Jaap Ellis,  trahando como sales and marketing manager na ATA pa Europa, ta encarga pa wak kico y con ta bay haci cu e salida di “Ecolution” for di Hulanda y su yegada na Aruba.

El a splica cu e trabou preparativo a wordo haci caba riba papel, y nan rol ta pa mira kico ta bay haci den practica cu e dos ceremonianan. E plan ta poni riba mesa, caminda cu e meta principal ta pa saca mas hopi publicidad posibel for di e evento aki pa Aruba. Ta papia aki di texto y video pa bay den prensa, y cualnan mester ta na disposicion di periodistanan prome y na momento di inicio di e biaha, pero tambe durante y na final cu su yegada na Aruba. E nave lo sali for di Scheveningen, y Ellis ta kere cu tur e publicidad cu esaki lo genera na Hulanda, e ta sigur cu otro paisnan manera Italia, UK y Scandinavia lo tuma e storia over. Pesey ta bay trata di plama mas tanto informacion pa otro mercadonan cu ya caba a mustra interes. Di otro banda el a bisa cu nan ta masha contento cu e ultimo cifranan cu nan ricibi. Esakinan ta mustra cu Hulanda a subi, y otronan a baha un tiki cual ta debi na e crisis den e paisnan tambe. Nan ta contento, e ta bisa, pasobra a haci hopi den mercadeo na Hulanda, trahando cu operadornan di tour y radionan. “Nos ta bay den bon direccion, aunke semper nos kier mire crece un tiki mas,” Ellis a bisa y a agrega cu tur e otro paisnan ta bayendo. 

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi