Un candela di yerba den oranan laat di anochi a pone bomberonan move mesora. Apenas 1:15 am a manda polis pa mira un candela y di biaha nan a pidi Brandweer pa yega tambe na e sitio. E candela tabata menaza un cas cu ta pega di e candela. Brandweer a yega y a paga e candela mesora tambe. E daño tabata kizas poco huma cu a molestia e trankilidad di e barrio pa un rato.

Den e area di patras di Community Pool na San Nicolas un cas a haya basta daño di candela. E cas mes no ta habita al momento pero chollernan sa move rond eybanda. E doño di e cas mes ta biba cerca di su cas den mesun caya. El a wordo lanta pasobra vlamnan tabata sali for di un camber. Awor e mester bai mira con lo atende cu e cas pa drecha esaki bek. Bomberonan a domina e candela cu tabata den oranan basta lat di marduga. Ta sospecha cu ta e chollernan eybanda a pega e cas na candela.

Algo pasa di 6or di diadomingo atardi chauffeur di pick up a perde contol y drenta un transhi na altura di Savaneta 233H. Segun e chauffeur e lo a caba di tank y probablemente trahadornan di e pomp no a cera e tanki bon cu a pone gasolin basha riba e tirenan parti patras. E chauffeur a bay den scual formal baha caminda dal den e transhi. Polis y Ambulance a yega e sitio. E homber tabata keha di dolor na su curpa y Ambulance a transporte pa Hospital.

Riba e di dos diadomingo di mei rond mundo ta celebra Dia di Mama. Aki na Aruba no ta otro. Compaña pa conhunto di Robert Maduro Prome Minister Mike Eman y señora Doina a pasa bishita e mamanan den e casnan di anciano pa felicita nan riba nan dia y na mes momento bisa nan danki pa e trabou cu nan a haci den lanta nan famia.

Gritamento den mondi na Matadera

MATADERA—Asistencia di polis a wordo pidi diabierna 00.30, na Matadera, naunda grito a wordo tendi den mondi. Na e sitio, ora cu polis tabata papia cu e hende grita den e mondi. Polisnan a bay controla den bisindario di e veld di Tanki Leendert , pero no a topa cu ningun hende. E caso tin atencion di polis.

Bazaar di Dia di Mama cu tabatin diasabra ultimo den Caya Grandi a mustra masha probechoso pa tur cu a participa den dje. Ademas di e comerciantenan formal, a invita pa e biaha aki varios bendedo di e Mercado Popular di Santa Rosa pa bin ofrece nan productonan natural como tambe cos dushi. Esaki a duna un balor adicional na Caya Grandi caminda cumpradonan ademas di por a haci nan compranan pa ‘Dia di Mama’, tambe por a refresca garganta cu un batido natural of como un dushi pasaboca.

Cu gran entusiasmo a inicia mainta trempan cu e e preparativonan pa e GO FAST-CMB OFF-ROAD ADVENTURE RACE den Parke Nacional Arikok. Personanan di diferente edad a bini hunto den un forma deportivo pa asina participa na e evento y juda cu e meta pa recauda fondo pa Stichting MI POR. Un forma diferente pa inicia un dia tan importante manera “dia di mama”.

Debi na varios factor tur aña un cantidad grandi di pashent riba nos isla mester di un transfusion di sanger. Esaki ta necesario pa entre otro: e victimanan di acidente cu ta perde hopi sanger, dialyse pacient, pacientnan cu ta ricibi tratamento pa leukemia of cancer, parto cu hopi sangramento como complicacion, baby prematuro, y operacion cu hopi perdida di sanger.

Banco Central di Aruba (BCA) ta conclui den su Relato Mensual di December 2012 cu e cantidad di placa den circulacion a crece cu Afl. 87,6 miyon te na Afl. 3.419,2 miyon, causa pa un subida di Afl. 94,2 miyon den e activo domestico netto.

Mientras cu na Aruba a tuma lugar un Conferencia cu e meta di hasi Aruba un Gateway entre Europa y Sur y Latino America…..silenciosamente un delegacion di Curacao ta(bata) den exterior esta na China cu e meta pa hasi Corsow un Gateway entre China y Sur Latino America pa medio di Corsow.

PPA hibando nos oposicion di pafor di parlamento ta continua cu nos analis di Presupuesto 2013, Raad van Advies ta bisa den su carta y nos ta cita: “De Raad heeft teneinde beter zicht te krijgen op de werkelijke begrotingscijfers 2013 van de openbare financien,

Den entrevista cu director di SVb Edwin Jacobs, el a splica cu e no ta completamente al tanto di e situacion financiero di e fondo di AOV na Curacao, unda nan a hisa e edad di pension di biehez. Locual si el a constata ta cu e proceso a bay na un forma cu nan no tabata premira. SVb Aruba, den su consehonan semper ta bisa pa duna e ciudadano un tempo di anticipacion pa prepara su mes financiera y mentalmente pa e cambio, caminda cu e mester depende mas largo di su entrada di trabao of otro.

Den careda di 2.30 pm riba e camida di Kudawecha un Blazer Chevrolet A-18295 a subi caminda si mira cu un auto BYD A-48044 ta bin. Nan a dal den otro y e ocupante di e auto BYD cu ta un dama a keda herida na su pia drechi. El a bai cu ambulance pa hospital. E auto BYD a keda basta destrui.

Den e weekend di celebracion di dia di Mama, Parlamentarionan di AVP a hasi e bishita na e casnan di ancianonan na Aruba. Esaki ta un gesto cu ya e Parlamentarionan a bin ta hasi pa 4 aña caba. "Parlamentarionan di AVP ta gradecido na nos mama, y tur mama na Aruba, pasobra nan a pone e fundeshi di nos pais" asina Parlamentario Clarisca Velasquez a declara.

Aunke Maria Maduro, carinjosamente yama na su trabou Marietje, a keda keto tog nos a bin logra yega na dje. A tende basta nomber y fam cu lo ta e ganador di e Mini Mega. Finalmente esun cu a gana mes a keda keto keto. Aki ta trata di Maria Maduro. E ta traha na e departamento di ensejanza. E numbernan e sa hunga caba.

Papiando di e proyecto di pre-clearance pa Europa, Minister Otmar Oduber a indica cu e vision cu tin na e momentonan aki pa extende loke a cuminsa na añanan 88 na momento cu a bay tras di e idea di por tin un pre-clearance Mericano na Aruba, awe e ta na caminda pa bira realidad tambe pa Europa.

Si Alex Mansur tabata e gran ganador di e clasico di paso fino di e feria nacional 2013, por bisa cu Rancho La Ponderosa a logra e reconocimiento ey den e competencia di jinete y amazona. Aki tambe sorpresa a cai.

E siman aki rond Aruba studiantenan ta cuminsando cu nan examennan final. Minister Arthur Dowers ta desea tur nos hobennan hopi exito, pasenshi y forsa durante e periodo asina importante aki y ta comparti e siguiente mensahe cu tur nos examenklassernan: Nelson Mandela a bisa “Educacion ta e arma mas poderoso cu bo por uza pa cambia mundo” y cu e pensamento aki mi ta desea pa boso cuminsa boso periodo di examen.

Pa celebra di di mama en grande House of Japan, Yalla Yalla y South Beach Lounge lo pone tur prijs di dollar na florin. Tambe lo tin un festival di Marciachi cu diferente grupo. Pa reservacion jama 5866765

Movimiento Electoral di Pueblo (MEP) ta creciendo den apoyo di nos pueblo mas y mas cada dia. Pueblo na e momento aki ta rabia cu maneho di e gobierno di AVP. Por aprecia riba e potretnan adhunto con e apoyo cu MEP a ricibi durante un reunion di contacto organisa door di Directiva di Tanki Leendert cu a tuma lugar den e bario di Tanki Flip.