| Sharmin de Vries, PR ATA Europa: Ta bay saca hopi publicidad di Wubbo Ockels como Embahador di Maneho Duradero di Aruba |
 |
 |
| Wednesday, 19 September 2012 13:44 | ||||||
 ATA Europa lo bay uza Wubbo Ockels como Embahador di e tema aki, ya cu mirando su experticio y status Aruba lo por haya mas atencion pa proyectonan duradero cu ta bay cuminsa cu nan riba e isla. Segun sra. De Vries e plannan ta canando bon y denter di poco lo tin un encuentro cu Ockels mes pa mira cual ta e proyectonan cu e lo bay bishita, ki actividadnan e mes kier atende y traha riba dje, mientras cu ATA Europa lo bay mira con por saca mas tanto publicidad for di tur e eventonan aki y ki accion nan mes como ATA, den un forma proactivo, por brinda na informacion na medionan Hulandes. Pero tambe ta importante con haciendo uzo di e rol di Embahador cu Hubbo Ockels, na Hulanda lo bay hunga un rol mas importante den formacion di e imagen di Aruba basa riba tur iniciativa y inovacionnan cu ta haciendo riba tereno di maneho duradero. Informacion cu ATA Europa ta dispone di dje ta cu den luna di october mas o menos e yate di Hubbo Ockels lo realisa su international maiden voyage pa Aruba. Si no tin complicacion, e nave ta yega Aruba den luna di december. E nave “Ecolution” lo keda mara den haf di Aruba for di januari te cu maart, 2013. Ockels durante su estadia na Aruba lo bay ta tur dia ocupa cu asuntonan di energia y maneho duradero. Esaki ta encera bishita y consulta riba proyectonan, lezing na scolnan, aportando na un “duurzaam curriculum” na Aruba, pero tambe su yate “Ecolution” lo ta habri pa publico y e lo splica personalmente riba su strategia tras di creacion di “happy energy”. Principalmente e lo hunga un rol grandi den creacion di publicidad pa tur e actividadnan den cual e ta envolvi. Ya caba ATA a logra basta publicidad na momento cu Aruba a firma un MOU y djey a firma e acuerdo cu Wubbo Ockels na Hulanda.
Comentarionan (1)Mustra/Kita comentarionan ...
Great, pero e publicidad lo trese kiko precies pa Aruba ? Propaganda pa turista bin ? pa investeerders bin ? Y un pais cu maneho sostenibel mester paga Ockels asina hopi placa ? Mi ta kere cu e return on investment lo no ta hopi halto pa Aruba. Envez di projecta inside, dus pa Aruba mes, dicon busca tanto extranhero pa algo cu nos mes por hasi ?
,
September 19, 2012
Duna Comentario y/of Comparti riba Social Medi |
Mustra/Kita e formulario di comentario
