Saturday, 27 December 2014
Aruba a keda bon representa na Montreal & Trinidad pa medio di peliculanan local Print E-mail
Monday, 08 October 2012 11:50
Comparti
DSC_2063
Reciente fundacion AVI su short film ‘10 Ave Maria’ a representa Aruba na Montreal International Black Film Festival Canada, esaki ta ‘10 Ave Maria’ su di seis participacion na un film festival y pronto e short film local aki lo tin su premicia na Cuba na e di 34 Festival Internacional del Nuevo Cine Latino Americana.

E short film ‘Awa Brak’ galardona cu e premio publico como e miho Aruba Flavor film a haci su premicia poco dianan atras na Trinidad and Tobago Film Festival. Awa Brak a ricibi un special mention for di e hurado como miho short film den e categoria di miho peliculanan.

Durante e presentacion di Awa Brak na Trinidad e acogida di e publico tabata tremendo, Awa Brak tabata e film mas comenta durante e film festival. E expectativa tabata halto ya cu aña pasa AVI a sorprende e publico cu ‘10 Ave Maria’, pa di dos biaha AVI ta sorprende e publico y tambe e ciñeastanan cu ta haya fascinante con un storia largo por wordo conta di un manera completo den solamente 10 minuut.

Fundacion AVI kier gradeci na esnan cu a haci ‘Awa Brak’ posibel cu ta VNO, www.afmaruba.com, Copy Plus Designs, studiO di Osaira Muyale y Orbitalnets y specialmente e team di Awa Brak cu ta consisti di: Jorina Werleman, Michael Paesch, Ryan Oduber, Juan Francisco Pardo, Dwayne Heronimo, Gayle Arendsz, Jayburtt Dijkhoff y Noel Werleman.

Fundacion AVI su mision ta pa crea mas interes pa produccionnan audiovisual Arubiano y na e mes un momento contribui na un miho cultura audiovisual Arubiano. Esaki ta e motibo tambe cu fundacion AVI ta start cu su di tres proyecto cinematografico. E biaha aki fundacion AVI kier rindi homenahe na nos tata di cultura Padu del Caribe, Padu tin un enorme balor pa nos cultura y nos kier elogia Padu pa su contribucion na nos cultura. Amor di Cantica ta e titulo di fundacion AVI su di tres pelicula, e ta un musical film unda cu nos hobennan lo canta cancionnan di entre otro Padu. Padu lo ta un invidado special den e pelicula aki conhunto cu artistanan hoben local.

Amor di Cantica ta “Romeo & Julieta: Teatro di amor basa riba e mundo contemporaneo”. Hobennan cu ta formando parti di AVI su Screen Acting workshop lo por tin e posibilidad di bira un di e protagonistanan di e pelicula. Cu e proyecto cinematografico aki fundacion AVI kier stimula cultura, arte y creatividad y na e mes un momento AVI kier inspira y motiva hobennan pa ta creativamente bezig. Ademas e proyecto ta fungi como un plataforma pa hobennan (sigui) desaroya nan talento.

AVI ta anuncia cu ainda tin posibilidad pa hobennan forma parti di e Screen Acting workshop. Pa un luna largo e participantenan lo siña tur e facetanan riba e tereno di actua, baile y canto. E workshop ta cosisti di practica y teoria. Mas informacion y inscripcion ta disponibel riba www.tribi.net. Tambe por yama Juan Francisco Pardo di fundacion AVI na 566-2529.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter