Prome cu nos campeonnan di Little League Caribe a sali pa William sport, Pennsylvania, nan a ser invita pa Prome Minister Mike Eman den VIP lounge di Aeropuerto hunto cu nan mayornan. Tambe tabata presentre Parlamentario Donny Rasmijn. Prome Minister Mike Eman a desea nos muchanan tur clase di exito.
Despues di a cosecha exitonan grandi cu su pagina "Den Ambiente" den Matutino DIARIO, awor Jan Poets lo produci su pagina Den Ambiente pa 24ora.com. E prome reportahenan lo ta for di William sport di tur e movecionnan di nos peloteronan di Little League durante e magno World Series Little League 2012.
Diasabra nos Campeonnan di Little League Serie del Caribe ta biaha pa Williamsport
Friday, 12 August 2011 15:52
Tur cos ta cla pa nos campeonnan di Little League Serie del Caribe biaha pa Pennsylvania, na unda nan lo bai representa Aruba y Caribe den e grandioso World Series Little League na Williamsport. Esaki ta pa prome biaha den historia cu Aruba ta participa den World Series Little League na Williamsport. E animo ta sumamente grandi entre e muchanan pa bai marca historia como e prome nan pa titular campeon di World Series Little League.
