Un dia prome su Mahestad Reina Beatrix a haci su ultimo discurso como Reina di Reino Hulandes. Den su discurso Su Mahestad ta mira bek riba su Reinado. El a cuminsa na papia di union y libertad cu for di temponan di antes tabata e motivacion pa e formacion politico di Hulanda. “Den e añanan di lucha y lantamento contra dominacion di afo, semper e ‘Wilhelmus’ tabata resona manera un stimulacion.
E prome torneo di Lionfish di 2013 a termina positivo unda mas di 750 Djampou di Spina (Lionfish) pa mas di 190 kilo a keda elimina. Cu esaki, a surpasa tur cantidad previo y tur expectativa di organisadornan. Sumamente satisfecho e organisadornan a keda di loke ta ser considera un logro sumamente satisfactorio pa proteccion di bida marina di Aruba.
Prome Minister Mike Eman, bispo di e traspaso di corona di Reina Beatrix pa yiu Principe Heredero Willem Alexander, a duna un mensahe acogedor pa Famia Real. Un discurso elocuente cu un mensahe profundo di gratitud y exito dedica cu hopi emocion na Famia Real. Prome Minister Mike Eman su mensahe literalmente tabata: Un momento historico di transicion y celebracion ta treciendo nos hunto den Reino.
E aña aki ta conmemora e fayecidonan durante e segunda guera mundial riba diasabra 4 di mei, cuminsando 5’or y mei y terminando 6’or y mei di atardi. Tambe lo conmemora esunnan cu a fayece den servicio di Reino Hulandes durante conflictonan militar (Indonesia) y durante operacionnan di pas (Libanon, Bosnia y Afghanistan).
Riba invitacion di Gobernadora Interino di Aruba, Sra. Ella Tromp-Yarzagaray, personahenan di mundo di comercio, política como demas miembronan di Parlamento y tambe Ministernan presente na Aruba, a haci acto di presencia na e saludo oficial pa nos Rey nobo, Willem-Alexander.
Diadomingo awor 5 di mei, Cacique Macuarima School ta organisando un caminata combina cu coremento di 5.5.km. E evento lo cuminsa 5:30 pm na Cacique Macuarima School na Sta Cruz.
Den oranan di atardi a drenta informe di un accidente entre tres auto na Pos Chikito cu herido. Aparentemente un pickup lo mester a bay pasa un auto color blanco sin señal pa sortia ora cu dado momento un bus a bin pega tras di e auto blanco. Debi na e impacto un ocupante di e bus a haya sla na su pianan. Pa su mala suerte el a caba di opera su bista. Daño material entre e tres autonan ta considerabel.
Diamars marduga pa mas of menos 1:25, polis tanto ambulance a wordo manda pa un accidente dilanti WEB NV na Barcadera pa un accidente. Na yegada di patruya a bin topa cu dos pickup. Un di compania Safe Com y e pickup di Parlamentario Booshi Wever.
Den oranan di anochi a drenta informe cu lo tabata tin un bringamento cu herido na Mai Store. A bin resulta cu un hoben di 22 aña lo a bay defende un dama, debi cu su pareha kier a maltrate. Aki a cuminsa un discusion cu a bay for di man, caminda e hoben a ricibi un boter den cabes. Polis y unidad canino tambe tabata t’ey presente mirando cu tabata tin hopi hende burachi na e sitio y a dicidi di cera e establecimento. Mientras tanto e hoben a wordo hiba Hospital pa tratamento medico avansa.
Den e ceremonia di cambio di trono na Nieuwekerk Amsterdam e parlamentarionan cu ta forma parti di e delegacion di Aruba un pa un a keda yama pa lanta para y huramente na su mahestad Rey Willem-Alexander. Esnan cu a huramenta ta Presidente di Parlamento drs. Paul Croes parlamentario Rene Herde, Marlon Sneek, Lorna Varlack, Melvin Tromp, Juan David Yrausquin, Andin Bikker, Mervin Wyatt-Ras, Marisol Lopez-Tromp.
Manera tur aña ta e caso un grupo grandi di Arubiano ta biaha pa Sint Maarten pa asina celebra carnaval. E biaha aki tanto buelonan charter como buelonan regular a wordo usa pa asina transporta e Arubianonan. Diamars dilanti di Holland House Hotel den frontstreet mayoria a para pa wak e carnaval. Despues di parada a sigi un ambiente formidabel cu musica di dj. Powered by INSEL AIR!
Reina Beatrix a firma den Mozeszaal di Paleis Real na Amsterdam e acta di abdicacion. Prins Willem-Alexander a bira Rey, Maxima a bira Reina. For di awor Reina Beatrix ta para bira Princes Beatrix. Representantenan di Aruba e.o. Prome Minister Mike Eman, Presidente di Parlamento Paul Croes, Gobernador Fredis Refunjol y Minister Plenipotenciario Edwin Abath a para testigo hunto.
Diadomingo anochi alrededor di 9:45 riba caminda di L.G.Smith Boulevard a sosode un accidente cu tres auto envolvi. E chauffeur tras di stuur di e Chevrolet Cavalier a baha na su banda robes di caminda bay dal den e Ford Everest pa despues pa bay dal den Toyota Pickup. E Ford Everest cu tabata core como taxi tabatatin un grupo di turista den e SUV.
Dialuna merdia 2 or a sosode un accidente dilanti di edificio di radio Revolucion riba e caminda di Tanki Flip pa Tanki Leendert. Toyota Corolla y un Toyota Yaris tabata envolvi. E chuaffeur di e Corolla no a paga tino cu e chauffeur di e Toyota Yaris a brake y a bai pega su tras.
Prome Minister Mike Eman den bispo di cambio di trono a expresa e importancia di famia real den Reino Hulandes den un discurso nacional transmiti den cadena riba television y radio emisoranan local. "Reino ta bira un pagina den historia, reino ta conoce un hefe di estado nobo" e prome mandatario a remarca cu nos isla ta orguyoso di tin Willem-Alexander como Rey. Prome Minsiter Eman a señala tambe riba e hecho cu den Maxima ta core sanger latino "Nan descencia ta uni continentenan, e ta un coinsidencia historico". Click Play pa mira y scucha e discurso.
E ciudad capital di Hulanda Amsterdam ta completamente bisti di cora, blanco, blauw y oranje. Amsterdam ta cede di e cambio di trono. Den algun ora den paleis Dam Reina Beatrix lo abdica trono y lo inaugura Rey Willem-Alexander. Mescos cu na Aruba comercio na Amsterdam a decora fachada di nan edificio cu colornan patriotico. E ambiente riba de Dam ta grandi cu hopi expectativa pa e dia historico. Seguridad ta hopi halto tambe tin Polis y Mobiele Eenheid den tur skina.
Siman pasa Otmar Oduber tabatin un exitoso reunin di contacto na Madiki caminda un biaha mas un publico grandi a reuni pa scucha y conversa cu e candidato di partido AVP, kende ya pa mas di dos aña a bin ta reuniendo cu pueblo pa scucha loke nan ta sinti, biba y desea, pero tambe pa scucha sugerencia y criticanan pa por eherce un mihor trabou como Minister di Turismo, Transporte y Labor.
Durante e discurso di Gobernador Fredis Refunjol el a splica cu Sarah Quita Offringa no ta e mihor di Aruba of di e region Caribe, pero campeon di Mundo. No ta pornada prensa internacional a nombra Sarah-Quita Offringa como the fastest woman on water, e dama mas liher riba awa.
Riba prome di mei 2013, Aruba por ta orguyoso di un yiu di tera hoben y un dama cu a keda condecora como Ridder van Oranje Nassau. Sarah-Quita Offringa asina ta bira e persona di mas hoben den historia di Reino Hulandes cu ta haya e condecoracion real aki. Sarah-Quita ta un idolo y sigur un ehempel pa nos tur.
Cu un accion di sticker, propaganda y un torneo di golf, Fundacion Stop Keho Falso ta pidi atencion ariba nivel nacional pa victimanan di kehonan judicial falso. Othmar Matos, un persona cu tambe a haya su mes den situacion aki, ta e motor tras di e iniciativa aki. Dia cu ela purba haci denuncia contra e denuncia falso cu a wordo haci contra su persona, ela ripara cu esaki no ta posibel.
Riba Plaza Turismo na Linear Park tabatin basta movecion di hende for di merdia. Un programa varia for di dos coro bou guia di Maybeline Arends-Croes y su gruponan Tuti Fruti y Melange, Nos Cultura bou direccion di Judith Martha, gruponan di baile manera Popcorn Dancers, Kids y Youth in Action, declamacion di poema di e hobennan di Arte di Palabra, Musica di Etty Toppenberg y Trio Asteca sin laga afor e banda musical DURO a entrene un publico te anochi lat.
E delegacion di Aruba a logra algun bunita potret cu Reina Maxima durante e recepcion den Paleis Amsterdam. Ta trata aki di e parlamentarionan femenino cu a forma parti di e delegacion di Aruba. Desiree Croes, Lorna Varlack, Marisol Lopez-Tromp y Mervin Wyatt-Ras cu Reina Maxima para memey di nan. Hunto tambe tabata griffier di Parlamento Jacqueline Bastien. Parlamentario Marlon Sneek tambe a logra saca un potret cu Reina Maxima, den ambos caso a uza un telefon celular pa capta e imagen di recuerdo.
Diamars merdia alrededor di 12:40, a sosode un accidente entre un Toyota Tercel y un pickup casi semi frontal, dilanti Kukwisa School na Pos Chikito. E chauffeur di e Tercel a splica cu e tabata bayendo den direccion di WEB, ora cu dado momento den wega entre su dos yiunan, un di nan a bay dal den su brasa haci cu el a kita na su man robes, net na momento cu un pickup, bayendo direccion Pos Chikito, tabata pasando. E boksmento tabata inevitabel. Mesora polis pa haci nan evaluacion. Un di e muchanan a wordo transporta pa hospital cu ambulance pa asina ricibi atencion medico.
Minister President Mike Eman tabata presente hunto cu un cantidad limita di invitadonan official dialuna anochi den e Museo di Reino (Rijksmuseum) unda a tuma lugar un cena di despedida extraordinario na honor di Reina Beatrix y e cambio di trono. Hunto cu Prome Minister Eman tabata su casa Doina Eman kende a luci sumamente bunita durante anochi den un traha di gala.
E conocido artista di reggae y dancehall Busy Signal dialuna anochi tabata den concierto na Sint Maarten hunto cu Miguel y Damian Marley. Busy Signal a sa di trece un variacion amplio di su exitonan riba e ritmo di Dancehall y tambe exitonan den e genero di reggae. Su presentacion no tabata hopi largo debi cu mester a corta e programa un tiki pa asina e no caba mucho laat.Powered by INSEL AIR!
Diamars mainta despues cu a firma e acta di abdicacion den Mozeszaal na Paleis Amsterdam, e famia real a subi balcon y Princes Beatrix a introduci na un plaza yen di hende na de Dam su Rey y Reina nobo. Rey Willem-Alexander a hiba palabra cortico duna Beatrix danki pa su servicio.
Mientras delegacion di AVP a biaha bai Hulanda pa celebra coronacion di e Rey nobo, partido MEP a reuni den su seno y cu gruponan di experto riba e impacto di e rapport di IMF. Den ultimo dianan lider di partido Evelyn Wever-Croes a reuni cu economistanan y expertonan riba e tereno financiero, pa scucha di nan banda kiko ta nan reaccion riba e rapport preliminario di IMF.
Diadomingo anochi algo prome cu 8or riba Avenida Milio J. Croes un trailer di boto a los for di Jeep y bay pega den fachada di Home & Nature. Polis a yega bin topa e boto riba su trailer. Si no ta tin e baki mata e trailer lo a drenta completo den edificio. Doño di Home & Nature tambe a yega pa tuma nota di e sucedido.
Diamars mainta algun minuut cu Rey Willem-Alexander y Reina Maxima a saluda publico riba e balcon di Paleis Amsterdam, RVD a haci conoci e potretnan oficial di e hefe di estado di Reino Hulandes. Un version di e potret tin e pareha real e otro tin Rey Willem-Alexander su so den e imagen. E potretnan aki lo remplasa esun di Reina Beatrix den tur edificio di Gobierno den henter Reino y pues tambe na Aruba.
Mainta e programa ta habri den Mozeszaal na Paleis Amsterdam cu firma di e acta di abdicacion di Reina Beatrix tras di porta cera, unda Prome Minsiter Mike Eman, Presidente di Parlamento Paul Croes, Gobernador Fredis Refunjol y Minister Plenipotenciario Edwin Abath lo ta testigo hunto cu henter e Ministerraad di Hulanda, Presidente di Eerste y Tweedekamer, Burgemeester di Amsterdam representantenan di Corsou, Sint Maarten y otro top dignatarionan Hulandes.
Dia prome di mei ta dia international di trahador of tambe mihor conoci como dia di labor. E dia aki ta refleha riba tur esnan cu di un of ' otro forma a contribui pa awe nos trahadornan ta mihor para cu leynan laboral cu ta sali na su vanguardia.
Diadomingo pasa Brazil Taekwondo Stichting a organisa su Car Wash pa e team di "Train Hard Fight Smart" cu ta recaudando fondo pa bay Suriname Open cu ta dianan 14-17 di Juni. Pa logra e biahe aki cu e team dinamico di Aruba, Brazil Taekwondo Stichting ta organisando Car Wash tur luna pa asina por cubri tur e gastonan di e team di Aruba "Train Hard Fight Smart".
Diabierna mainta minister di enseñansa Arthur Dowers a inaugura e weganan di Rey na Fatima College na Dakota. En cuadro cu e cambio di trono di Reina Beatrix pa si yiu homber Prins Willem Alexander, a invita tur scol preparatorio y basico na Aruba pa participa den un dia di deporte y movecion yama “Weganan di Rey”.
Pa basta tempo nos no a tende con leu e proceso di Lightering ta, relaciona cu barconan di carga cu ta yega den nos costanan. Hopi biaha e barconan aki ta mira nan ta para banda di otro pasando sea fuel of azeta di un pa otro. Den entrevista cu minister Otmar Oduber a splica con leu e proceso ta y tambe cuanto e por genera pa pais Aruba.
Gobernador Refujnol tabata presente na Arubahuis unda e hoben Arubano Sarah-Quita Offringa a ricibi e reconocimiento mas halto di Reino Hulandes cual ta e Ridder in de Orde van Oranje Nassau. Gobernador Refunjol a duna su discurso den e sala di Padu del Caribe na Arubahuis caminda cu Sarah Quita hunto cu su famia y mihor amiganan tabata presente.
Dim lights
E prome fase di Linear Park cu Reina Beatrix a bishita na 2011 tabata e lugar un multitud di hende a bin pa yame ayo y alaves yama bon bini na Rey Willem-Alexander cu interpretacion di e Koningslied.
E bandera di Aruba a zwaai riba de Dam diamars mainta durante e ceremonia di inauguracion di Rey Willem-Alexander y Reina Maxima. Un cantidad di Arubiano pero tambe yiunan di Corsou y Boneiro tabata presente pa forma parti di e fecha historico aki.
E presidente Argentino, Cristina Kirchner a referi na coronacion di Maxima Zorreguieta como Reina di Reino Hulandes awe mainta. El a señala cu e tabata observando e ceremonia, y a pensa cu apesar cu e flamante Reina a renuncia e nacionalidad Argentino, “cu esey no kiermen cu su curason Argentino ta stop di bati".
Dialuna anochi pa culmina e concierto di Reggae Explosion na Sint Maarten e atracion principal yui di e legendario Bob Marley esta Damian Marley a subi e escenario hunto cu su banda. Marley a sa di canta mayoria di su exitonan y a sa di interactua cu e publico den un forma unico.Powered by INSEL AIR!
Dialuna anochi formando parti di e line up di e concierto Reggea Explosion e artista popular Miguel a duna su presentacion di un ora largo. Miguel recientemente a gana un grammy den e categoria di R&B y ta conoci pa entre otro su exito Adorn y otronan. Miguel a sa di unda un top show entregando su mes na e publico completamente. Na ningun momento e la para keto na un lugar riba e escenario. E publico a canta hopi di su exitonan tambe. Powered by INSEL AIR!
Aruba Boxing Association ta organisa dimars 30 april riba día di Aña di La Reina nan evento di boxeo mas grandi “Koning Van Oranje 3” cu pais invitado Saba. Despues di e weigh-in den mainta a logra match up 12 pelea pa e anochi di boxeo amateur.
Siman pasa su famia y amigonan a hiba Boes Orman (15-02-1915 - 22-04-2013) na su ultimo lugar di sosiego. Mayoria di Arubianonan lo recorda Boes como un gran futbolista Arubiano. Ami lo recorda Boes especialmente pa e biahe cu ami y un amigo a haci cu Boes den su boto di pisca net 25 aña pasa.
Diadomingo anochi algo prome cu 12ora a cuminsa Polis a cuminsa cu un persecucion tras di un Toyota Corolla, e chauffeur a dal den auto dilanti Talk Of The Town y sigui core bay. E chauffeur a purba di huy pasando den verboden. Patruya a logra para e auto dilanti Manuelitos Bar den centro di Oranjestad. Mesora polis a baha di patruya y bay pa detene e chauffeur y transporte pa warda.
Diamars 30 di april henter Reino Hulandes a duna homenage na Cas Real Hulandes. Tanto na Hulanda, como tambe aki na Aruba tabata tin varios festividad. Centenares di hende na Aruba a lanta ya di oranan di marduga pa mira e ceremonia oficial na television. Masha hopi hende por a sigi e ceremonia oficial di transicion di Trono di Su Majestad Reina Beatrix pa di Rey Willem Alexander y Reina Maxima.
Historia lo señala cu opta pa casa cu Claus tabata e mihor decision cu Beatrix a tuma den su bida. Esaki su mahestad a haci publico den un discurso di despedida dialuna anochi cu a keda transmiti riba television y radio na Hulanda. Prins Claus a fayece na 2002, e tabata un casa cu semper a sostene Reina Beatrix. Click play pa mira y scucha e discurso di despedida den su totalidad.
Accidente na altura di rontonde airport pa 7.20am. Dos dama hoben tabata den e nissan. E nissan A20216 pa un of otro motibo a perde control bay den contrario y dal e kia rio. E kia rio A39271 tabata maneha pa un dama y e tabata levemente herdia y hopi spanta. Ambulance a transporte pa hospital.
POLLXT_LOADING
