Diasabra 18 di Mei, proximo ta e dia cu tur studiante, mayor y esnan cu ta interesa pa haci uzo di e oportunidad di studia na Aruba ta haya informacion tocante e posibilidadnan na Universidad di Aruba. Universidad di Aruba ta habri su portanan y ta invita tur hende pa bin cera conoci cu e cinco estudionan cu Universidad di Aruba ta ofrece.
Diasabra anochi ultimo e atletanan di Special Olympics Aruba hunto cu un grupo di Corsow D’Art a deleita tur hende presente cu nan canto y baile. E show a wordo organisa den cuadro di e siman di concientisacion di Hendenan Special.
Dia 13 mei 2013, SETAR a haci entrega di su relato financiero 2012 na Minister di Finanzas, Comunicacion, Utilidad y Energia di Aruba Sr. Mike de Meza, durante e reunion annual di su accionista pais Aruba.
Cu un brunch na Renaissance Convetion Center Cuerpo di Aduana a celebra nan dia. Diahuebs mainta por a mira un sala yen di uniform bruin cla ta disfruta di un suculento desañuno. Stephen Maduro, un di directornan di Aduana a hiba palabra, duna Danki na un y tur. Normalmente ta celebra Dia di Aduana riba 29 di Januari, e aña aki debi na conferencia internacional di Aduana a dicidi di tene e celebraccion mas den Mei.
Aki ta sigui resultado di e diferente sorteonan di Lotto, E Loteria di Aruba. Click lesa mas pa por mira e otro resultadonan di e otro soreteonan y click riba e imagen pa magnifica.
ARUBIANAS flip flops team di disenjo- ( Evelin, Damilice, George, Eva, y Carlos) lo escohe 2 obra di e muchanan pa forma parti di e proximo produccion di Arubianas flip flops pa mucha y tambe e obranan y pintura lo forma parti di campanja publicitario di Arubianas Shoco designs.
Cu inmenso placer Ateliers '89 ta anuncia su projecto nobo di "masterclasses pa artistanan local y internacional. Ta intenshon pa tene e charlanan aki cada ultimo Diahuebs di luna, (menos Juli, December y Februari).
UTS, a tuma nota di e 31 preguntana ku e desaparesido miembro di Staten, Sr. wiels a hasie tokante loteria via di SMS. Anteriormente UTS a emití dos komunikado tokante di esaki. Den e komunikadonan aki ta splika ku UTS no ta ofrese e servisio di loteria via SMS. UTS ta ofresé su servisio di telekomunikashon na tersero partidonan i no loteria regulá.
Gerensia i trahadónan di UTS, meskos ku henter nos komunidat, a keda di shòk pa e asesinato di e parlamentario Sr. Helmin Wiels, i ta kondena esaki inmensamente. UTS ta biba ku tur den nos komunidat ku a keda afektá pa e akto aki, pero muy enpartikular su famia, amigu i siguidónan di e desaparesido Sr. Wiels.
E trankilidad den e bario di Tarabana cu Dakota a keda interumpi diaranzon anochi algo pasa di 9 or ora bisiñanan a yama Polis cu tin tiramento riba caya. Polis a mobilisa den ful su forsa pa Camaristraat. Un homber lo tabata sinta pafor di su cas ora un tal F. M. a para su dilanti y acuse di ladron.
Minister di Turismo , Transporte y Labor Otmar Oduber tabata presente diaranson mainta durante un momento special na Paradera, relaciona cu e trabounan di construccion di Paradera Corridor. Ta asina cu durante e simannan nos dilanti lo tin trabounan andando riba loke ta trata e parti di e proyecto di e ‘boardwalk’ y den e cuadro aki Minister Oduber kier manda un comunicado pa habitantenan di Paradera pa cu e desordo cu lo bay tin.
Na april ultimo a tuma lugar na Paramaribo, Suriname, e di 13 Conferencia di Districto 42 di QUOTA International Inc. Miembronan di QUOTA International di Aruba, Curacao, St. Eustatius, Suriname, Rotterdam, Zeist, Zutphen y Amsterdam a reuni hunto dianan 12, 13 y 14 di april 2013.
Den entrevista cu Casper Croeze, di seccion di facilidad y guia di estudio di Directie Onderwijs, a splica cu deadline pa haci peticion pa prestamo di estudio di gobierno tabata 9 di December anja pasa. E motibo pa no pone riba e prome diabierna di December pero e di dos pasobra 2 di December tabata mucho tempran. Como 850 peticion a drenta na e seccion aki y di nan 530 ta pa studia na Hulanda y e resto ta parti entre Universidad di Aruba, EPI, y paisnan den nos region.
Den entrevista cu David Britten el a splica cu nan ta haciendo nan best pa caba e trabaonan aki na tempo y su tur cos bay bon na Juni nan ta termina. Awor nan ta den e parti di ponemento di klinkers cu mas cu mitad ta tapa caba, y a resolve e contratempo cu tabata tin relaciona cu utilidadnan. El a splica cu awor nan ta den fase di e boardwalk cu ta un fase nobo den e rooi di Paradera, y nan ta den e clabamento di e palonan, y ta verwacht cu e ta bay ta cla na tempo.
Casper Croeze di seccion di facilidad y guia di estudio di Directie Onderwijs, a splica cu e studiantenan cu ta scoge Hulanda pa studia pa un profesion cu prestamo di gobierno di Aruba, ta cay bao di Aruba Huis. Esnan cu ta keda Aruba, Caribe, America Latina, Merca y Canada ta keda bao control di Directie Onderwijs, tanto riba nan pagonan cu nan ta haya cada 5 of cada 6 luna, como nan resultadonan di estudio.
Dia 17 di 2013 ta Dia Mundial di Telecomunicacion y Information pa Sociedad. E fecha di 17 Mei ta marka e aniversario y signatura di e prome Conferencia pa Telegraaf di aña 1865 cual a habri caminda pa Union International di Telecomunicacion.
Den Luna di April Tribal Cycling Club a juda Fundacion Autismo Aruba cu e awareness di Autismo y tambe a logra recuada fondo pa e fundacion. Organizando un tremendo careda di MTB cual tabata e CMB Up Hill & Down Hill Xtreme y tambe un exitoso Full Moon MTB Tour pa Autismo.
E Volkswagennan di Unidad K9 di Polis cu tin algun luna den servicio diahuebs merdia tabata envolvi den accidente.Ta asina cu e van aki tabata den un caravana di auto cu tabata transportando preso pa KIA ora un auto a crusa dilanti e van net riba e crusada dilanti The Cinemas.
Diaranson mainta, minister Arthur Dowers a haci un bishita di cortesia na Sint Anna school na Noord. Aki e titular encarga cu enseñansa a combersa un rato cu e directora señora Myrilla Hsing-Raven di e scol menciona pa informa su mes di con e situacion ta despues di e reapertura.
Dialuna dia 20 di mei 2013 Su Eminencia arsobispo monseñor Nicola Girasoli, Nuncio Apostolico y Delegado Apostolico na Antias, Antilles Episcopal Conference, lo haci un bishita pastoral na Aruba.
Diahuebs marduga tres ladron a drenta cas na Kamerling Onnestraat busca cos di horta. E ladronnan a pasa den susto di nan bida, nan a kere no tabatin hende den cas pero nan tabata robes.
UTS a tuma nota di e preguntanan lansa den medionan di komunikashon tokante e relashon di UTS, Radcomm i Smartplay. Esaki relashon ku ofresementu di e servisio di loteria via SMS dor di Smartplay.
Diahuebs marduga desconocidonan a kibra den un van para dilanti compleho di apartament na Tanki Leendert 277-D. Den scuridad di anochi ladronnan a kita backshield di auto bolter hemchi y tur herment den e van.
Riba caminda di De La Sallestraat diahuebs mainta algo pasa di 7:30 chauffeur di Glanza no a paga tino riba caminda ora un Picanto a dal un para su dilanti. E Glanza a dal duro tras di e Picanto. Asina mes no tabatin herido, solamente daño material. Polis a yega traha rapport di e sucedido pa seguro.
"Sun Specs Sunglass Boutique Aventura Mall kier a invita pueblo henter pa pasa wak nan seleccion di bril na 50%. Marcanan renombra na prijs nan hopi atractivo. Tambe nos a ricibi Ray Ban model nan nobo nobo hopi trendy. No perde e oportunidad aki pa bishita nos y adquiri bo bril di bo sonjo na un prijs cu ta fit bo cartera.
Den entrevista cu Minister di Transporte Otmar Oduber a puntre cu cual wowo e ta mira e hecho cu DAE no por baha na Venezuela. E minister a splica cu DAE ta cumpli cu e aspectonan di seguridad cu nos departamento di di Aviacion Civil ta exigi y ta controla, y mescos pa loke ta trata nos aeropuerto.
Dim lights
Despues cu siman pasa e grupo di Korsou AREA51 tabata na Aruba pa filmacion di nan video clip di e hit "Nadie Como Tu" awe e clip a sali pa publico. E filmacion a wordo hasi completamente na Aruba durante dos dia. Area51 ta gradici 24ora.com, Mark Benson, YDK, E modelonan y Aruba completo pa e sosten. Click play pa mira e clip.
Nos pueblo pa un gran parti ta consisti di hendenan humilde cu hopi bes tambe ta masha ingenuo y ta kere facilmente cu finalmente tur cos lo bira mihor. E cualidadnan aki di e mayoria di nos pueblo a haci cu e esnan hambriente pa poder y placa cu yudansa di medionan di comunicacion poco poco a imprenta den nan un manera di escohe nan gobernantenan y a haci nan esclavo di un of otro partido politico.
Na Departamento di Aviacion lo bin un management team. Esaki lo ta entrante 1 di Juni 2013. Juni Croes, Tito Reed y Edwin Kelly lo bira esnan den e management team. E trabou ta pisa y Adi Maduro actual director su salud no ta 100%.
E miho prescripcion ta Prevencion! Dia Mundial di Presion, 17 di mei, a wordo estableci pa enfoca riba e hecho cu malesa di curason, riñon y stroke por wordo preveni door di mantene un presion di sanger saludabel. Con nos por haci esaki? TUR ADULTO MESTER SA CON NAN PRESION TA.
Zr.Ms. Friesland, e stationsship actual di Commandant der Zeemacht den e area di Caribe, un biaha mas tabata exitoso contra crimen organisa internacional. Despues di un captura di 1453 kilo di cocaina na Maart, Friesland a sa un biaha mas di stroba un transporte di droga dilanti costa di Costa Rica.
Aruba Bank ta sumamente contento di por anuncia e famoso “9th Aruba Bank Youth National Ranking Tennis Tournament”, cual torneo lo tuma luga dia 24 pa 26 di mei proximo.
Na momento cu bo dicidi di hunga cualkier di e 7 weganan di Lotto, ya bo tin e gran chens di bira un ganado feliz cu e loteria di Aruba. Lotto un biaha mas ta conoce otro feliz ganado di e wega Big 4, cu e numbernan 9324, cu John N. ta hungando desde aña 1993.
Recientemente Japan Karate-Do Ryobu-kai (JKR) Aruba a celebra su prome campeonato nacional di e anja 2013. E campeonato aki tawata boa e coordinacion di Dojo Konishi y na man di Shidoin Ligia Perregil y Sensei José Vivas, como tambe e supervicion di JKR Aruba Chief Instructor, Sensei Felix Tromp.
Dialuna 20 di mei pa 19.30 Dr. Ethan Nadelmann lo duna un conferencia den collegezaal di EPI, y tambe diamars 21 di mei na ATIA Building cuminzando for di 19.30. Ken ta Ethan Nadelmann? E ta e fundador y director di Drug Policy Alliance, cu ta un organizacion no-gubernamental cu ta pidi pa pone fin na e guerra contra droga.
Na ocasion di ta celebra e di 30 “AIDS Candlelight Memorial” durante henter e luna di Mei rond mundo, Fundacion E Faro kier a uni su mes na extende un abraso di hermandad, solidaridad y cariño special pa tur esunnan cu awendia cu curashi y determinacion ta sigui lucha cu nan condicion di biba cu e virus di HIV, y ta haci e esfuerso tur dia di hiba un bida Positivo!
Amantenan di Pizza Hut na Aruba awor tambe lo por disfruta di un pizza cu ta “truly fit for a king”! Cuminsando diabierna awor, 17 di Mei, Pizza Hut Aruba ta orguyoso di introduci e tan spera Crown Pizza, un pizza spectacular cu un “crown-shape crust” cu ta wordo yena cu un mescla eskisito y sabroso di 5 keeshi Italiano.
Centro di Bario Tanki Leendert lo ta e anfitrion pa e weekend final di e 4er edicion di Copa Alegria Domino Bush League. E torneo cu anja aki a conta cu e constelacion di mas fuerte cu nunca y caminda cu 13 di e 14 teamnan a gana sikiera 1 wega den e promer ronda.
E bomberonan ta basta rabia. E comandante no tin e confianza di e miembronan of e trahadornan den cuerpo di bombero. Parce cu e situacion ta basta serio. Asina tin algun cos mas cu e bomberonan ta menaza te hasta den un welga y bai full plat. Esaki ta e comunicado di e sindicato SINBA cu ta representa e bomberonan.
Siman pasa Universidad di Aruba a presente resultado di un investigacion hasi riba e relacion entre sector priva y gobierno. E conclusion ta cu tin algo cu ta bon malo den e relacion aki, y cu sector priva no ta mucho satisfecho cu gobierno.
Durante conferencia ‘Europe Meet the Americas’ Gobierno di Aruba tabata contento di por a presencia y reconoce firmamento di un Acuerdo di Cooperacion cu dos di su partnernan den su iniciativa pionero pa loke ta transicion di energia renobabel: nan ta e organisacion Hulandes TNO (Toegepast Natuurwetenschappelijk Onderzoek) y Carbon War Room.
Ariba 18 y 19 mei venidero, e club di landamento sincroniza "The Barracudas" lo tin nan competencia nacional annual esta "Arubaanse Kampioenschappen". E biaha aki un biaha mas lo tin participacion di un club di Corsou esta "The Sharks". Tur atleta lo participa di e mas novate te mas experiencia den diferene categorianan di edad y nivel.
POLLXT_LOADING
