E politico mas popular ultimo eleccion na Curacao a wordo tira mata. E tabata na un pier di Marie Pampoen unda e sa bai cumpra pisca. Helmin Magno Wiels a crece grandemente durante ultimo eleccion na Curacao pero te awe no a drenta gobierno. E ta controla gobierno for di parlamento. Helmin Wiels di 55 aña parce a haya cinco tiro. Ta ser papia cu ta dos homber cu capuchon mientras cu tin tambe informacion cu e hendenan no tabata cara tapa. Polis a bai cu urgencia y a bin haya e situacion.
Ariba e dia cu Reino Hulandes ta para keto na conmemora esnan cu a perde nan bida durante di Segundo Guera Mundial y durante otro conflictonan rond mundo, Cas di Aruba a organisa un encuentro especial pa conmemora e heroe Arubiano Boy Ecury. Esaki a tuma lugar den Museon na Den Haag.
Durante e di dos conferencia di Embahadornan y diplomaticonan regional di Reino Hulandes, Minister di Asuntonan Economico, Asuntonan Social y Cultura, Michelle Hooyboer-Winklaar a tene un presentacion basa riba e buskeda di Aruba pa crea situacionnan win-win pa nos comerciante y entrepreneurnan cu asistencia di embahadornan di Reino Hulandes staciona den nos region.
Diasabra tabata un otro dia grandi pa aviacion di Aruba. Aruba Airlines a realiza su promer vuelo comercial caminda cu nan a sali rumbo pa Bogota Colombia cu un grupo di invitado y prensa pa busca e delegacionnan di Brasil y Colombia cu ta bay participa den e conferencia Europe meets the Americas na nos isla.
Aruba e fin di siman aki tabata anfitrion di e di dos conferencia di embahadornan di Reino Hulandes. Westin Resort Aruba tabata sede di e conferencia unda diadomingo pasa 18 embahador, como tambe consulnan general y otro diplomaticonan cu ta representa Reino Hulandes na paisnan di continente Americano a topa.
Riba e prome vuelo comercial di Aruba Airlines, a yega un delegacion di comerciantenan for di Colombia y Brazil, specialmente pa atende na e diferente eventonan rond di “Europe meets the Americas”. Ambos delegacion a yega cu expectativanan grandi pa cu e encuentronan cu comerciantenan di Aruba y di Europa. Ambos pais, tanto Colombia pero sigur Brazil ta conoci pa nan plannan pa exportacion y expande nan economia dor di purba conkista e continente Europeo.
Cu un GPA di 3.986 (casi 4.0 cu ta perfecto) siman pasa Shari Nahr a gradua Summa Cum Laude como e miho di e klas di 350 studiante den e di 50 aniversario di Rosen College of Hospitality na University of Central Florida (UCF). Pa su tremendo logro, Shari a ricibi di UCF un medaya conmemorando su exito, el a wordo invita como unico studiante di Rosen College pa sinta riba e plataforma adilanti huntu cu autoridadnan di e universidad y el a haya e honor di lidera e desfile saliendo di e stadium despues di e ceremonia di graduacion.
Diasabra merdia alrededor di 12or, riba caminda di Grot di Lurders un dama na estado a perde control y bay dal riba un baranca. A manda tanto polis y ambulance na e sitio. Ambulance a transporta e dama na estado pa Centro Medico pa un chekeo. Un familiar a wordo yama y na su yegada a duna un man pa purba drecha e auto y move cu esaki for di e sitio.
Como muestra di aprecio pa medionan di comunicacion local cu a sa di demostra sosten y cooperacion cu Aruba Airlines for di un inicio, a invita un grupo grandi pa realisa e prome vuelo comercial di e compania mas nobo di Aruba pa Colombia.
Un problematica serio riba nos isla, cu ta afectando un cantidad grandi di famia, ta uso y abuso di alcohol y droga nos mester bira hopi mas consciente y profesional na momento di anda cu e problemanan aki.
Den e cuadro di brinda e cuido medico na nos atletanan local, Centro Medico Deportivo Arubano un bez mas a asisti na un competencia nacional di deporte y duna sosten medico na nos atletanan local.
Manera tur hende sa nos habri un Dojo Boye Martial Arts Center na Sero Blanco net ariba e caminda principal. Aki nos por wak con e lesnan di Zumba Insenty a cuminsa diahueps ultimo duna door di Sharon Puy Lesnan lo wordo duna ariba Diamars y diahueps. Bin incribi y asina bo ta haya bo shaker of squeeze botle FREE. Bin tene bo curpa den condicion hasiendo Zumbainsanity tanto pa adulto y mucha.
Un delegacion di Cas di Aruba, encabesa pa un grupo grandi di studiante Arubiano, a pone un krans na e monumento na Waalsdorpervlakte ariba "Dodenherdenking" diasabra 4 di mei 2013.
Diadomingo mainta bisiñanan di Bachstraat den e bario trankil di Klip a lanta trempan ora un Chevrolet Celta cu number A-53918 a dal den muraya di e Departamento di Caribiana sigui core bay. E habitantenan den caya a sali logra wak plachi number yama Polis mesora.
Doño di cas na Cura Cabai a mira con chauffeur di pickup Ford modelo F150 color berde a dal den su cura y despues reverse bandona e sitio coy direccion bay pa nort. E destruccion a sosode diasabra atardi algo prome cu bahada di solo. A purba di sigui e chauffeur cu a causa e daño pero a perde banda di Rooi Koochi direccion Mabon. Polis a yega e cas tuma declaracion di e testigonan.
Desde aña 1965 a cuminsa cu celebracion di “Dia mundial di enfermería”, aunke cu a establece e fecha definitivo na aña 1974 riba fecha natal di Florence Nightingale. E organisacion mundial di enfermeria ya pa decadanan caba ta celebra e siman di enfermeria. “Na Aruba ODEA semper tabatin esaki na su encargo conhuntamente cu Hospital.
Cu dos minuut di silencio a recorda esnan cu a muri pa nos libertad. Tur aña riba 4 di mei na varios luga den Reino ta para keto pa rindi tributo na tur esnan cu a perde nan bida den guera. Na tur cu a sacrifica pa nos por biba den libertad. Durante un ceremonia solemne cu a tuma luga na e monumento cu ta e simbolo pa tur esnan cu perde nan bida den guera, hopi hende a bin hunto pa na den un forma sereno recorda esnan cu no t'ey mas entre nos dor di a pone nan bida na peliger pa awe nos por biba como hendenan liber.
Den e screening mensual di pelicula na Cas di Cultura, ta pasa e pelicula di Bahamas CHILDREN OF GOD (2010) dirigi pa Kareem Mortimer. E screening lo ta dialuna 6 di mei pa 8'or di anochi na Cas di Cultura. Entrada ta solamente AWG. 7.50. CHILDREN OF GOD ta conta e storia di dos homber cu ta enamora di otro na Bahamas, den un sociedad unda homophobia ta hopi fuerte ainda.
Diabierna 3 di mei Mikhaila Vrolijk a gana e gran final di e competencia di lesamento Ban Orlando Lesando, organiza door di Fundacion Bon Nochi Drumi Dushi y Marriott Vacation Club Aruba. Ban Orlando Lesando a cuminsa februari ultimo y a consisti di tres tanda di quiz over di un transcurso di tres luna cu participacion di 15 schoolnan basico.
Diadomingo mainta Minister di Finansa, Comunicacion, Utilidad y Energia, Ing. Mike de Meza a tene un presentacion resumiendo tur esfuerso cu Aruba ta haciendo pa yega na un situacion unda cu na aňa 2020 nos isla su produccion di awa y coriente lo ta 100% independiente di e uzo di crudo y incluso di otro productonan di origen fossiel manera gas natural.
Presidente di Merca, Barack Obama, a haya e momento di pone pia na America Central. El a bishita Mexico na e zona mas violento di mundo cu un agenda delicado manera e narcotrafico y crimen organiza. Diabierna 3 di Mei el a biaha pa Costa Rica caminda lo participa den e e cumbre di presidentenan Centroamericano, cu lo tuma lugar na San Jose.
Riba 14 di Mei na Rotterdam Hulanda, studiante Arubiano Bryan Franca y su Team di TU DELFT (Delft University of Technology) lo competi cu nan tremendo invencion yama “Kite Power Systems”. Na halturanan di mas di 200m, biento ta hopi mas fuerte y persistente, cu ta bira un motor di forza potente pa produccion natural di energia.
“Cu esaki nos ta inicia un era nobo den aviacion na Aruba...nos ta masha contento di por realisa nos prome vuelo comercial”, asina Onno de Swart, director di Aruba Airlines a bisa den fin di siman na ocasion di nan prome vuelo for di Aruba pa Bogota, Colombia.
Segun bo ta crece durante añanan, bida ta siña nos cada uno, cu bo mester di unicamente dos aña pa bo siña papia y otro sesenta aña mas, pa bo siña keda keto. Mi kier a dedica esaki especialmente na un hoben cu ta nobato den politica y cu siman pasa kier a mustra con su partido durante 8 aña si tawata tin enseñanza na pecho, pero cu awendia esaki bou maneho di e titular di enseñanza, esta señor Dowers, esaki no ta asina.
Na e Dojo Boye Center tambe tin e oportunidad pa tanto mucha y adulto train Karate. Mayoranan nos ta basa nos mes pa por juda tur nos muchanan cu tanto dispilina ,si e mucha tin problema cu concentracion, confiansa den su mes defensa propio nos lo yuda nan cu tur e problema ney .
Diasabra ultimo tabata un dia extraordinario pa varios studiante Arubiano danki na Minister Plenipotenciario Edwin Abath y Arubahuis kendenan a organisa henter un programa dedica na tur esnan cu a perde nan bida durante e Segunda Guera Mundial y particularmente e Arubiano Boy Ecury.
Gerente di Bushiri Karting Speedway a yega diadomingo mainta trempan bin topa cu sorpresa desagradabel. Ta sospecha cu desconocidonan a logra drenta via dak di oficina y bolter tur cos paden buscando pa placa.
Diasabra anochi laat desconocidonan lo a pega sushi na candela den un cas na San Miguel. E candela tabata algo grandi por a mira for di Sasaki y tabata molester pa bisiñanan mas pa nort cu a haya e huma den nan direccion. Brandweer a keda di yega na e address pa paga e candela.
Manera ta un custumber anja di la reina ta wordo celebra en grande na Hulanda. Tur aña esaki ta un celebracion di dos dia. E anochi prome cu ta e koninginnenacht y e dia di anja di la reina mes cual ta ser yama e koninginnedag. Tur stad tin evenemento nan grandi cu differente stagenan caminda cu dj nan y artista nan local como international ta presenta.
Un diadomingo na aña 1952 nos team di baseball Nesbitt’s tabata hunga un wega hopi preta na Lago Sport Park y diripente mi a tende un stem familiar di un hende muher ta grita masha duro den e tribune: “Otro hit, Nel, otro hit!” Mi a wak ariba, y manera mi a sospecha, esey tabata nos fanatico number uno, Sra. Liliana Saladin. Y asina tabata e muher cu a despidi di e mundo aki siman pasa na e edad enviabel di 91 aña: un persona yen di bravata, zjeito, energia, curashi y amor.
Premio Excelencia den Deporte ta wordo organisa anualmente pa reconoce e deportistanan cu mas a destaca durante e aňa cu a transcuri. E evento magno aki ta wordo organisa pa Comision di subsidio di deporte cu ta resorta bou di e Minister cu ta responsabel pa Deporte cu ta den e caso aki Sr. Richard Visser.
Durante diasabra y diadomingo ultimo un total di 100 hende muhe a participa activamente na e di 4 edicion di "Women's Ride". E evento aki ta conta cu participacion di “HOG Aruba Chapter”, “Ladies of Harley” y riba iniciativa di “Harley Davidson® International” mes.
Minister dr. Richard Visser a participa diadomingo mainta na e di dos conferencia di Embahadornan regional di Reino Hulandes, cual a tuma luga na Aruba Westin Resort. E conferencia aki ta coincidi cu Europe Meets the Americas, unda cu Aruba na un forma pro activo y creativo ta trahando pa crea un brug, o sea gateway, comercial via di Aruba pa comerciantenan di e continente Americano y di e continente Europeo haci negoshi cu otro.
E weekend cu a pasa ariba diasabra 27 di April, e club di landamento sincroniza "The Barracudas" a tene e tercer examen pa e diploma "STAR 3" di e deporte aki. E atletanan cu a participa tawata: Dominique van Daal, Janelly Piña,Meghan Tromp, Sara Castaño, Zury Ruiz, Caroline Alvarez, Jolina Dedier, Nakeisha Jacobs, Sara Silva Y Angelina Harmoen.
Colegio Laura Wernet-Paskel ta anuncia su di dos ‘Fun Walk 2013’. Nos scol di Kadushi Largo ta invita tur alumno y nan mayornan, scolnan di bario, tur grupo di canado/coredo nan y Publico en general pa participa na e grandioso caminata di CLWP. ‘Colegio Laura Wernet-Paskel ta den movimiento’. Cu esaki nos kier refleha cu como scol Basico, nos tambe ta haña importante pa promove y motiva nos muchanan y famianan pa cana y haci movecion.
Diadomingo mainta alrededor di 5or, dilanti Hard Rock Cafe un chauffeur homber bou influencia a bay haci un lorada hopi grandi cu su auto. Pa e motibo ey el a subi e isla y a bay dal su cabes den windshield y kap su cabes. Ambulace a yega a transporta e victima pa hospital. Polis tambe a wordo yama pa atende cu e desgracia.
Constantemente nos por scucha E.W.C líder di “Mal Ehempel pa Pueblo” (M.E.P) papia di debe, cu lo ta mal gasta placa, sra Evelyne Wever Croes e tempo di gasta placa di pueblo sin misericordia cu Papa, Tanchi y Ruma a pasa pa pasado, awe invercion ta den pueblo y pa pueblo, awe e pueblo por mira unda su placa ta bay si bo no ta kere, puntra bo tio,
Pa prome biaha lo tin un evento asina yama First & Young Voters Uptown Meetup. Evento aki ta wordo organisa door di un grupo di hoben cu tin San Nicolaas den nan curason y kier motiva mas hoben pa stima San Nicolaas y lucha pe. E grupo yama Youth Pro San Nicolaas.
Analisando e ultimo ‘update’ di cifra publica pa Caribbean Tourism Organization entre 9 y 11 di april ultimo partido PPA a saca varios informacion cu nos kier comparti cu nos pueblo di Aruba. Ora Ministro Otmar Oduber of representacion di ATA duna informacion di e cifranan official di turismo arubano….nan ta presenta e cifra p.e. di 2013 y compara esaki cu 2012.
Pa hopi ana Aruba tabata conoci di ta e pais cu e mihor sistema administrativo di jegada di su turismo. Y consecuentemente Aruba tabata e pais cu semper tabata manda su cifranan hopi mas trempan cu otro destinacion caribense pa C.T.O. Representacion di CTO tabata gaba Aruba como destinacion y su maneho pa cu e cifranan cu semper tabata hopi trempan…
Un hoben tras di stuur di Mazda color shinishi cu plachi number A-13751 a sali dilanti un Kia Picanto plachi number A-40555. Den e Picanto tabatin un mucha y un señora na stuur cu a resulta herida. E hoben chauffeur mes cu a causa e accidente a resulta ileso. Polisnan a yega na e sitio cuminsa tuma declaracion di testigonan y ambos partido envolvi. Ambulance a yega un rato despues pa atende cu e heridonan.
Ya ta 52 aña caba cu na Aruba voluntarionan ta reuni y ta colecta fondo pa yuda trece concientisacion den nos comunidad over di diferente tipo di cancer y tambe pa yuda pashentnan. Durante fin di siman diferente hoben di gruponan di Scouting a subi caya pa duna nan aporte pa un bon causa.
E inauguracion di nos hefe di estado, Rey Willem Alexander, cu a tuma luga diamars ultimo na Amsterdam tabata uno unico y historico pa tanto Reino completo como Aruba en particular. Esaki segun Parlamentario Juan David Yrausquin cu tabata un di e Parlamentarionan di Aruba cu a atende y a presta huramento na e inauguracion aki.
Diasabra atardi lat riba caminda grandi di San Nicolas pa Oranjestad banda di e gym Cuts and Curve chauffeur du Hyundai Getz color blauw cu number A-31183 a sali for di e parkeerplaat di e gym subi caminda grandi no a wak un Harley Davidson cu number MFA-195 ta bin di pariba.
POLLXT_LOADING
