumario cu companianan cu ta huur trailer a entama contra gobierno, relaciona cu e decision di Minister Dowers pa otorga un contract di 16.8 miyon florin na JEM Industrial Services, sin bay den un proceso di destaho publico.
Discusion legal riba derecho pa explota logo di Aruba
Thursday, 03 November 2011 01:00
E compania Damox NV di Ralph Maduro a entama un caso civil contra e compania Emco di famia Eman, den cual ta pidi Corte pa prohibi e imprenta di sigui uza e logo di Aruba riba su flanelnan. Sinembargo Corte a duna Emco rason y como tal awor Damox ta evaluando pa apela e decision den Corte Superior.
Huez Comisario ta alarga detencion di Mericano G.V.G.
Friday, 28 October 2011 14:29
Huez Comisario a dicidi awe, diabierna 28 oktober 2011, pa loke ta alargacion di detencion di e sospechoso G.V.G. den investigacion di desaparicion y morto di e muher Mericano Robyn Gardner, cu e detencion di e sospechoso Mericano lo wordo alarga cu 30 dia.
Sospechoso Mericano deteni na Aruba a contrata abogado nobo
Friday, 14 October 2011 19:06
Gary Giordano ta deteni na Aruba den e caso di desaparicion di Robyn Gardner, a contrata abogado Chris Lejuez riba diabierna. El’a tuma over e defensa principal, despues di a pasa dos dia den un reunion cu Gary Giordano, 50, den KIA, caminda e ta cera, según Lejuez. Giordano, kende ta deteni en conexion cu e desaparicion di su compañe di biahe, Robyn Gardner, 35, a wordo deteni dia 5 di augustus na aeropuerto Reina Beatrix, mientras cu e tabata wardando pa un vuelo pa Merca. E ta deteni pa 70 dia caba.
