Thursday, 27 November 2014
Autor di “Harry Potter” lo bende e cas caminda el’a skirbi e famoso saga Print E-mail
Monday, 01 October 2012 16:07
Comparti
DSC_2063
E autor Britanico J.K. Rowling a pone e cas di Edimburg, caminda el’a skirbi por lo menos cuater buki di e famoso saga di e mucha mago “Harry Potter”, pa un prijs di 2.8 miyon di Euro (mas of menos 3.6 miyon di dollar), na benta.

E vivienda, un mansion di siglo XIX, ta situa den e bario residencial di Merchiston, zuidoost di e capital Escoses y ta integra pa ocho camber y varios hardin, segun un corant Britanico a informa dialuna.

Apesar di su dos siglo di historia, e cas ta conserva den un bon estado varios schoorsteen y detaye di e epoca cu el’a wordo construi y a wordo restaura recientemente.

Entre e reformanan cu a tuma luga, ta destaca un completo sistema di siguridad, cu Rowling a instala den un epoca cu e tabata sinti su mes un “rehen” den e domicilio aki.

“Tabata tin dos periodo particularmente malo, tempo mi tabata sinti mi mes den un skina, manera cu mi tabata un rehen. Tras di e nacemento di mi dos ultimo yiunan, tabata imposibel pa mi Sali for di cas sin wordo fotografia”, e autor a splica, cu a presenta siman pasa na London “The Casual Vacancy”, su prome novela pa adulto.

Ademas, e hardinnan tin dos casita den dos mata di 12 meter di haltura, construi pa su dos yiunan mas chikito, cu un trapi di spiraal y un tunnel secreto.

Rowling a adkiri e piso mas halto di e mansion na 1999, dos aña despues di e publicacion di “Harry Potter and The Philosopher’s Stone”, e prome edicion di e saga pa 531.800 Euro (mas of menos 685.00 dollar).

A medida cu ingresonan pa e bentanan di e buki a keda lansa, Rowling a cumpra e apartamento situa den e parti abao di e edificio y a unifica e dos pisonan pa crea un gran residencia.

Un decada despues, e escritora di 47 aña, su casa Neil, su yiu homber David y su yiu muhenan Jessica y Mackenzie, a bandona e cas aki pa traslada nan mes pa un otro mansion mas bieu parti pafo di e capital Escoses.

Rowling, e di dos mayor fortuna di Reino Uni, tras di esun di Reina Elizabeth II, ta disfruta awo di un patrimonio balora na 701.5 miyon di Euro (mas of menos 904 miyon di dollar) y ta propietario ademas di otro vivienda na London y di un cas di campo den e municipio Escoses di Pertshire.

 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter