José Luis (Joe) Fortin, naci na Aruba na 1967 a entrega sra. Astrid Britten, directora di Biblioteca Nacional Aruba un ehemplar di su buki titula ‘City store’. City store ta su debut den e ramo di ficcion y ta contene 11 storianan cortico cu ta mescla diferente realidadnan cu e mundo di fanatasia y (mal) soño.

Jose G. Guaimacuto-Rojas a admiti duranta tratamento di su caso penal ayera cu e no ta ningun sorto di dokter y cu e ta pidi pordon na Aruba pa loke el a haci. A resulta cu el a pasa e victima di fam P. un hangua robez, cu consecuencia fatal. E caso a tuma luga dia 21 di december 2011 den un cas situa na Madiki Kavel. E supuesto dokter a haci un trabou di estetica riba curpa di e victima na Venezuela.

Jossy Lacle ta presidente di e board di e fondo di pensioen di sector turistico. Durante e conferencia relaciona cu e asamblea general el a hiba palabra unda el a splica riba e importancia di informa e miembronan. Ta keda importante pa e companianan cu ta traha den e sector turistico y no tin plan di pensioen pa mira e asamblea y haya informacion valioso.

Nagico Insurances ta celebrando su 30 aniversario na un forma hopi special. Aña pasa den tur pais cu tin un sucursal di Nagico a organisa un recepcion special y a haci diferente donacion. Esaki tabata e caso na Aruba tambe. Ademas di e donacionnan cu a tuma luga aña pasa na Aruba, Nagico a pone un fondo special disponibel cual ta wordo reparti na diferente organisacion durante un periodo mas largo.

Pa por combati crimen ta haci hopi mas falta di solamente papia encuanto balornan. Ta necesario pa establece esfuerzonan den strategia a largo plazo. Pa tal motibo HW Training and Development Associate den cooperación cu drs. Rudolf de Kort, kende ta e coordinador di e evento Mind Your Eye,, ta dedica atención especial e aña aki riba e topico “Combati y Preveni Crimen” atrabes di un Conferencia anual, cu lo tuma lugar Diabierna 24 di Mei 2013 den Conference Room di Hyatt Regency Aruba Resort & Casino.

E producto nobo di Digicel, esta e “BlackBerry Z10” ta causando furor na Aruba y pesey Digicel a organisa un 'BlackBerry Demo' na Digicel Store na Tanki Leendert diabierna ultimo. E demostracion tabata practicamente henter dia, for di 9:00AM te cu 5:30 PM.

Habitantenan alerta pa hendenan sospechoso 

DAKOTA—Asistencia di polis a wordo  pidi diamars 01.26 di madruga, na Dadelstraat Central ta manda polisnan den Dadelstraat, na haltura di Tropical Radiator, na unda e bisiñanan a mira dos homber sospechoso. Nan ta bisa polis cu un pickup cora a baya e dos hombernan cu tabata bisti na preto cu tas cora y tur dos ta color bruin. Mas detaye nan no tin di e hombernan. Polisnan a busca den bisindario, pero no a topa cunan. 

Parlamentario Arondino Croes den e conferencia di prensa semanal di partido MEP a bisa cu e asunto di gateway tabata ser considera pa AVP como un di tres pilar economico. Awor diripente nos por a mira cu AVP no ta papia mas di tres pilar economico, pero awor nan e yame “trahando riba pilarnan economico nobo di Aruba su economia”.

Riba 20 di mei pasa nos por a lesa den e editorial di Diario den cual e editor a menciona cu e Aruba cu nos conoce, unda nos a crece y a pasa mayor parti di nos bida, ta bayendo sin cu nos por detene su transformacion, sin e apoyo di un Gobierno decidido pa conserva su tradicionnan. Tambe e la menciona cu e tabla di relacion entre nos y e stranheronan a cambia considerablemente door di e oleada di imigracion, tanto asina cu e no ta temerario bisa cu nan por a bira, den number mas cu nos.

Fondo di Pensioen di e Sector Turistico mester yama un reunion general pa nan asamblea. Aki lo bai presenta e cifranan annual di 2012. Sanaa Baroud directora di e fondo di pensioen a hiba palabra. El a splica cu durante asamblea lo tin algun orador. E asamblea ta pa e miembronan cu mester aproba e board. E companianan cu no tin plan di pensioen por asisti e asamblea.

Dia 20 di mei cu a pasa CURPA a celebra su di 3 aña di existencia y alabez a lanza su lema pa campaña 2013 "Un Aruba Nobo; Hunto nos por!". Pa logra un Aruba nobo nos tin di termina cu e politica bieu di patronahe, corupcion, inhusticia y inmoralidad den gobierno cu ta stroba e desaroyo potencial di Aruba.

Desde April 2004 Schiphol Group ta encarga cu e maneho di aeropuerto di Aruba. Durante un entrevista cu e director Peter Steinmetz, el a splica con tur cos ta bayendo. Desde 2004 bin ariba a conoce hopi cambio na aeropuerto di Aruba. El a bisa cu durante e conferencia di Europe Meets America, e CEO di Schiphol Group sr. Niewhuis a bisa cu su organisacion ta satisfecho cu e relacion cu tin y sigur lo kier sigui cu esaki den futuro.

Minister Otmar Oduber tin como un di su obhetivonan, mehora e servicio, eficiencia y efectividad di Arubus, obhetivo cu ta den proceso di wordo cumpli. Den cuadro di esaki tin diferente opcionnan cu a bin dilanti y a wordo papia riba nan conhuntamente cu Gerencia y Hunta di Comisario di e compania di transporte publico, un di nan ta wak e posibilidadnan di bin busnan electrico.

Esaki ta bira e di 9 aña, cu Aruba Bank ta patrocina e evento deportivo, organisa pa Eagle International Tennis ‘9TH YOUTH NATIONAL RANKING TENNIS TOURNAMENT’. E torneo lo cuminsa diabierna awor 24 di mei, lo sigui diasabra 25 di mei y lo termina diadomingo 26 di mei.

Recientemente e pais di Peru a bira e prome pais den Sur America cu ta prohibi productonan “GMO” (Genetically Modified Organisms), cual ta productonan cu ta wordo geneticamente modifica.

Anochi entre 6pm-9pm a honra e ex futbolistanan di Dakota cu a hunga durante e anjanan 1958-1976, tambe e sportdamenan y sportmannan di e olimpiadanan di Dakota durante e anjanan1967-1976. Tur e futbolistanan a ricibi un medaya y e sportdamenan y sportmannan certificado. E idea a sali for di ex futbolista Amado Rosina cu a acerca bestuur di Centro di Bario y Deporte Dakota, cual no a pensa dos biaha a duna tur sorten necesario pa cu e anochi inolvidabel aki.