Ora bo ta biba 13 anja afo di bo isla, yega Aruba ta hiba un poco di ahustamento. Hendenan ta cambia, e sistema ta cambia. Pesey ta yen a bo curazon cu orguyo na momento cu bo ta mira cambionan grandi ta tuma lugar. Cambionan pa un mihor futuro, plannan serio cu ta keda concretiza of cu te ainda mester ser termina.

Nos pueblo pa un gran parti ta consisti di hendenan humilde cu hopi bes tambe ta masha ingenuo y ta kere facilmente cu finalmente tur cos lo bira mihor. E cualidadnan aki di e mayoria di nos pueblo a haci cu e esnan hambriente pa poder y placa cu yudansa di medionan di comunicacion poco poco a imprenta den nan un manera di escohe nan gobernantenan y a haci nan esclavo di un of otro partido politico.

Dilanti di Calypso de caya grandi un negoshi cu yama pizza piazza a pone posters riba e palo di luz nobo. Si ta asina awor y ningun hende ta tuma accion, con lo ta aki un aña. Un instancia mester cuminsa na atende cu esnan di e restaurant aki. Y manda un mensahe cla tambe pa e restonan cu tin. Esaki ta un falta di respet total unda ta mal usa propiedad di gobierno y nobo nobo den Caya Grandi pa pega cosnan di propaganda.

Aunke aworaki por considera Elleboogstraat un luga desola, den e añanan anterior na 1970/80 e tabata un bario chikito masha cosmopolita. Tempo cu mi mama a trece mi for di Colombia na aña 1952 den e bario tabata biba hende Ingles (di tur parti di Caribe), Boneriano, Yu’i Corsou, Colombiano, Cubano, Venezolano, Haitiano, Dominicano, y naturalmente Arubiano tambe! (Mi ta spera di por conta storia di e bario den futuro).