Diaranson anochi lo tuma lugar e prome anochi di prefinal pa e Aruba Caiso & Soca Monarch. Esaki tabata programa pa ayera pero debi na e na e mal tempo di diamars a hasi cu den oranan di diamars atardi Stichting Musica a dicidi di na pospone e promer anochi. Esaki lo nifica cu envez di tres anochi di pre final lo tuma lugar solamente dos anochi di pre final cu ta diaranson anochi y Diahuebs dia 17 di January 2013.

Diamars mainta Notario tabata presente na oficina di DIP pa e procedura cu ta saca e 195 nombernan, mas un lista di reserva, cu ta bini na remarca pa un kavel. Den combersacion cu Isabel Dammers, el a splica cu presencia di Notario ta pa mira con e procedura ta uno husto y cu no tin nomber dobel ta wordo saca.

Awenochi lo ta e promer anochi di pre-final pa e Aruba Caiso & Soca Monarch den Joe Laveist Sport Park. Pa exactamente 7 or di anochi lo start sali cu un anochi cu un cartelera di banda sumamenter popular. Awenochi lo ta riba e escenario Tsunami, Le Groove, Youth Xtreme, Upgrade Music y Je’o. E bandanan aki lo presenta un total di 9 Caiso y 18 Soca. Esaki sigur ta un oportunidad unico pa mira tur e bandanan aki hunto.

Mas cu mil mucha a marcha diadomingo atardi riba cayanan di San Nicolas den e di 17 edicion di Parada di Blaas. Organisadornan Kisha Fantasy por ta contento di un otro parada bon organisa. Click lesa mas of riba nos galeria pa tur imagen.

SAC a informa cu “Rookie of the Year” a bay pa Jayleen Croes "Princess Jay". Cantante mas Popular a resulta Izellah Ruiz "Queen Izi" y “Best Costume” a bay pa Tashanira Rasmijn "Tasha Style". Ganado Infantil Calypso ta Izellah Ruiz "Queen Izi" cu e titulo di su cancion "I Love Aruba". Den e seccion di Roadmarch Infantil, e ganado tabata Izellah Ruiz "Queen Izi" titulo di cancion "Push Back".

E conocido abogado mr. Lincoln "Dello" Gomez ta den preparacion total pa participa diamars awo den e Caiso & Soca Monarch como "King Law". Su cancion yama "Balancing" y ta conta cu acompañamento musical di Le Groove, cu lo ta e banda number 2 durante e prefinal di diamars.

Diabierna anochi SAC a tene Inscripcion di Tumba festival 2013 a tuma lugar na Hoffie Chona. Inscripcion a cera cu 7 Banda y 19 cantante. Organisadornan ta di opinion cu temporada cortico di Carnaval a hunga un rol pa e numbernan relativamente abou di bandanan cu a inscribi. Click lesa mas pa e secuencia.

Despues di 13 aña Dakota ta bin bek cu un tremendo iniciativa di organiza y tene eleccion di reina den bario. Cinco popchi a competi den Centro di Bario y Deporte Dakota pa e corona di Reina Infantil cu keda den nomber di Zue-Jean Croes. E reina a keda corona pa presidente di Centro di Bario y Deporte Dakota sr. Gilmar Croes.

Algo prome cu 10 or di anochi a corona Edilienne Tromp Reina Infantil di Districto di Noord. E aña aki e bario tabatin cinco princesita cu a participa diabierna anochi pa e corona di Reina Infantil di Distrito di Noord 2013.

E aña’ki Aruba lo conoce e di dos edicion di e evento Aruba Caiso & Soca Monarch 2013 cu ta wordo organisa door di Stichting MUSICA. Den combersacion cu e musico Hildward Croes den ATV Noticia Awenochi e la splica cu loke cu conoce na Aruba como Roadmarch ta di e genero soca. Pero na mesun momento mester tene cuenta cu tin varios tipo di soca. Pesey hopi ta puntra con e ganador lo wordo huzga.

Despues di hopi aña di colaboracion, ta parce cu a surgi un kiebro entre esnan tras di e revista Bacchanal y e organisacion di carnaval SAC. Durante un entrevista na ATV Noticia Awenochi e promotor di Bacchanal Chibi van der Hans tabata presente den studio pa duna un splicacion di kico a pasa. Chibi van der Hans a cuminsa cu un revista Bacchanal cu ta promove e eventonan di Carnaval pero primordialmente esunan di SAC pa basta aña caba.

Un di e puntonan cu hopi biaha ta cuestiona ta e uzo di computer den areglonan y cu si esaki no ta kita e originalidad di un creacion. Na opinion di Hildward Croes, e influencia di musica moderno ta dificil pa frena. Esaki e musico a enfatisa den entrevista cu ATV Noticia Awenochi. Segun Croes e ta algo cu ta tene cuenta cune, pasobra no por laga e parti tecnologico domina completamente. "Mester tene cuenta cu e parti humano,

Diahuebs anochi den Centro di Bario y Deporte Dakota a trek lot entre e participantenan pa Calypso y Roadmarch Infantil y Hubenil. E aña e interes pa e festival no ta dje grandi. Un total di 7 participante lo competi pa e titulo den categoria infantil y solamente 2 den categoria hubenil. Oraganisadornan solamente tin palabranan di hopi danki na e banda Impact cu a sa di duna sosten na nos hoben nan pa asina nan atrobe por tin un festival di Calypso y Roadmarch.

Despues cu aña pasa e bario di Noord a celebra en grande cu nan candidata Infantil Ileyna de Cuba cu a sa di conquista e corona maximo di Reina Infantil di Aruba su Carnaval y a logra bai cu tur premio, e emocionnan ta halto e aña aki un biaha mas pa purba retene e corona di Reina Infantil di Aruba su Carnaval.

Despues di hopi aña ausente cu eleccion di Reina den bario di Dakota, Centro di Bario Dakota ta bek cu Eleccion di Reina. Cu sumo placer Centro di Bario Dakota kier invita pueblo di Aruba pa nan prome eleccion di Reina Infantil den bario despues di mas o menos 13 aña y ta tuma lugar Diabierna 11 di Januari 2013 den Centro di Bario Dakota cuminzando pa 7:00 PM.

Cuminsando diamars dia 15 di January 2013 den Joe Laveist Sport Park lo tuma lugar e Aruba & Caiso Soca Monarch. Aki mas cu 80 composicion lo competi pa e titulo di e Soca Monarch y e Caiso Monarch. E anochi nan di pre final lo ta dia 15, 15 y 17 pa asina e final tuma lugar diasabra dia 19 di January 2013.

Diaranson atardi na Palm Beach Plaza Stichting Musica a duna di conoce cu oficialmente e benta di caarchi pa e evento carnavalesco mas grandi di Aruba a sali na benta. Manera ta conoci e conocido Calypso and Roadmarch contest e aña aki ta wordo organisa pa Stichting Musica y ta hiba e nomber di Aruba Caiso & Soca Monarch.