Diabierna mainta Minister Otmar Oduber a duna un conferencia di prensa relaciona cu e caso di Carl Giel. Durante e conferencia aki el a menciona cu el a tuma nota di cierto afirmacionnan y declaracionnan di Sr. Giel pa cual via su abogado ta pidi pa rectificacion dentro di 48 ora y tambe a manda esakinan pa Departamento di Recursonan Humano di Gobierno como tambe pa Departamento Huridico pa mira ki pasonan ta bay tuma.
Arubaanse Zwembond kier a informa e resultadonan di e Campeonato Arubano 2013, cual a tuma luga recientemente dia 7, 8 y 9 di juni 2013 na Piscina Olimpico Roly Bisslik.
Manera tur aña Biblioteca Nacional ta organisa su Programa Vacacional di Lesamento pa asina promove buki y lesamento. E biaha aki a scohe pa haci esaki den forma di un “boekbespreking” unda e mucha ta bin conta un buki cada siman. Edad di e muchanan pa e programa aki ta di 7 – 12 aña y e ta tuma lugar den luna di juli.
Resientemente Minister Rubina Bitorina di Enseñansa, Siensia, Kultura i Deporte a barka Reina Laetitia Picus i Prens i Pancho Kevely Fecunda i Aron Adelina pa nan biahe pa Hulanda pa asina por partisipá na e marcha di Zomercarnaval Rotterdam 2013 riba 15 di yüni proksimo.
Diadomingo 16 di juni: ultimo dia di transmision Faltando un paar di dia pa Radio Kelkboom pertenece na pasado, lo tin e siguiente programanan special:
Juana Morto Complex ta un di e prome barionan di nos isla cu a wordo renoba completamente. Prome cu e renobacion bou gobierno di AVP, e bario aki tabata uno desconoci, cu un aparencia di un luga bandona y neglisha. Majoria di hende na Aruba no tabata sa mes unda e tabata riba nos isla.
Mas di 70% di trahadonan na Aruba no tabatin un pension banda di e retribucion di biehes, miho conoci como AOV. Mayoria di e trahadonan na Aruba tabata haya nan mes obliga di sigui traha pa hopi aña despues cu nan yega edad di pension pa motibo AOV so hopi biaha no ta suficiente pa biba riba dje. Efectivamente esey kiermen cu nan no por gosa di un descanso bon mereci despues di añanan largo di trabou duro.
Na Wit Gele Kruis tabata tin un conferencia di prensa. Aki Gino Goeloe a hiba palabra y comenta cu ya caba a cuminza graba nan servicionan, preparando pa recorda otro anja nan 55 anja di existencia. Goeloe a splica cu e servicionan di WGK a keda crece tur anja y nan ta bai den specializacion, te hasta a bai den huurmento di cama, rollstoel y tur loke mester pa cuido na cas.
A tuma nota di publicacionnan caba cu partido ABVP lo tin un candidato nobo pa e siguiente eleccion, ademas di esnan cu a wordo anuncia y cu a subi lista. Ainda tin combersacion andando pa candidatonan nobo y dos persona cu ta ser papia di dje pa subi lista berde ta Mervin Wyatt Ras y Marisol Lopez Tromp. Den entrevista cu e lider di AVP Mike Eman a puntre si ta berdad cu tin combersacionnan andando cu ambos persona.
Parlamentario Marisol Lopez Tromp, kende ta e fundador di Parlamento Hubenil, ta felicita nan cu nan 10 aña di existencia y ta deseanan hopi animo y perseverancia pa nan sigui dilanti. Durante un biahe di Parlatino na Peru na 1999, Parlamentario Lopez Tromp a participa na un reunion cu tabata trata e topico di hubentud.
Un berdadero Savanetero di pura sepa; naci, lanta y biba henter su bida den e districto, Sra. Nicolina van der Linden ta ademas un mama y amante di deporte. For di chikito el a motiva, apoya y transporta e deportistanan chikito di e bario. Awendia, hopi di nan ta keda cord’e y tin un cariño special p’e.
Recorido di Prome Minister Mike Eman rond di e isla ta continua. Diahuebs ultimo el a pasa den un parti grandi di Savaneta caminda el a bishita y combersa cu hopi di e habitantenan pa intercambia comentario, inkietud y deseonan, no solamente pa e districto, pero pa henter e isla.
Den cuadro di e celebracion di Dia di Piscador, Santa Aruba bou di maneho di Minister di Agricultura, Cria y Pesca Otmar Oduber a informa comunidad di Aruba riba e diferente desaroyonan positivo cu ta tumando lugar e simannan entrante. Un di e proyectonan cu e mandatario ta pone enfasis riba dje ta e renobacion di piernan rond di nos ilsa.
Alumnonan di Fatima Collega na Dakota tabata sperando un bishita special diahuebs mainta, relaciona cu e preparacionnan tumando luga na scol pa cu celebracion di “Dia di San Juan”. Na dado momento Minister Michelle Hooyboer-Winklaar di Asuntonan Economico, Asuntonan Social y Cultura a yega e scol pa asina entrega un caha di material, hunto cu Departamento di Cultura.
Mayoria biaha e hende ta relaciona e fisioterapia hunto cu e masashi relahante, pero den practica esaki ta bay mas leu ainda. Segun OMS, e fisioterapia ta e arte y ciencia di e tratamento pa medio di ehercicion anterapeutico, por ehempel, calor, frieu, luz, awa, masashi y electricidad. Den CEMEDAR Sports Medicine, e servicio di fisioterapia ta haci uzo di diferente recurso pa nos atletanan local.
Tur anja rond di e fecha 23 di juni, e Movimento Olimpico rond mundo ta celebra Dia Olimpico. Rond di e fecha aki tur Comite Olimpico Nacional ta recorda e fecha di fundacion di Comite Olimpico Internacional
Durante di un rueda di prensa awe tardi na The Mill Resort, AC Milan Junior Camp Dutch Caribbean a presenta e sponsor oficial pa loque ta trata e uniform cu lo ser usa e aña aki pa e campnan na Aruba, Curaçao, y Boneiro. Den nan afan pa juda educa y forma hubentud ACTS a dicidi pa duna su aporte pa por juda realisa a camp aki, cu ya a duna resultadonan positivo riba tereno di futbol hubenil, tanto local como internacional durante di e ultimo cuater anjanan.
Westin Aruba Resort a drenta e team di producción di Star Promotion pa presenta e magno certamen di Miss Aruba 2013. Despues di reunionnan pa cu e preparacion di e magno evento nacional di beyesa arubana, Miss Aruba 2013 a yega e momento pa anuncia cu eleccion final di Miss Aruba 2013 lo tuma lugar dia 19 di juli proximo den e Grand Ballroom di Westin Aruba Resort.
Diadomingo 30 di Juni, lo tin e di 9 edicion di e ya tan conoci 5 Km Rotary Fun Run/Walkorganisa pa Rotary Club y Arruwac. Esaki lo cuminsa y termina e anja aki na Alhambra Casino. Pa exactamente 5.30 or den atardi e lo start bai direcion di Amsterdam Manor y for di ey nan e ta lora bek riba mes un ruta y bin termina na Alhambra.
Den luna di mei, SETAR a rifa 10 smartphones entre tur e clientenan di SETAR, tanto den telefon di cas, celular, cable TV y Internet. E smartphonenan cu a wordo rifa, tawata entre otro Samsung Galaxy Mini 2, Samsung Galaxy Y Duos y BlackBerry Curve 9320.
E dianan aki ta tende cu Petrotrin di Trinidad ta na Aruba. Den entrevista cu prome minister Mike Eman, el a bisa cu nan ta bai bishita nos refineria. E bishita aki a sali for di e contactonan cu minister Mike de Meza, presidente di Utilities y Valero mes, tabata tin cu Petrotrin. Prome minister a splica cu Trinidad ta produci un crudo hopi pisa, cu tambe por usa e facilidadnan tecnico di nos refineria cu por procesa y maneha e crudo aki na un manera hopi eficiente, y hopi pais no tin esaki.
Den e caso cu Carl Giel mester a cuminsa contra Minister Otmar Oduber, despues cu Gobierno kier a kit'e for di trabou, lider di MEP a comenta cu e papel cu abogado Anthony Ruiz a hunga ta uno hopi grandi. E caso aki a dura mas di tres anja, y el'a exigi hopi di Carl Giel. Carl y su famia a sufri hopi den e temponan aki, pero Carl a demostra determinacion pa lucha pa prueba su inosencia, y e conviccion cu e tabata mustra semper di ta un hende inosente, a yude yega asina leew.
Desde cu Aruba Bank a anuncia su famoso 4 Day Walk & Run, e pueblo di Aruba a responde masalmente, inscribiendo pa sigura nan participacion. E Aruba Bank 4 Day Walk & Run, co-patronisa pa Subway y organiza pa IBISA un biaha mas tabata sumamente exitoso. Mas di 2500 participante a registra y a participa na e 4 Day Walk & Run como tambe e 20 minuut di “warm-up” Zumba cu Niurca prome cu cada Walk & Run.
Durante di e tratamento di presupuesto den Parlamento di Aruba siman pasa, hopi hende a nota e atrobe ausencia di e miembronan di e partido MEP. E cos tristo di esaki ta cu no ta awor e miembronan di MEP no ta ni bay trabou. Nan tabata ausente na momentonan crucial manera ora di aproba e ley cu lo haci reapertura di e refeneria posibel.
Durante un conferencia di Prensa diahuebs tardi Team Paul Croes 2013 (AVP) a anuncia e evento grandi di Diasabra 15 di Juni riba e parking di Eagle Bowling Palace. Un concierto grandi cu lo ta e inicio di Campaña di Paul Croes pa e temporada aki. Un candidato fuerte, cu a sa di demostra profesionalidad y charisma den e ultimo 4 añanan tras di lomba, y cu un potencial grandi politico.
Diahuebs na Centro Deportivo Frans Figaroa cien mucha entre 6 cu 10 aña por a gosa di mas cu dos ora di un tremendo clinica di futbol cu e deportista Joshua John. Esaki ta di tres clinica, cu ta forma parti di e proyecto BoBario, completamente gratis cu ta wordo duna den 6 luna cu sosten grandi di Gabinete Mike Eman.
For di aña pasa caba Santa Rosa ta colecta nomber di e piscadonan cu a perde ariba lama e ultimo 50 aña nan. E iniciativa aki a bin di parti di Minister Otmar Oduber riba peticion di propio piscadonan, cu kier a duna un reconocimento y aprecio pa e piscadonan cu a perde ariba lama. Hopi di e piscadonan aki a traha duro pa sostene nan famia.
Ministerio Publico a pidi Corte awe pa prolonga detencion di e tres Polisnan di fam Paskel, Angela y Lacle cu un maximo di 8 dia mas. Hues-Comisario a bay di acuerdo cu e peticion, base riba e tres acusacion di menasa, drenta cas di hende sin permiso y di a aplica "ambtsdwang", pues di a uza poder policial pa un meta ilegal. Landsrecherche ta haciendo e investigacion aki.
Un di e regalonan di mas grandi cu un atleta por duna su curpa ta un sesión terapéutico prome y/of despues di un actividad físico cq deportivo. CEMEDAR Sports Medicine ta yuda cumpli cu e obhetivo di e entrenadornan pa nan atletanan por recupera mas pronto cu ta posibel.
Na Eagle a sosode un accidente cu a laga herido leve atras. Un auto a slip pasa e T-Weg sigui bai dal den e auto cu tabata riba e caminda di preferencia. Polisnan a wordo manda pa e accidente.
Riba peticion POSSIT OMNIA, bou liderazgo di Monica Kock, ta organisa un leadership seminar pa young professionals cu e titulo “The Power of Attitude”. Despues di e exito di e Youth Leadership Conference II riba 8 di juni y un Mastermind mentor program pa professionals selecta, Monica Kock a ricibi peticion pa por organisa un seminario di leadership special pa young professionals.
Fiscal den su demanda a pidi 8 aña di prizon pa e homber Jose Gregorio Guaimacuto Rojas, di nacionalidad Venezolano, acusa di a actua comosifuera e ta un Dokter estetico, cu consecuencia fatal. Sinembargo, Huez den su veredicto a tene cuenta cu algun aspecto cu na final a conduci cu el a condena e acusado na solamente 4 aña di prizon. Banda di esey e lo mester paga famia di e defunto un suma di Afl. 22.521,= pa cubri gasto nan cu a bin relaciona cu fayecimiento di e hoben Taheely Pietersz na December 2011. No ta conoci ainda si Ministerio Publico lo apela.
Diamars mainta a ricibi un reconocimento special, Sr.Alfredo Capelo den nomber di e politico nobo Sra. Jennifer Arends-Reyes y representantenan di Young voters with vision. Esaki den cuadro di reconocimento di pilarnan den nos comunidad cu ta contribui den diferente area na un miho Aruba.
Tabata den kareda di mitar di sinku di mardugá, ku polisnan mester a bai EEG-weg pa un aksidente di tráfiko serio, despues ku un ambulans di GGD a bòltu durante transporte di un pashènt pa Poli.
Un hoben di 25 aña, inicial A.W. ta deteni desde inicio di e siman aki, acusa di tin di haber cu un caso di mandamento di droga for di Aruba pa Hulanda cu avion. E homber ta traha riba rampa na Aeropuerto. E departamento di R.S.T. tin e investigacion, cu ta crusa frontera di Aruba pa Hulanda. E sospechoso ta yiu di un Polis cu posicion halto, trahando na Strand Politie.
Den un veredicto fecha 12 di juni 2013 Corte di Apelacion a dicta na fabor di Carl Giel, politico riba lista di MEP. Den un conferencia di prensa duna pa su abogado Anthony Ruiz na e bufete di abogado, lider di MEP tambe a hiba palabra. "Husticia a vense, y awe persecucion politico a caba. Y mi mester bisa cu den e caso aki Gobierno, y especificamente Minister Otmar Oduber, a abusa di e sistema legal.
Awor aki Wit Gele Kruis tin 3000 miembro y tur anja nan ta saca e cobranza aunke mitar ta paga esaki. A base di e pago aki ta sigui sirbi e comunidad y pesey nan ta stress pa e miembronan paga nan membresia. E membresia ta costa fls. 95 pa anja y ta bon pa tur persona tin e servicio cu WGK ta duna. Den conferencia di prensa Gino Goeloe a papia tocante esaki y a bisa cu e servicio cu ta mas ta wordo pidi ta pa duna servicio na cas.
Diahuebs, Prome Minister Mike Eman cu accion di Bario a bishita Savaneta y asina a topa cu Bike Cross team Rough Riders. Den e añanan cu a pasa, veld di Rough Riders a bay hopi atras. E necesidad y deseo ta grandi pa rebiba e veld pa asina e muchanan cu ta practica BMX por haya un miho facilidad pa eherce nan deporte.
ORANJESTAD— Asistencia di polis a wordo pidi diaranson 01.00,na un cas den Rachostraat, naunda un persona ta preocupa pa su nieto chikito, como cu e mama cu ta usa droga a bay cu e mucha for di atardi, y te den oranandi madruga ainda no a bolbe cas cu e mucha.
Un biaha mas e cancha di Pannabol a yega den bario di Savaneta, na Colegio Sagrado Curason. E muchanan di e scol tabata masha entusiasma di mira con e ya famoso wega di Pannabol a yega nan scol. Diahuebs ta e dia cu Prome Minister Mike Eman ta bishita barionan di Aruba y semper ta percura cu e cancha di Pannabol ta wordo hiba na un scol den e bario.
Minister di Enseñansa Arthur Dowers diahuebs merdia a bishita su scol bieu. Tabata extra special pa Minister Dowers convivi cu e alumnonan di Julianaschool diahuebs como cu e aña aki ta haci 30 aña cu el a haya e bon noticia cu el a gradua di e scol aki.
Recientemente a tuma luga e gran final di ICON 5 cual tabata un evento organisa pa nos famoso diseñador di renombre internacional Ronchi de Cuba. ICON 5 ta un magno evento dedica na fotografia, makiyahe, peinado, diseño di moda, y modelahe. Definitivamente, un concepto completamente nobo y refrescante di Ronchi De Cuba cu a causa impacto durante su prome temporada na Tele Aruba.
Digicel ta lansa e modelo di celular “BlackBerry Q10 smartphone” nobo pa Caribe. Traha cu precision, ofreciendo durabilidad y eficiencia den e diseño cu nos a bin ta custumbra cune. E “BlackBerry Q10” ta combina e teclado usual di BlackBerry cu un touch screen utilisando e poder di e plataforma di BlackBerry 10 yudando cada cliente pa comunica, traha mas lihe y eficiente.
POLLXT_LOADING
