Delegacion di Homeland Security a yega Aruba

Durante e dianan di 27 pa 29 di februari 2008 un delegacion di Homeland Security ta di bishita na Aruba y cual ta encabeza pa Mr. David W. Tiedge, DHS Office of International Affairs. Meta di nan bishita ta pa delibera cu representantenan di gobierno riba un extension di e acuerdo existente entre Aruba y Merca relaciona cu e US/Aruba Pre Clearance na nos Aeropuerto Internacional Reina Beatrix y en especial pa loke ta e aspectonan di seguridad y screening di avionetanan priva na e General Aviation Universal.

E delegacion ta consisti tambe di Ms. Erica Bomsey, DHS Office of the General Counsel, Ms. Alexis Pierce, DHS Office of International Affairs, Ms. Kimberly Hailey, CBP Pre-clearance, Ms. Lesleyanne Kessler, CBP Office of the General Counsel y Ms. Lee Ann Harty, Port Director CBP Aruba.

Durante nan estadia na Aruba e delegacion a haci un inspeccion tambe di e facilidadnan na e General Aviation Universal.

Na Aruba sra. Drs. Eleisah Williams, kende ta Head Political, Economic and Consular Affairs di Departamento di Relacion di Exterior a acompaña e delegacion aki.

Asina pues por mira cu a bin un ’follow up’ rapido, despues cu un delegacion di Homeland Security encabeza pa e Deputy Assistant Secretary di e Departamento di Homeland Security for Policy, sr. Paul Rosenzweig ya a bishita Minister President sr. Nelson Oduber dia 10 di januari ultimo. Esaki un biaha mas ta muestra cu gobierno Mericano tin hopi confianza den e gobierno actual y tambe den e seguridad cu ta reina den e pais aki.

...
Scirbi pa ProJustitia, March 04, 2008

Un relacion un tiki mas amigabel compara cu esun cu a wordo hasi na Henny algun anja atras ora cu nan a bin ranca orea cu no Henny no por mete ora cu ta trata di un hende cu a wordo arresta. Stranjo no???? E mesun Aruba pero dos diferente Promer Minister....un cu ta purba traha cu Merca y un otro cu ta purba stroba justicia mericano di traha.