Tuesday, 30 September 2014
Conmemoracion di e tragedia den Bijlmer Print E-mail
Friday, 05 October 2012 08:55
DSC_2063
Na ‘Het Groeiend Monument’ den Bijlmer na Amsterdam a tuma lugar awe e conmemoracion di e tragedia di Bijlmer, na unda a recorda cu 20 aña pasa un avion di carga Boeing 747 di El Al a cai den e flatnan Klein Kruitberg y Groeneveen.

Un total di 43 persona a perde nan bida bou di nan 12 Arubiano. Sra. Shandra John, directora suplente di Cas di Aruba, den nomber di gobierno y pueblo di Aruba a pone un krans na e monumento dedica na e victimanan di e tragedia den Bijlmer.

E imagennan di e tragedia aki, cu tambe a wordo pasa na television na Aruba 20 aña pasa, te dia di awe ainda ta hasi hopi impacto riba hopi hende. Pesey famianan di e victimanan ta recorda e tragedia aki anualmente banda di e ‘boom die alles zag’. E conmemoracion a cuminsa cu un palabra di bon bini di presidente di Fundacion “Beheer Het Groeiend Monument” sra. Helen Burleson-Esajas. Sra. Burleson-Esajas a bisa di ta contento cu asina hopi hende ta presente pa e conmemoracion y alavez kier a enfoca cu aunque cu 20 anja a pasa, ainda e tragedia di Bijlmer ta den nos memoria tur dia atravez di tur e famianan di e victimanan y e habitantenan di e bario di Bijlmer. Despues a sigui discursonan di entre otro Alcalde di Amsterdam sr. Eberhard van der Laan y representante di Municipio di Amsterdam Zuidoost sr. Emile Jaensch.

Pa exactamente 6 or y 36 minuut a tene un minuut di silencio, sigi pa e ponemento di krans na e monumento. Durante e conmemoracion aki, mescos cu e añanan anterior, e espacio aereo riba Bijlmermeer a wordo sera completamente.

dowers dowers dowers

Comentarionan (2)Add Comment
djodjo
October 05, 2012
201.229.57.98
Votes: +6
...

Corectamente pone e nomber di e arubiano nan tur aña na momento di conmemoracion!!

what goes around..
October 05, 2012
72.189.84.150
Votes: +9
...

Pa respect mester menciona e 12 arubianonan cu a fayace riba e dia ei .

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter