Den e ultimo decada di historia di Aruba dia 21 di mei a consolida como un dia cu ta referi na un evento memorabel y transcendental den e transcurso di existencia di Papiamento, nos lenga nacional. Proximamente, e dia historico ey, Papiamento lo cumpli su di dos lustro como lenga oficial di Aruba. Dia 21 di mei 2003 a proclama na Aruba Oficialisacion di Papiamento - cu un base legal - conhunta-mente cu Hulandes.

Campeonato HEINEKEN di Aruba Softball Bond a ranca Sali diahuebs ultimo unda den e promer partido valido den categoria A-Klas e muchanan di Willy Gomez y Quito esta Mio Athletics a Sali brabo riba e muchanan di Richard Marrero Bronx Birds Pirates.

Diahuebs ultimo campeonato official di Aruba Softball Bond a inicia den categoria masculino tanto A-Klas como AA. Un bunita apertura riba veld di Kudawecha unda dicho campeonato a wordo dedica na dos baluarte den mundo di softball tanto Eddy Becker como Enrique Arcaya.

Diadomingo mainta riba caminda di Tanki Leendert habitantenan pero tambe automobilistanan a yama Polis pa un waya cu tabata colga hopi abou riba caminda.

Diasabra, 18 di mei, Fundacion Bon Nochi Drumi Dushi a duna un tayer como preparacion pa e prome periodo di lesamento pa 2013 na un grupo di voluntario di e fundacion. Tawata un tayer hopi interactivo cu a ofrece e voluntarionan un variedad grandi di herment y formanan di traha practico pa kishiki e interes di lesamento cerca e mucha y stimul’e pa coy un buki y drenta den e mundo magico cu storia ta ofrece.

Diasabra atardi na e bahada di Rooi Prikichi un auto a drenta den e rooi. Chauffeur di un Volkswagen color blauw, bayendo direccion pariba a perde control ora e auto a slip riba santo. E chauffeur a raspa un pal'i luz pega e auto den rooi. Polis a bari e santo for di caminda. No tabatin herido.

Un candela di mondi a forma menasa grandi pa casnan den bario di Piedra Plat, Sta Cruz y Siribana. Tabatin mester di dos truck y 10 bombero pa combati e candela. E accion rapido pero tambe tactico di e Cuerpo di Bombero a scapa daño na e propiedadnan. E huma a causa basta molester, no ta conoci con e candela cuminsa.

Diasabra mainta riba e crusada luz trafico banda di Elmar na Playa a sosode un accidente ora chauffeur den su Corolla no a regula su velocidad bay pega tras di un Mazda. Ambos ocupante di auto no tabata desea ayudo di ambulance. Polis a traha rapport di e sucedido.

E trailer cu pa anjanan largo tabata un mahos bista pa entrada di Noord a kima completo. Bomberonan a wordo manda diasabra mainta ora nan a haya un melding. Mucho no a resta mas di e trailer. E trailer aki pa hopi anja tabata un lugar di huur video. Nunca a haci algo pa deshaci di dje. Awor cu el a bira un ruina ta spera cu lo haci algo pa move for di e sitio. Bomberonan no tabata tin problema pa paga e candela cu a laga e trailer full kima.

Riba 16, 17 y 18 di mei Aruba ta anfitrion di un conferencia cu tin como tema central e idioma Hulandes como idioma stranhero. NVTiC, cual ta “Nederlands als Vreemde Taal in het Caribisch gebied” ta e prome reunion grandi entre e delegadonan procedente di e paisnan den Reino, esta Aruba, Boneiro, Corsou, Saba, Sint Eustatius y Hulanda, plus Surnam.

Diasabra 18 di mei: Kizomba Bootcamp / Fiesta cu Tsunami 
ArubaSalsa y Club Hipsz ta organisa, pa e PROME biaha na Aruba: KIZOMBA! Un baila hopi sensual y sexy. Un instructor di Hulanda ta duna un bootcamp di 4 ora pa bo siña baila Kizomba den un atardi. E ta cuminsa 2pm te cu 6.30pm, cu mey ora di break. E ta tuma lugar na Club Hipsz. E prijs pa e bootcamp ta Afl.75 pa persona incluiendo 2 soft drink.

Riba e caminda di Cas Ariba pa Sombre un Kia Picanto a lora na man robes net ora cu un bicicleta tabata bin sin luz a dal frontal den e auto. E ciclista a dal abou pero a asina mes a lanta bek y bisa e chauffeur di e Picanto cu e no a haya nada y coy su caminda. Chauffeur a yama Polis pa haya rapport di e sucedido.

Usando un rapport di calidad cuestionabel, e lider di MEP ta busca otro asunto pa hunga politica cun’e den speransa pa haya atencion politico. E biaha aki ela scohe e rapport traha a base di un encuesta masha chikito, cu ta bisa cu tin mucho burocrasia y posibelmente corupcion den aparato di gobierno. E lider di MEP kier crea e impression cu ta e gobierno politico, e ministernan ta envolvi, mientras cu ta trata di e aparato di gobierno, e ambtenaarnan, pero sin ningun specificacion.

"Un di e momentonan di mas feliz den bida a wordo celebra dia 12 di mei caminda cu famia Nicholson a celebra en grandi cu nan princess Dealaine Abigail Nicholson su prome anjito. un pabien ta bai na e angelita aki i cu dios bendicionele cu hopi anja mas di bida.

Diahuebs atardi e scolnan cu ta participando na e di 5 Gold Coast Taekwondo Cup a bin masalmente pa registra pa asina nan por conta cu nan participacion y wak si nan ta clasifica pa Best of the Best Powerade Taekwondo Cup 2013. E animo entre e chikitonan ta masha grandi mes. Durante e registracion ya caba nan tabata wak otro cu e palabra cu mi ta bin pabo.

Durante dos dia largo den fin di siman minister Otmar Oduber tabata presente den Tarabana pa asina campaña preparando pa eleccion di 27 September 2013. Esaki ta e di dos politico mas popular e momentonan aki despues di e lider di partido AVP. E tin un team grandi su tras di hendenan di tur edad. Durante su recorido den e casnan di pueblo di Tarabana el a wordo bon ricibi.

Personanan cu varios limitacionnan, conoci como “meervoudig gehandicapten”, lo haya nan mesun internaat na Aruba. E proyecto aki ta keda cla awor, despues di bastante trabou y esfuerso haci dor di Stichting Verstandelijk Gehandicapten Aruba (SVGA) y Minister Michelle Hooyboer-Winklaar.

Durante e programa di sr. Nilo Croes ….INTERES DI PUEBLO, Lider Politico di PPA a dedica atencion na varios topico….e.o. Turismo arubano cu segun PPA ta den decadencia enorme, e situacion financiero fatal di pais Aruba…..E opinion di Raad van Advies den su carta dirigi na Staten pa locual ta trata e presupuesto 2013, pero tambe e Rapport di IMF.

Diasabra atardi un motociclista a sali di cura di cas pa bay subi caminda grandi si paga tino cu trafico. Un pickup a bin dal e motociclista. E señora tras di stuur di e pickup a spanta pa e sucedido. E homber den impacto a dal abou, ta keha di dolor. Polis y Ambulance a yega na e sitio.

Diasabra anochi, riba e caminda di Hato net dilanti di Li Yuan chauffuer cu ta maneha Taxi 54 a bay reverse auto pega den e rooi. Polis a yega na e sitio papia cu e chauffeur pero e homber no kier a tende di polis. Autoridad a sinti holo di alcohol y mesora a detene bou sospechos di stuur auto bou influencia. Polis a transporta e chauffeur pa warda. No tabatin herido. Takelwagen a hala e auto for di e rooi.

E articulo saca pa Minister Otmar Oduber y ATA encuanto e cifranan di luna di april 2013 ta ratifica e preucupacion di PPA cu awor nos turismo ta den un decadencia...y miho nos pueblo intermedia pa medio di un decision democratico pa trece cambio den gobernacion di Aruba na september proximo.

Hende homber i hende muher ambos por benificia di Aruba Adult Shop awor. Aruba Adult Shop ta e prome I unico adult shop local riba internet. Bo por hasi un pedido di productonan adulto riba nos website I bo lo hanje entrega na bo cas e siguiente dia. Click lesa mas pa e liña di producto y con pa order. Nos producto nan ta inclui Lingerie te cu size Queen, Toys, Lubricante I weganan.

Ministerio Publico no ta mira ningun motibo pa cuminsa un investigacion penal contra e lidernan ni contra mayornan di e baby cu a fayece siman pasa na e "creche" situa den Madiki Kavel. E conclusion aki a bin awor cu e autopsia a keda cla y no a duna ningun indicacion di agresion fisico ni nada otro cu lo por a causa morto di e criatura.

Mientrastanto tin dos proyecto pa hotel nobo na Aruba, hotelnan tin problema serio pa haya trahadornan pa cierto seccionnan. Ta mustra cu te hasta tin hotelnan cu lo horta trahadornan di otro. Den un entrevista, minister Otmar Oduber a splica con nan lo atende cu e situacion aki pa evita cu mester importa trahador.

Den un entrevista cu minister Otmar Oduber, a splike cu tin grupo den oposicion, manera e ex minister di turismo mes, cu ta kere cu no tin espacio pa mas camber di hotel na Aruba. Rirtz Carlton y Hard Rock Café Hotel & Casino ta trece dos mercado full diferente di loke nos tin, y Hard Rock no ta agrega ningun camber na e inventario cu tabata tin tempo cu Bushiri tabata habri.

Riba diasabra dia 18 di mei Museo Historico ta celebra Dia Internacional di Museo. E aña aki a scoge pa pasa e documentario titulo “Awa”, cu ta duna un bista masha impresionante di tur locual tin di haci cu awa na Aruba. E pelicula aki a wordo pasa anteriormente na Cas di Cultura y tabatin hopi peticion for di comunidad pa comparti’e atrobe cu publico general y a dicidi pa haci esaki riba Dia Internacional di Museo.

Polis y Ambulance a bay diabierna atardi pa Macubaristraat ora bisiñanan a yama pidi auxulio pa un choller cu a agredi un hoben dilanti su mesun cas. E hoben lo a baha for di bus cana bay cas ora a dal den un choller cu tabata bendiga pa placa. E hoben a bisa e choller cu no tin cent pa dun'e pero e adicto no kier a tende a bira agresivo. Despues di a dal e hoben cu un biga na su schouder, e choller a baha na awa.

Ora bo ta biba 13 anja afo di bo isla, yega Aruba ta hiba un poco di ahustamento. Hendenan ta cambia, e sistema ta cambia. Pesey ta yen a bo curazon cu orguyo na momento cu bo ta mira cambionan grandi ta tuma lugar. Cambionan pa un mihor futuro, plannan serio cu ta keda concretiza of cu te ainda mester ser termina.