Saturday, 25 October 2014
Tibetano di 14 aña ta cende su mes na candela despues di investidura di Xi Jinping Print E-mail
Thursday, 15 November 2012 17:57
album.JPG

Un Tibetano di 14 aña a cende su mes na candela den e parti Noord oost di China, poco minuut despues di e anuncio di e nombramento di Xi Jinping como number un di e regimen comunista Chines, e agencia oficial New China a anuncia, citando e localnan como responsabel.

E hoben Karpongya a transforma su mes den un antorcha humano aproximadamente 12:10 ora local na Gartse, den e districto di Tongren di e provincia Quinghai, segun e agencia aki.

E inmolación ta e di tercer den e siman ya cu dialuna pasa, den e mesun districto, otro dos Tibetano a kima nan mes.

Diaranson, miles di Tibetano a congrega na Tongren pa reza pa e dos hombernan, e organisacion no gubernamental International Campaign for Tibet a informa.

E cantidad di inmolación di Tibetanonan a aumenta considerablemente den e ultimo simannan, na momento cu e fecha di Congreso di Partido Comunista Chines a acerca, caminda China tin dirigentenan nobo.

E hefe di estado nobo Chines, Xi Jinping, a duna su prome discurso diahuebs, transmiti via television, poco minuut prome cu e hoben Karpongya a kima su mes.

Prome cu e tres suicidionan aki den e region, for di comienso di siman, 69 persona a kima nan mes of a purba for di comienso di Maart di 2011 den e zonanan Tibetano Chines, segun e gobierno Tibetano den exilio na India.

China ta sostene cu el’a “libera Tibet pacíficamente” y cu el’a mehora e situacion di su poblacion financiando e desaroyo economico di e region pober y aisla aki.

Pero numeroso Tibetano no ta soporta mas loke cu nan ta considera un creciente dominación di e Han, e etnia abrumadoramente mayoritario na China y e represión di nan religión y di nan cultura. 

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter