Djaluna, 22 di aprel 2013, alrededor di 00.35’or, Sentral di Polis a haña informashon ku un kaso di tiramentu a tuma lugá na un kas na Lelienberg. Na yegada di e patruya polisial na e sitio nan a bin topa ku tres (3) dama ku herida di bala na nan kurpa. For di un investigashon preliminar ku polis a realisá na e sitio a resultá ku den oranan di den dia un di e damanan víktima tabata tin interkambio di palabra ku su amigu.

Djadumingu 21 di aprel 2013 alrededor di 23.19’or Sentral di Polis a dirigí un patruya na Sta. Rosaweg krusada Mahaaiweg pa un dalmentu ku herido. E patruya polisial ku a yega na e sitio a topa ku e shofùr di e vehíkulo, un hòmber di 37 aña di edat, drumí abou riba kaminda. For di un investigashon preliminar a resultá ku e shofùr di e vehíkulo tabata kore riba Sta. Rosaweg direkshon Schottegatweg Oost.

Den fin di siman a puklica un alerta na Aruba pa personanan ku lo a purba y a logra ku algun persona pa kai den un trampa di dollar. E personanan ta konta un storia bunita y despues ta keda ku bo plaka. Aparentemente despues di a sali den publikashon awor e dos tiponan aki a biaha pa Korsou. Nan lo mester ta moviendo den e area di Otrabanda / Punda. Nan ta dos homber ku sa bay bou e nomber Yelson y Frank Gommez. Nan ta prosedente di islanan Frances pero por papia Papiamentu.

Ayera 69 persona a naturalisá den un seremonia dilanti Gobernador Interino Adèle van der Pluijm-Vrede. Ku e paso aki nan a haña nashonalidat hulandes. Binti di e 69 personanan aki tabata mucha menor di edat. E nashonalidatnan di orígen ta hopi diferente. Tabatin hende di Haiti, Colombia Repúblika Dominikana, Sürnam, siudadano di Bangladesh, Libanon i Venezuela.