Wednesday, 27 August 2014
Caso inadmiti di Pernod Ricard: Demanda no prospero na Merca. Regionnan a rechasa $200 miyon Print E-mail
Thursday, 15 November 2012 21:19

Pernod Ricard

Varios departamento di Colombia a perde un pleito largo contra multinacionalnan di bebidanan alcoholico cu tabata wordo acusa di competencia desleal proveniente di contrabando, despues cu e Tribunal di Districto di New York a desestima e litigio contra Pernod Ricard (Francia), Diageo (Reino Uni) y Seagram.

E director di e Federacion Nacional di Departamento, German Chica Giraldo, al contrario di loke Pernod Ricard a anuncia, cu e tribunal a inadmiti e caso, a bisa cu tanto e multinacionalnan como e regionnan a desisti di esaki, sin cu e ultimonan a renuncia na e derecho di otro demandanan. Na 2004, e regionnan di e pais (cu despues a reduci na 12 departamento cu tabata tin licoreria) a interpone e demanda dilanti di e Tribunal di e Districto di New York; a alega cu e multinacionalnan presuntamente a uni nan mes cu distribuidonan atrabes di Canalnan ilegal pa ingresa contrabando. Aunke no tabata tin un montante estableci di aspiracionnan nacional, na 2009 multinacionalnan a ofrece un areglo pa 200 miyon di dollar cu a wordo rechasa. Na e momento ey, Luz Maria Zapata Zapata, directora di e Asociacion Colombiano di Industrianan Licorero (Acil) a splica cu e cifranan aki no ta compara cu e demas di 1.2 biyon di peso anual cu e empresanan aki tabata paga na belasting. Den e proceso, e multinacionalnan a alega cu e tribunal di New York no tabata tin competencia y cu tabata mas apropia cu e asunto wordo resolvi na Colombia. Voceronan di Diageo Colombia a bisa cu “e discusionnan cu e Gobierno ta sigui den marcha y ta continua dialogando cu e Gobierno Colombiano pa promove condicionnan di mercado equitativo pa tur actor, incluyendo e consumidonan.” Den un tono conciliatorio, Pernod Ricard a bisa den un boletin, cu e lo continua traha cu e departamentonnan pa lucha contra contrabando y falsificacion di producto, mescos pa promove mercadonan competitivo. Incluso el’a trascende cu tin conversacionnan entre multinacionalnan y departamentonan pa crea un fondo di 200 miyon di dollar pa combati e contrabando, similar na loke Philip Morris a acorda cu La Nacion, Bogotá y e departamentonan pa fomenta e cultivo di tabaco y ataca contrabando. Di no yega na e acuerdo, e licorerianan departamental si lo reactiva e demanda dilanti otro instancia.

PERNOD RICARD TA HALA ROSEA TRANKILO

Un comunicado di e firma Frances Pernod Ricard a bisa cu e caso tampoco ta hib’e na indemnizacion di parti di e demandadonan. Segun e empresa Europeo, despues di 8 aña di proceso e pretension y acusacionnan di e departamentonan, cu pa Constitucion tin e monopolio di licornan spiritoso den nan teritorio, a wordo rechasa pa abogadonan defensor. E porta di dialogonan cu gobernacion y licorerianan ta wordo habri.

Comentarionan (1)Add Comment
abogado arubiano
November 16, 2012
201.229.84.244
Votes: +0
...

E parti importante mes a wordo lubida unda aruba, compania nan den freezone ta wordo menciona den e caso aki.
Contrabanda hunto cu labamento di placa.

http://narcosphere.narconews.com/userfiles/70/AmendComplaint.Diageo2004.pdf

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter