Dilanti di Calypso de caya grandi un negoshi cu yama pizza piazza a pone posters riba e palo di luz nobo. Si ta asina awor y ningun hende ta tuma accion, con lo ta aki un aña. Un instancia mester cuminsa na atende cu esnan di e restaurant aki. Y manda un mensahe cla tambe pa e restonan cu tin. Esaki ta un falta di respet total unda ta mal usa propiedad di gobierno y nobo nobo den Caya Grandi pa pega cosnan di propaganda.

Den fin di siman Alberto Klabér di Brazil Taekwondo Stichting tabata di bishita cerca ex campeon mundial Henk Meijer na Groningen Hulanda cu un solo meta pa train cerca e mihor trainer cu tin y upgrade su mes pa asina por duna bek na e atletanan di Brazil Taekwondo Stichting kendenan ta preparando pa Mexico.

For di mainta y te atardi laat diasabra a reina un ambiente masha placentero den e parti principal di caya G.F. Betico Croes pa ocasion di e bazaar di Dia di Mama. Gabinete Mike Eman hunto cu MAMBO, e organisacion di comerciantenan di caya principal, a organisa un dia completo di entretenimento y hopi ofertanan atractivo.

Minister Otmar Oduber, na final di e conferencia di Europe Meets the Americas a indica cu por wak atras riba un conferencia sumamente positivo. Por a conta cu un audiencia di mas di 600 participante di diferente paisnan, topiconan cu a wordo tresi dilanti y cu e resultadonan cu a logra na final a traves di e cantidad di MOUnan y Letter of Intentnan y tur esakinan ta un muestra cla di e exito di e conferencia aki.

Siman pasa dos becado di Aruba Scholarship Foundation a ricibi nan Bachelor’s for di University of Central Florida cu distincion halto. Jamir Dirksen a gradua Cum Laude (top 10%) di College of Engineering and Computer Science mientras cu Tiziana Carrasquero a ricibi Magna Cum Laude (top 5%) su Bachelor’s den Finance di College of Business Administration.

Maria Maduro di Sabana Basora ta e feliz ganado di e premio grandi di Mini Mega. Diabierna atardi laat, pa 6:18pm e hungado a inverti 10 florin na cumpra dos combinacion di number, cu un nificacion special den su bida. E ta traha na Departamento di Enseñansa. Dialuna e lo bay oficina di Lotto pa cobra su premio di Afl. 1.050.000,=.

Banda di veld di Universal na Pos Chikito polis a bai na un cas pa duna asistencia. Un dama lo a corta su man malamente. Personal di ambulance a yega mesora na e adres. Nan a duna e prome asistencia y prepara e dama pa hibe hospital. Su man drechi a haya un corta basta grandi.

Diadomingo anochi Polis y Ambulance a bay cu urgencia pa e area di Linear Park dilanti Ecury Plein ora a haya yamada di un señora ta pidi ayudo pa su yiu muhe cu no ta reacionando. E hoben di 17 aña lo a haya discucion cu su mama y cana bay lague.

Un Hyundai Atos a keda cuater wiel pa laira riba e caminda principal di Oranjestad pa San Nicolas. Diasabra atardi trempan el a sosode. Parce cu tin version di pasamento di auto. Den e proceso e chauffeur di e Atos ta bisa cu e van cora lo a mishi tambe cu su Atos y pone perde control. E chauffeur di e van tabata na e sitio bek.

Diadomingo marduga den e prome oranan di Dia di Mama un homber a yega cas burachi perde cabes, kibra tur cos den cas. Famia a purba di calma e homber pero no por a haci nada otro cu yama Polis. E homber bebi no tabata tende di autoridad asina nan a yega. Polis a detene e homber y yama Dog Catcher bin e cas na Saliña Cerca y transporte pa Warda.

Un señora di fam Orman di 87 aña biba den Madiki a bira victima di robo. E señora tabata sinta den auto wardando su yiu den Koningstraat. E yiu a bai cumpra flor den un floresteria eybanda y na dado momento sinta den auto un choller a pasa ranca 50 florin cu e tabata tin den su man. El a huy riba bicicleta.

Diasabra mainta a logra capta e fotonan aki unda ladronnan di koper tabata druk druk bezig. Pa algun dia caba tin basta keho di ladronicia di kabel di koper den ex show room di Toyota patras di CMB Boulevard. Algun empleado di otro compania di auto a mira mainta con dos choler tabata lucha cu un kabel pisa. Nan no a duda pa bai den accion.

Diabierna anochi un mama a dicidi di bai di paranda cu su yiu di algo mas cu 3 anja di edad. Polisnan di Noord a wordo notifica cu den Fermin's Bar na Noord tin un mama cu su yiu hopi chikito presente. Polisnan na yegada berdad a topa cu e mama.

Diabierna anochi polis a wordo manda den direccion di Caya Musica. E informacion cu a drenta tabata di un accidente cu hende herida. Unidadnan motorize tabata tey mesora na e sitio hunto cu patruya di Noord. A constata cu tin un hende levemente herida. Un pareha den un Daewoo Racer A-14879 a baha caminda bai pega den un Suzuki Swift A-13031.

Presidente di Parlamento drs. Paul Croes ta informa cu e proceso pa tratamento di presupuesto 2013 a start den Parlamento di Aruba. Durante un reunion Comision Central #30, Parlamento di Aruba a yega na cierto desicionnan con lo bai trata e Presupuesto di pais Aruba 2013.

Riba e di dos diadomingo di mei rond mundo ta celebra Dia di Mama. Aki na Aruba no ta otro. Compaña pa conhunto di Robert Maduro Prome Minister Mike Eman y señora Doina a pasa bishita e mamanan den e casnan di anciano pa felicita nan riba nan dia y na mes momento bisa nan danki pa e trabou cu nan a haci den lanta nan famia.

Gritamento den mondi na Matadera

MATADERA—Asistencia di polis a wordo pidi diabierna 00.30, na Matadera, naunda grito a wordo tendi den mondi. Na e sitio, ora cu polis tabata papia cu e hende grita den e mondi. Polisnan a bay controla den bisindario di e veld di Tanki Leendert , pero no a topa cu ningun hende. E caso tin atencion di polis.

Bazaar di Dia di Mama cu tabatin diasabra ultimo den Caya Grandi a mustra masha probechoso pa tur cu a participa den dje. Ademas di e comerciantenan formal, a invita pa e biaha aki varios bendedo di e Mercado Popular di Santa Rosa pa bin ofrece nan productonan natural como tambe cos dushi. Esaki a duna un balor adicional na Caya Grandi caminda cumpradonan ademas di por a haci nan compranan pa ‘Dia di Mama’, tambe por a refresca garganta cu un batido natural of como un dushi pasaboca.

Cu gran entusiasmo a inicia mainta trempan cu e e preparativonan pa e GO FAST-CMB OFF-ROAD ADVENTURE RACE den Parke Nacional Arikok. Personanan di diferente edad a bini hunto den un forma deportivo pa asina participa na e evento y juda cu e meta pa recauda fondo pa Stichting MI POR. Un forma diferente pa inicia un dia tan importante manera “dia di mama”.

Debi na varios factor tur aña un cantidad grandi di pashent riba nos isla mester di un transfusion di sanger. Esaki ta necesario pa entre otro: e victimanan di acidente cu ta perde hopi sanger, dialyse pacient, pacientnan cu ta ricibi tratamento pa leukemia of cancer, parto cu hopi sangramento como complicacion, baby prematuro, y operacion cu hopi perdida di sanger.

Banco Central di Aruba (BCA) ta conclui den su Relato Mensual di December 2012 cu e cantidad di placa den circulacion a crece cu Afl. 87,6 miyon te na Afl. 3.419,2 miyon, causa pa un subida di Afl. 94,2 miyon den e activo domestico netto.

Mientras cu na Aruba a tuma lugar un Conferencia cu e meta di hasi Aruba un Gateway entre Europa y Sur y Latino America…..silenciosamente un delegacion di Curacao ta(bata) den exterior esta na China cu e meta pa hasi Corsow un Gateway entre China y Sur Latino America pa medio di Corsow.

For di diabierna anochi cu Mini Mega a hunga y canta 27 - 26 - 20 - 06 (megaball 08), ainda e ganador di no a bin dilanti reclama su premio. Rij di hende tabatin tur caminda cu ta bende e wega cu a bira hopi popular den nos comunidad.

Un chauffeur di edad hoben caminda pa cas riba velocidad halto a perde control di su Getz bolter dilanti Amsterdam Manor. Automobilistanan su tras a wak e accidente diadoming marduga yama Polis. E chauffeur den auto a resulta ileso y sali riba su mesun forsa for di e auto. Polis a yega tuma declaracion di e hoben. Ta sospecha cu e lo a bebe un tiki pero no por a haya machine pa supla.

Tin un serie di ladronicia tumando lugar na diferente veld na Savaneta y Brazil. Siman pasa tabata riba e clubhuisnan di veld di La Fama y tambe e veld di Brazil patras di e Centro di Bario. Den e casonan aki ta causa daño na e clubhuis y tambe causa daño na e interior di e lugar.

Diasabra atardi un homber a caba di yuda amigo drecha su cas na Macuarima, algun meter leu a bay perde control di su brommer dal a bou. E homber riba su Suzuki GSX-R SRAD a dal duro riba asfalt, rasca su man, rudia y cara. Bisiñanan a tende e impacto sali mesora yuda e homber cu a keda benta banda di caminda ta pidi auxilio. Amigo di e victima cu ta biba apenas algun meter leu a tende e brommer dal abou tambe a sali wak kico a pasa bin topa su amigo benta na suela. Polis a yega tuma declaracion di e sucedido. Ambulance a yega stabilisa e victima y transporte pa Hospital. Conocidonan a yega na e sitio y bay cu brommer.

Diasabra 11 di mei: OREO Mothers day special! Claudius Philips y OREO ta back den Hipsz diasabra awor! Semper un bon fiesta! E prome 25 mamanan ta ricibi nan glas di biña gratis! Bin trempan pa e Half Price Bar (10-11pm): whisky, vodka, rum, biña y cerbes abou di Afl. 5! Entrada ta Afl.10 prome cu 11or. Pa mesa VIP, please jama: 594-7008. Club Hipsz: the place to be for Live Music y dushi ambiente! T. 585-7939 Like nos page riba Facebook: www.facebook.com/clubhipsz

Na Señor Frogs tin un grupo cu a faya lantando contra polis. Asina mes polis a tene e situacion bou di control. Finalmente mester a pidi dog catcher pa un di esnan deteni. Parce cu den e area tin algun individuo cu ta bende droga y polisnan ta actuando.

Parlamento a haya siman pasa e presupuesto di pais Aruba. Segun lider di fraccion di PDR un presupuesto cu varios luna di retraso y den esey por a ripara cu gobierno ta gastando hopi placa y ta purba sconde e gastonan aki. Si wak e constitucionnan di IMF por constata cu den un termino di 1 aña gobierno a percura pa un crecemento di debe te cu 8.6% di nos GDP.