Den oranan di madruga un habitante den cercania di Mangel Halto a scucha desordo pafor y a sali wak nota cu malhechornan a kibra e glas banda di e chauffeur di un Hyundai Elantra V-1287 para banda di un compleho di apartamento. A bolter e dashboard tambe un tiki. E ladronnan a sinti nan libertad ta core peliger a baha na awa mesora.

E compania High Performance por mira atras na un otro concierto exitoso riba nan lista di eventonan cu a organisa ultimo añanan. E concierto a cuminsa na ora y a tene e publico bailando y gosando di comienso te fin. Algun mil hende a drenta Piedra Plat Entertainment Center pa disfruta di Delicious Band, Tsunami y despues Jorge Celedon cu a canta pa mas di 2 ora largo continuo. El a interpreta mayoria di su exitonan popular, cu sin duda a percura pa masha bon ambiente. E evento a cuminsa y caba sin ningun incidente di importancia.

Siman pasa Otmar Oduber tabatin un reunion di contacto na cas di Rendell Croes na Seroe Pita, un reunion cu a conta cu presencia di un publico bastante grandi y cu a cuminsa na un manera diferente. Promer cu Rendell a presenta Otmar Oduber, el a haci un oracion hopi bunita pidiendo bendicion pa tur esnan presente y gradiciendo Señor pa tur cos.

Gobierno di Aruba ta unico gobierno den reino cu por a goberna cu tur trankilidad y stabilidad. Nos por a constata cu gobierno di Corsow cu tin coalicion no por a caba su periodo di gobernacion paso gobierno a wordo manda cas. Gobierno di hulanda a cai na mitar caminda. St Maarten tambe tawatin problema cu wanta su gobierno di coalicion.

E campeonato juvenile Copa Gatorade categoria Junioren ta drenta su fase final ora cu e Puma nan di Piedra Plat, SV Britannia ta topa e “Amarillo nan” di Dakota den Compleho Deportivo Guillermo Trinidad. E final ta wordu junga mescos cu Division di Honor caminda cu e mihor di 3 wega lo Sali campeon.

Diabierna mainta e conferencia internacional di PACO riba obesidad a Aruba a tuma lugar. Expertonan a bin hunto pa comparti nan pensamento riba con combati y evita obesidad na mundo. Prome Minister Mike Eman tabata presente na e apertura y a hiba palabra.

Lesando e declaracion di ciudadano B de Kort cu lo a worde ataka pa un grupo di miembro di parlamento di AVP …..pa colmo den un AVION rumbo pa Panama pa despues bai CUBA ta un ehempel con leeuw y con baho e nivel politico a jega akin a Aruba. Con un delegacion di parlamentario cu TUR respet pa nan y nan funcion por hinkele den nan cabez pa bai den un confrontacion den un avion ……..miles di meter na halto….riba politica interno di nos pais….nos di PPA NO por comprende.

E siman aki lo tin un anuncio grandi den politica di Aruba. Partido AVP lo tin apertura di un Cas di Partido na Savaneta y ta worde spera cu lo tin anuncio grandi y sorpresivo na e momento ey. Speculacionan ta hopi, pero e partido no ta divulgando e persona cu lo bai forma parti di e equipo fuerte di AVP.

Diasabra atardi lat un pareha turista a bira victima di anti socialnan cu tabata cana patras di area di Mc Donald's. Algun grupo di hoben lo a menasa e turistanan cu algun sorto di arma y exihi pa entrega nan pertenencia. E pareha a teme pa nan bida a entrega tur nan placa cash cu tabatin den nan poder.

Diahuebs anochi minister Arthur Dowers tabata presente na e apertura di e caya y rotonde situa na St Maartenstraat. Esaki ta un momento importante den e desaroyo di San Nicolas caminda ta trahando duro pa embeyece e bario pero tambe stimula economia.

Dog Catchernan a sali yen di detenido pa Warda di Polis diasabra anochi laat pa diadomingo marduga. Polis riba diferente punto strategico a para banda di caminda organisa e controlnan. A check pa documento di auto, rijbewijs y pone chauffeur supla.

Diasabra atardi a drenta informacion na polis di un caso na Bubali caminda un hende arma a yega menaza y bai cu un scooter. Polisnan motoriza a bai na e sitio. A topa cu un persona cu tabata eybou e momento ey. Mesora polisnan a atende cune y el a splica cu tur siguranza cu e persona cu a bin na e sitio tin un pistool caliber 22.

Den cuadro di nan maneho pa preveni accidente pa motibo di chauffeurnan bou influencia di alcohol, a organisa un control masal awenochi tur rond di nos isla. A manda yama un cantidad di Polis di varios districto, pa por ehecuta e control. Ta haci apelacion riba automobilistanan pa ta mas responsabel den trafico.

E Toyota Yaris blanco A-29735 di anja 2001 a ser horta dilanti cas di su donjo te na Alto Vista 56-T. Ryan Figaroa ta donjo di e auto aki y el a wordo notifica dor di polis cu a haya e auto desmantela te na San Nicolas. For di momento cu el a haya falta di e auto el a bati alarma y entrega keho. A manda un broadcast tambe tur caminda.

E organisacion "We Love Students" hunto cu ayudo di diferente instancia y sponsor a organisa pa prome biaha un caminta combina cu obstaculonan/opdracht durante e ruta. Mas cu 40 team a participa pa despues pasa un rato ameno cu musica di diferente dj y banda musical.

E trafico di Playa pa San Nicolas no tabata asina facil pa automobilistanan bayendo direccion pariba. E Green Walk di AVP a ranca basta hende cu sea a bai cana of core bicicleta. Canto di caminda tabata tin sea autonan para of hendenan den cura pa asina mira e cantidad di autonan of tambe candidatonan di AVP bayendo San Nicolas.

Siman pasa, Joy Kok y Edjean Semeleer a yega na un acuerdo concreto, pa asina rebiba e proyectonan cu un tempo a sirbi como plataforma sumamente importante pa nos artistanan local por a expone nan talento y nan arte. Ambos tin varios aña expresando na otro nan deseo di hinca bida bek den e eventonan aki cu un tempo tabata e eventonan mas importante y prestigioso pa tur nos artistanan local.

Diadomingo mainta polis a wordo manda den direccion di Washington. Aki un adicto agresivo conoci pa polis tabata de remate cu machete segun e prome informe. Polisnan a yega y topa cu Giovanni Perez. E ta conoci di ta causa problema. E tabata move hopi den Playa pero awor ta bopi mira den e area di Washington unda el a lanta desde mucha.

E movecion di desaroyo personal, laboral y spiritual di nos hende muhernan riba nos isla ta creciendo. Abigaél Arends cu ta Directora di ELKA & Associates y Proyecto Auto Estima-Aruba tambe a wordo invita pa Sra.Yamila Hoevertsz-Kock pa asina tambe por a participa como un speaker di e proyecto aki. “Breaking Chains” ta un proyecto desaroya pa CEDEHM pa asina traha y motiva hende muher cu nan desaroyo den nos comunidad.

Polis ta hiba muhe burachi su cas pa evita problema 

PALM BEACH—Asistencia di polis a wordo pidi diahuebs 00.50  na haltura di un highrise hotel, na unda un homber y un muhe tin problema cu otro. Eynan e homber  R.R naci na Aruba di 23 aña, ta bisa cu su amiga tabata burachi  y a haya problema den e nightclub cu un otro persona.

Diasabra ultimo Brazil Taekwondo Stichting su team di Train Hard Fight Smart a train na Seroe Colorado pa e ultimo biaha pafor pa e preparacion pa Suriname ya cu e team ta biahando diabierna anochi pa Suriname. Brazil Taekwondo Stichting tin un solo meta ariba pecho ta pa bin bek Aruba cu medaya di e promer lugar y esey ta e motibo cu Alberto Klabér ta train e muchanan aki duro tur dia di siman hunto cu Clifford Rasmijn kende tambe sa train e muchanan.

 Den un entrevista cu e presidente di MTKA, Roony Boye, a bisa cu e gala aki lo ta un di esun grandi den Caribe caminda mayoria bringado nan di Caribe lo ta akinan pa asina por cualifica pa asina tin derecho di bringa na Thailand, p'esey lo kier pa nos Arubiano bin apoya nos bringado nan.

Diasabra atardi Team Otmar durante Accion Subi Caya a drenta Dakota pa sigui bishita habitantenan di e bario aki. Manera luna pasa, bario di Dakota a habri nan porta pa ricibi e politico Otmar Oduber y su Team Otmar cu a yega yen di entusiasmo pa cuminda y papia cu e dakoteronan.

E choller femenino masha mira den e area di Rancho tabata practicamente sunu ta baña den pleno canto di caya. Esaki tabata diasabra atardi. Net poco pariba di ex DOW tin algun meter di awa cu ta pertenece na e contratista cu tin e proyecto den e area. E choller aki a gewoon habri e meter y cuminsa baña.

Dos auto a keda basta na werki pa falta di preferencia riba e crusada di Rondweg cu Dadelstraat. E accidente a sosode diasabra mainta. Ambulance mester a bin pa check un chauffeur di e autonan cu a keda sinti su brasa. Polis a tuma declaracion di ambos automobilista cu no a keda nada contento pa e susedido. 

Diasabra riba e crusada di Alhambra Mall a sosode un accidente cu Honda CRV y un Hyundai Sonata envolvi. Segun testigonan e Sonata no a duna e CRV preferencia cu consequencia e Honda a bay dal den dje. E impacto a laga ambos auto cu daño pero e chauffeurnan a sali ileso.

Definitivamente e gabinete politiko ku a sinta tin asignatura di Pueblo Soberano i ta enkabesá pa ivar Asjes. Ayera e gabinete nobo a huramentá serka Gobernador Adele an der Pluijm-Vrede. Simpatisantenan Soberano tabata bon representá i a kanta himno di Kòrsou, mientras e mandatarionan nobo tabata pará na trapi di Gobernador.