Quota International of Aruba ta un organisacion di servicio cu ta dedica na mehora calidad di bida di esnan menos afortuna, principalmente esnan cu problema di oido y habla, y hende muher y muchanan den dificultad. Nos ta dedica nos mes na diferente arreanan di servicio.
Recientemente Fundacion Cabosports Aruba a entrega na Minister di infrastructura Benny Sevinger su plan di mehoracion di e terenonan di Centro di Bario Pabao y su vision pa esaki pa un futuro cercano. Cabosports Aruba ta ofrece hobennan di 5 pa 16 aña e oportunidad di practica den e promer fase di su existencia e deporte di baseball.
Diasabra awor 4 di mei lo tin un lectura tocante nutricion duna pa Carol Alders na Cuts & Curves Savaneta cuminsando fo'i 5or pm pa 6:30 pm. Carol Alders lo papia tocante nutrition en general y lo duna tips pa biba un bida saludabel. Cuts & Curves lo bay duna un free body composition analyzer na esnan presente.
Durante un merdia hopi placentero minister Arthur Dowers a entrega e premionan na e ganadonan di e competencia di arte recicla organisa pa e comision di medio ambiente di AHATA. Varios scol preparatorio, basico y avansa a participa na e competencia aki.
Orador principal e anja aki na e conferencia “Mind Your Eye” 2013, cual lo trata e topico “Combating and Preventing Crime” ta den persona di e experto Timothey Zehring kende ta wordu considera como un di e expertonan mas reconoci pa locual ta preveni crimen.
E Subway Cup Calle 6 organiza pa AVB ta continua diabierna anochi cu otro wega interesante ora cu e Puma nan di Piedra Plat, SV Britannia topa cu e dragon nan di Alto Vista, Nacional/ Washington. E team di Cilo Brete ta pasando den un slump chiquito, ya cu nan tin mas cu un luna sin conoce un Victoria.
Aruba su desaroyo actual ta draai rond di klinkers en vez di draai rond di hende. Na Corsou Fundacion Verriet a caba di inaugura 4 cas nobo, cu ta brinda alohamento na 32 cliente. Ta trata di personanan cu desabilidad multiple. Tin tambe vivienda cu ta acomoda principalmente personanan cu un desabilidad fisico.
Tabata algo prome cu 1 or di marduga cu a sosode un accidente serio entre 3 auto na altura di Aruba Bank na Camacuri. Na yegada Polis a topa cu 5 persona herida, di cual 2 tabata mustra hopi grave.Te ainda no por bisa cu exactitud con e accidente a sosode, debi cu tin varios version contradictorio di testigonan cu ta sigura cu nan a mira tur cos pasa nan dilanti.
Tanto diamars dia 30 di April como diaranson 1 di mei a tuma lugar e paradanan grandi di carnaval di Sint Maarten. Por a mira un gran cantidad di grupo cu a demonstra nan fantasia riba cayanan di Sint Maarten. 24ora.com para dilanti di Holland House Hotel a logra capta varios di e participantenan riba potret. Click lesa mas pa e raporahe Powered by Insel Air.
Siman pasa diadumingo 21 di april 2013 a tuma luga un campeonato di karate, organisa pa Dojo Konishi di Japan Karate-Do Ryubo-Kai Aruba. E campeonato aki a tuma luga na Frans Figaroa y tabata tin competencia di Kumite y Kata den diferente categoria. Un total di mas o menos 105 alumno a participa den e campeonato aki.
Diaranson merdia alrededor 12:30 riba caminda di Mabon/Brazil chauffeur di Chavrolet Aveo a bira sin duna un Harley preferencia. E manehador di e Harley no por a haci nada pa evita impacto a bay pega den auto. Polis di trafico a presenta na e sitio tuma declaracion di ambos partido. No tabatin herido den e accidente aki.
Despues cu Gabinete Mike Eman a asumi responsabilidad di gobernacion riba 2 di november 2009, pueblo por a nota un cambio pa miho den gobernacion den tur sentido di palabra. Aruba a wordo laga atras na aña 2009 den un situacion masha dificil dor di un gobierno cu tabata traha solamente pa un grupito di amigo y famia.
Henter e weekend tras di lomba Palo Marga a bisti di gala pa asina celebra e 30 aña di Aruba su pista di drag race. Dialuna anochi The Boss a organisa un gran celebration concert cu a bai companja cu un car and bike show y drift show. Durante di e anochi aki tambe a reconoce e bestuur di Sams Sr. Henny Leo, Sr. Shon Pa Lopez y Sr. Dechi Wernet kendenan 30 Aña pasa tabata ta tin na nan encargo e apertura di e pista.
ARUBA SCHOLARSHIP FOUNDATION (ASF) tin beca disponibel pa aña escolar 2013 - 2014. Tur studiante cu ta pensa di sigui studia na un instituto di educacion superior, pero no na Hulanda, por pidi e formularionan na lastenet@hotmail.com of brianmarchena@hotmail.com. Studiantenan cu kier sigui studia na Universidad di Aruba tambe por bin na consideracion.
Den oranan di madruga, pa mas of menos 3'or y 15, a drenta informe cu lo tabata tin un dama hoben benta riba vloer net patras di Confessions Night Club. Na yegada di patruya a bin constata cu e dama, di apenas 18 aña di edad, no tabata reacciona y tabata mustra den mal condicion. A base di esaki a pidi ambulance cu urgencia pa asina e wordo transporta pa hospital.
E prome torneo di Lionfish di 2013 a termina positivo unda mas di 750 Djampou di Spina (Lionfish) pa mas di 190 kilo a keda elimina. Cu esaki, a surpasa tur cantidad previo y tur expectativa di organisadornan. Sumamente satisfecho e organisadornan a keda di loke ta ser considera un logro sumamente satisfactorio pa proteccion di bida marina di Aruba.
Diamars 30 di april 2013, Aruba Amateur Weightlifting Association a tene nan prome Torneo di Crossfit di hisamento di peso riba día di Aña di La Reina. Esaki a tuma lugar den Compleho Deportivo Frans Figaroa na Noord.
Aruba Triathlon Association a organisa dia 28 di april ultimo e FATUM Sprint Triathlon Nacional na Boca Catalina. 67 tri-atleta a competi cu otro den landamento, ciclismo y coremento. Tawatin 9 team di relevo. Den totalidad e tri-atletanan mester a landa 750 meter, core un distancia di 20 km riba bais, y sigui e careda na pia.
SETAR celebrando no únicamente Oranje Boven hunto cu otro sponsornan y Young Blood Aruba, pero a celebra su 10 aniversario como NV henter dia diamars dia 30 di april 2013. E ambiente tabata tremendo y e team di Young Blood tabata henter dia den tremendo ambiente. Aki por mira algo di loke tur a pasa.
E accidente tragico cu a sosode riba caminda di Camacuri a conoce un saldo di dos morto. Ta trata aki di un dama di 22 anja y un homber di 20 anja. Click lesa mas pa e detayenan.
Accion ta mas importante cu palabra. Asina hopi hende a yega di bisa. Pero den mi opinion e strategia su tras ta dicidi si e accionnan tin balor! Mi ta preocupa cu mi no ta wak un desaroyo duradero den nos economia ni den enseñansa. Pero mas cu tur, mi ta spanta con liher hendenan ta copia locual nan a tende di otro hende sin investiga ni bin cu preguntanan clave pa haya sa strategia tras di e vision.
Un rato pasa, den careda di 9'or di anochi, polis tabata tene un accion na altura di veld di Kudawecha riba conductornan pa nan documentonan como tambe alcohol. A bin detene dos persona cu a bebe un krenchi di mas y a hibanan warda pa asina nan sosega nan body. Por lo general tur cos a core trankilo y mayor parti di e conductornan a cumpli cu loke polis a rekeri di nan.
Diahuebs ta continua e play of di Subway Cup Calle 6 di nos futbol local ora cu e Amarillo nan di Dakota topa cu e speransa berde di Savaneta, SV La Fama. E oncena di Dakota ta bin di un derota di 2-1 na man di Britannia. Un wega caminda cu e team Amarillo a domina e wega y e score pa 88 minuut pero cu pa falta di concentrashon ta bin perde 2-1.
Diamars marduga for di Hooiberg Kavel a horta un Toyota Corolla di Lite Life Medicab. Ora cu e doño a yega su oficina a sinti falta di un di e autonan cu ta transporta pashentnan di dialise. Mesora a notifica autoridadnan di e hortamento y pa diamars atardi señala e auto na Santa Lucia. A notifica e doño cu a yega e mondi pa busca drechi di e auto. A bin haya e Yaris cu motor tur pluma, sin tire riba cuater bloki. Polis a confisca e auto como evidencia.
Diahuebs atardi algo pasa di 3or riba e caminda di Pos Chikito pabou di rotonde varios unidad di Polis a bay pa atende accidente cu na prome instante a mustra di ta hopi serio. Polis a cera e cruzada di Drive-Inn y Rotonde di Pos Chikito Hipolito Tromp. E accidente tabata semi frontal, señora chauffeur a bay haci un U-turn pa bay direccion Drive Inn pasobra trafico tabata pega.
Prome Minister Mike Eman a wordo entrevista dor di e periodista Jamilia Baaziz di NTR/Caribisch Netwerk. Mas den siman e entrevista ta wordo pasa den e programa radial ‘Dichtbij Nederland’.
Den e rapport prelimiario entrega siman pasa dor di IMF por mira y lesa claramente cu nan ta constata un caida fuerte den desempleo na Aruba, lo cual ta un indicacion clara cu e maneho laboral hiba pa Minister Otmar Oduber a conduci na creacion di mas cupo di trabou.
E stadion cu mas historia na mundo esta Maracana na Brazil ta habri despues di tres anja di renovacion. Diasabra e stadion di Maracana a habri su portanan cu e trahadornan di construccion hayando e prome bunita bista di e icono di Rio de Janeiro cu lo host e final di Mundial di futbol 2014 y e ceremomia di apertura como tambe clausura di e Weganan Olimpico 2016.
Den oranan di mainta di 30 di april 2013, firmamento di e acta di abdicacion a tuma luga den Palacio Real na Amsterdam. Reina Beatrix, den presencia di su yiu mayor Prins di Oranje y su señora y tambe di e presidentnan di Eerste y Tweede Kamer di Staten-Generaal, Ministernan di Reino, vice presidente di Raad van State, miembronan di delegacion di Aruba, Corsou y Sint Maarten, comisario di Su Mahestad di provincia di Noord-Holland, burgemeester di Amsterdam y director di Gabinete di La Reina, a firma e acta di abdicacion.
Siman pasa Otmar Oduber tabatin un exitoso reunin di contacto na Madiki caminda un biaha mas un publico grandi a reuni pa scucha y conversa cu e candidato di partido AVP, kende ya pa mas di dos aña a bin ta reuniendo cu pueblo pa scucha loke nan ta sinti, biba y desea, pero tambe pa scucha sugerencia y criticanan pa por eherce un mihor trabou como Minister di Turismo, Transporte y Labor.
Pa hoben entre 13 pa 18 aña Meta di e competencia ta pa pone bo vision di un Bida Saludabel den un forma hopi creativo riba un potret. Bo por traha bo potret con cu bo kier. Mas tecnica dificil aplica no ta un garantia pa cay den premiacion si. Pa e competencia un team di hurado (consisti di 3-4 persona) lo husga e.
Diahuebs mainta Phil Strevett di Colorado Springs Police Department tabata di bishita serca minister Arthur Dowers pa gradici’e pa e oportunidad di por haci su pasantia na Aruba K9 Academy. Phil Strevett ta guia di cacho y “keurmeester” di polis pa e National Police Canine Association.
Preparacion pa e afamado Mercado Santa Rosa ta den full swing pa loke ta trata nos Mercado di productonan fresco pa luna di mei. E biaha aki y manera semper Mercado Santa Rosa su mercado lo ta bon surti cu diferente productonan fresco y produci cu productonan local. Diferente tentnan ya caba den poni cla pa wordo acomuda cu diferente di esnan cu ta bin cu nan producto pa ofrece e pueblo Arubano.
Dianan 25 pa 28 di april ultimo a tuma lugar Torneo Internacional di Bolas Criollas na Curacao cu participacion di Boneiro, Venezuela, Aruba y Curacao. A participa un total di 40 equipo den categoria di damas y caballeros. For di Aruba a sali un delegacion di 5 equipo, esta Smash y Tira Malo Pega Bon den categoria di damas y Smash, Tira Malo Pega Bon y Papaya Ranch den categoria di caballeros.
E conmemoracion di 4 di mei y celebracion di “Bevrijdingsdag 5 di mei” ta motibo pa Minister Plenipotenciario di Aruba sr. Edwin Abath pidi atencion pa loke e ta yama “un pida historia lubida”.
Ruthy Vrieswijk-Bergen a prepara un presentacion special pa e e proyecto anual Conta cuenta na casnan di Anciano. E proyecto Contamento di cuenta pa nos grandinan ta un proyecto cu e meta pa stimula lesamento y contamento di storia. E aña aki biblioteca por conta cu presentacion di sra. Frida Vrolijk, Ruthy Vrieswijk-Bergen y sr. Roberto Croes. Despues di e presentacionnan di Frida ta toca turno na Ruthy.
5 Dia di emocion, adrenalina y suspenso tabata ta tin riba e pista di Palo Marga den e magno celebracion di e 30 Aña di Palo Marga. Participantenan di Corsow, Bonaire, Puerto Rico sin laga afor a bataya den e differente categorianan pa asina mustra e publico lo mehor den e caredanan di Drag.
Den careda di 8'or y 5 di anochi, ambulance a wordo pidi pa bay Riu Hotel pa un caso di intoxicacion. Na nan yegada, a bin resulta cu e supuesto pashent tabata un homber burachi cu tabata haci scandal den lobby di e hotel. Mesora Strandpolitie a presenta na e sitio pa restablece ordo y paz.
Durante oranan di anochi, den careda di 7'or y mey, a bin nota cu polis tabata en busca di un persona cu lo tabata tur na sanger den vecindario di Ponton, mirando cu nan a bin topa cu un plas di sanger, pero te asina leu. Pero nan patruya no tabata en bano, mirando cu nan a topa riba caminda cu un Daewoo color Blauw cu su luz di brake links cu no tabata den funcion. A bay over na detene e conductor di e auto y a dune un boet. Mientras tanto, basa riba e prome melding, ambulance tambe a yega na e sitio, pero no a bin topa cu ningun hende.
Diaranzon madruga riba caminda di Hato un chauffeur cu a causa accidente riba caminda di Sasaki banda di Superfood a baha na awa. E chauffeur cu a haya sla di e Accent a sigui core su tras y banda di Elmar na Hato chauffeur a perde control bay cay den un rooi. A yama Polis bin detene e chauffeur burachi y hiba warda
Aruba a hunga un rol importante den e ceremonia di cambio di trono. Na e acto di abdicacion y tambe na e ceremonia solemne den Grote Kerk na Amsterdam. Den e Grote Kerk Aruba a wordo representa pa miembronan di Parlamento di Aruba.
Memey di un multitud grandi riba dam na unda un inmenso aglomeracion a tuma luga pa saluda e Rey nobo Willem-Alexander, Reina Maxima, Prinses Beatrix y e tres prinsesnan, por a mira e bandera di Aruba ta bula cu masha orguyo den halto.
E matutino Hulandes masha conoci De Telegraaf a publica un potret di Prome Minister di Aruba cu e ‘Appeltje van Oranje’ cu e la haya na Schiphol na su yegada na Hulanda. E corant mas grandi di Hulanda cu ta conta cu 2,5 miyon lector, a skirbi cu Prome Minister Eman ta afirma cu esaki e lasonan caluroso cu Aruba tin cu Cas Real.
Un dia prome su Mahestad Reina Beatrix a haci su ultimo discurso como Reina di Reino Hulandes. Den su discurso Su Mahestad ta mira bek riba su Reinado. El a cuminsa na papia di union y libertad cu for di temponan di antes tabata e motivacion pa e formacion politico di Hulanda. “Den e añanan di lucha y lantamento contra dominacion di afo, semper e ‘Wilhelmus’ tabata resona manera un stimulacion.
Diadomingo pasa Brazil Taekwondo Stichting a organisa su Car Wash pa e team di "Train Hard Fight Smart" cu ta recaudando fondo pa bay Suriname Open cu ta dianan 14-17 di Juni. Pa logra e biahe aki cu e team dinamico di Aruba, Brazil Taekwondo Stichting ta organisando Car Wash tur luna pa asina por cubri tur e gastonan di e team di Aruba "Train Hard Fight Smart".
POLLXT_LOADING
