Diadomingo anochi famia na Soledad tabata pasa un anochi hunto, adultonan tabata bebe y den wega algun palabra menos bunita a cay te cu na dado momento dos ruman a cuminsa un discucion cu rapidamente a escala den agrecion. A bati alarma na Polis cu mesora a mobilisa pa e cas bin topa cu un conmocion den cura.

Recientemente a tuma luga apertura di un galeria di arte nobo na Aruba. Erik Drogenbroek y su señora a comparti nan coleccion priva di arte regional, incluyendo Aruba, Corsou y Latino America, den un museo y un galeria. Galeria L’America ta combina un exposicion permanente di piesanan cu no ta na benta, cu piesanan di siglo 17 te cu nos era; un galeria y un tienda cu ta haci “framing” di potret, pintura y otro piesanan.

Den un combersacion cu minister Michelle Winklaar, a puntre riba e maneho cu ta wordo hiba relaciona cu maltrato di mucha. El a splica cu esaki tin prioridad pe no di awor pero di hopi tempo caba, y cu esaki ta hopi amplio. El a splica cu na 2010 a bin cu e prome congreso caminda a papia y delibera riba maltrato y negligencia di mucha, riba tur forma.

E seramento di e refeneria ta pa e compania Standard & Poors e motibo pakico a corto plazo e situacion financiero di gobierno di Aruba ta mas dificil. Tambe e gastonan pa cuido medico y e contribucion di gobierno na fondonan di pensioen (AOV y APFA) a contribui na e situacion aki. Den e mes un declaracion e compania Standard & Poors ta bisa cu danki na e crecemento di entradanan di turismo y inversionnan grandi cu gobierno a haci den infrastructura, a reduci e impacto di e seramento di e refeneria.

Roque Dirksz di GKMB durante e conferencia di prensa a splica cu nan ta hopi orgulloso di por a dal un stap mas pa protehe e comunidad un tiki mas. Esaki pa sigui cu e control di vectornan cu ta algo cu ta sosode na henter mundo. GKMB a duna un stap mas dilanti pa protehe nos pueblo no solamente di sangura di dengue pero tambe otronan cu ta peligroso y por ta nan tey caba of ta bay haci nan entrada na Aruba.

Tabata un momento historico den politica di Aruba momento cu Parlamentario Independiente drs. Mervin Wyatt Ras a anuncia oficialmente, den presencia di lider di partido AVP, cu el a uni su mes na e partido. Un decision cu el a tuma despues di deliberacion amplio cu famia, campañadornan y hasta cu su Pastoor di bario Jairo Maduro.

Aña pasa Prome Minister Mike Eman tabata na Pos Abou durante un Accion di Bario y por a tende for di habitantenan algun preocupacion specifico pa nan bario. Un preocupacion cu tabata resalta for di habitantenan di un parti substancial di Pos Abou tabata e falta di iluminacion. Awe ta asina leu cu iluminacion a bira un realidad den e bario y habitantenan por sinti nan mes mas sigur ora cu ta scur.

Michelle Hooyboer-Winklaar diabierna anochi tabata entre e multitud presente pa brinda un caluroso bon bini na su colega nobo di partido, Drs. Mervin Wyatt-Ras. E actual minister di asuntonan economico, asuntonan social y cultura a expresa cu ta sumamente placentero pa e yama su colega femenino bon bini, como cu e partido berde ta wordo reenforsa asina cu un hende muhe mas, kende ta para pa principio y interes di henter e pueblo di Aruba, algo cu el a demostra na mas di un ocasion.

Por a nota e mala fe di oposicion caba den tratamento di presupuesto di pais Aruba den comision central di parlamento ora cu oposicion a exigi pa manda e presupuesto bek pa gobierno. Partido Mep, Mep+ ta esnan di mala fe y PDR cu ta sin karakter tambe ta bai papia e mesun idioma di esnan di mala fe. No por imagina e mala fe ey pasobra si manda e presupuesto bek e presupuesto lo wordo trata ainda mas laat y lo tin consecuencia devastador pa pais Aruba.

Nos fotografo diadomingo mainta riba LG. Smith Boulevard a logra saca e potret aki di un moticiclista hunto cu pasahero riba brommer ta bay pariba. E homber manehador di e brommer no tabatin helm, e la duna esaki na su pasahero, nan a caba di pasa e Turbo Rotonde. Por mira tambe e pasahero ta sinta di un manera hopi peligroso cu ambos pia na un banda.

Diabierna Aruba a haya e noticia cu Standard & Poor’s a baha e rating di Aruba di A- pa BBB+. E noticia aki a wordo atendi inmediatamente pa Conseho di Minister caminda a analiza e situacion y a mira e diferente posibilidadnan.

Mirando cu den transcurso di añanan lamentablemente varios di nos piscadornan a perde riba lama, Minister di Agricultura, Cria y Pesca, Otmar Oduber a bin cu e iniciativa pa entrega paketenan di seguridad na e comunidad di piscadornan aki na Aruba. Dos aña pasa Aruba henter a sinti e pena unda cu 2 piscador hopi keri den comunidad a bay pisca y no a bolbe bek cas.

Un dama a keda herida diadomingo mainta riba un trip pa subi Jamanota. E victima tabata riba un quad racer ora e la cay. Ambulance a yega na e sitio y transporte pa Hospital.

Diadomingo for di 10 or di mainta te cu 11 di anochi riba e santo blanco di Eagle Beach a tene un mix entre un competencia di Beach Tennis y tambe un live mixing di musica House cu diferente DJ's. E competencia di Beach Tennis a sold out completo, tabatin mas cu 22 cancha tur yen di hende. Un total di DJ's renombra, cada un special den nan genero por ehempel, electronico, mumbaton, dupstep, techno y tambe dance, commercial, deep tur a deleita e publico.

Den e declaracion di derechonan di mucha di Nacionnan Uni tin skirbi cu muchanan tin derecho pa expresa nan opinion tocante asuntonan cu ta afecta nan y nan tin derecho pa e personanan cu ta tuma decision tocante e asuntonan aki scucha nan. Enseñansa ta un di “asuntonan” aki y sigur na Aruba, unda cu practicamente 100% di nos muchanan entre e edadnan di cuater y 16 aña ta bay scol, tabata esencial pa tene un combersacion habri, amplio y honesto riba e topico aki.

Mirando cu den transcurso di añanan lamentablemente varios di nos piscadornan a perde riba lama, Minister di Agricultura, Cria y Pesca, Otmar Oduber a bin cu e iniciativa pa entrega paketenan di seguridad na e comunidad di piscadornan aki na Aruba. Dos aña pasa Aruba henter a sinti e pena unda cu 2 piscador hopi keri den comunidad a bay pisca y no a bolbe bek cas.

Diabierna anochi na e celebracion di e di 10 aniversario di Parlamento Hubenil, Minister di Asuntonan Economico, Asuntonan Social y Cultura Michelle Hooyboer-Winklaar a expresa palabranan di aprecio pa e rol cu e instancia prominente aki ta hunga den nos comunidad. Parlamento Hubenil no a sa solamente di crece den cantidad, pero tambe den nan presencia den nos comunidad, e mandatario a comenta.

Durante un anochi yen di ambiente na Vinik Plaza Patio, e organisashon di arubanonan biba na Korsou, Asosiashon Aruba Dushi Tera, a yama ayo i danki na e presidente saliente i bon bini na esun nobo djabierne ultimo. Huntu ku invitadonan i tambe miembronan di e organisashon, presidente saliente Werenfrido Croes a traspasa e batuta pa e presidente nobo Ingmar Kock.

Dama siñando con pa core auto riba parkeer plaats di EPB Hato a bai den panico cu consecuencia cu el a bai dal den cura di EPB. Auto a ricibi algun daño y mescos e Cura di scol. Chauffeur y ocupante a sali ileso. Paramento den parkinglot ta un parti di e proceso di les cu no ta facil pa esnan cu ta bai pasa rijbewijs. Pesey mes ta busca un lugar habri pa train parkeer auto. Den e proceso aki algo a bai robez.

Diabierna ultimo a tuma lugar Apertura di cas di partido AVP na Savaneta y mester bisa cu Savaneta y henter Aruba a respalda y acudi masalmente na apertura. Un districto cu pa prome biaha den historia cu ta habri un cas di partido den Savaneta y esaki a cai den masha bon tera mes serca e habitantenan y pesey tambe nan a acudi masalmente na apertura di nos cas di partido.

Mama ta pensa cu su yiu ta usa droga

DAKOTA—Asistencia di polis a wordo pidi diahuebs 23.58, na un cas den Druivenstraat pa un yiu homber rebelde. Eynan e muhe G, ta bisa cu el a haya problema cu su yiu homber di 14 aña, como cu e ta sospecha cu e yiu ta usa droga. E mama ta bisa cu tur ora e mucha ta yega cas laat den oranan di nochi. Polis a intermedia.

Dia 2 di juni ultimo a tuma luga den The French Steak House Restaurant di Manchebo Beach Hotel, e famoso Concierto Dominial Donny Laclé. Un biaha mas e comision organisado a logra hinca un programa varia y di calidad den otro. For di trempan publico a cuminsa yega na Manchebo Beach Hotel pa asina por ta sigur di nan luga. E ensemble di Fundacion Desaroyo Educativo Comunitario (FDEC) a habri e concierto, bou di guia y direccion di e docentenan Ipi Martis y Alphonso “Buchi” Boekhoudt.

Outoridatnan na Ulanda a detené un posibel sospechoso den e kaso Wiels. Ministerio Públiko na Ulanda no kier konfirmá bi desmentí ku e detenshon tin di aber ku e kaso Wiels. Awe a presentá e sospechoso dilanti di wes-komisario na Rotterdam ku mester disidí riba status di e sospechoso. A detené e hòmber di 26 aña ayera nochi na Zoetermeer.

Minister Otmar Oduber ta di opinion cu na momento cu un huez dicidi cu un persona su culpabilidad no a keda proba y pa tal motibo ta gana su caso, esey ta un decision cu mester wordo respeta. Esaki ta conta no pa casonan isola, pero pa tur caso manera a keda demostra cu e caso di e chauffeurnan di Arubus y awor tambe cu e caso di Carl Giel.

A bira tempo pa nos sociedad realiza algun cos serio…. ora un ministro di Finanzas faya anto barbaramente. Cuatro ana Gab Mike Eman cu Mike de Meza como min Fin tin suficiente documento di instancia renombra cu ta demonstra esaki. E Ministro aki durante 4 ana NO a logra entrega un Presupuesto di Pais Aruba na tempo !!

Despues di dos evento hopi exitoso in februari y mei atrobe Awakened Spirit Yoga ta organisa “Sinti Bon: Yoga & WellnessTreat”, diadomingo Juni 30 aki di 9:00am-1:30pm awor na westin Aruba Resort. E programa ta inclui un workshop di Yoga, Meditation y journaling y Sacred Dance (“bailamento di circulo”) y lo finalisa cu un Brunch vegetarian prepara door e expert Chef di e Super Food Matt Boland.