Diadomingo anochi trempan Polis a bay atende cu un hoben cu ta haci hopi fastioso riba Eagle Beach. Polis a bay tira un control topa cu e hoben, a purba rasona cun'e pero esaki tabata for di control. Polis a bay pa boei ambos man pero e hoben a resisti. Polis no tabata tine facil pero di un manera tactico a logra detene. Dog Catcher a yega y e Polisnan hunto a subie den auto cu a hibe pa Warda di Polis unda e la haya un cuarto pa e sosega su curpa.

Aunke cu por bisa cu e comportacion di publico tabata hopi bon, toch na un dado momento a cuminsa un pelea durante e evento politico di MEP. No tabata contrincantenan politico, sino ta dos mucha muhe a dicidi di start un pelea. Polis no a detene nan, pero si a hala nan atencion pa cu nan comportacion!

Ladronnan ta core laga mercancia atras

PALM BEACH—Presencia di polis a wordo pidi diabierna 03.39 na e negoshi Wenger den Paseo Herencia, na unda ladronnan a drenta. Eynan un guardia di Paseo Herencia a declara cu mas o menos 3.15, el a mira un auto preto cu glasnan preto getint, y cuatro porta para dilanti di e negoshi Wenger.

Diadomingo atardi trahadornan di e restaurant di sushi na Palm Beach a bay pa habri porta bin ripara cu desconocido a forsa un porta pa drenta paden. A check oficina y caha pero no a haya falta di nada. A yama Polis pa entrega keho di e sucedido. Camara di siguridad di Valero Palm Beach den vecindario a capta e sospechoso su movecionnan, ta trata aki di un conocido di Polis.

 Esaki ta di dos alarma "falso" pa e dia awe, ora cu algun papel lo a move den e oficina di seguridad pafo di Banco Central cu a activa e sistema di alarma. Varios patruya di Polis a dirigi nan mes pa e sitio, pero sin cu por a haya ningun ladron cu intencion di horta den nos Banco Central, considera un di e edificionan miho cuida na Aruba.