Latin American and Caribbean Air Transport Association (ALTA) a konkluí su di 9 (nuebe) asamblea na Panama City den kual nan ta apelá pa sigui traha riba mehorashon di seguridat den region.   

Roberto Kriete, Presidente di ALTA ta komentá ku apesar ku e asosiashon a logra mehoransa pa ku seguridat den Latino Amérika i Caribe. E  lo sigui hasi esfuerso pa konvensé outoridatnan pa hasi e akreditashon di IATA Operational Safety Audit (IOSA) un sertifikashon rekerí pa aerolineanan ku ta ópera den e área aki. 

ALTA ta orguyoso ku nan ta terminando nan di 4 aña konsekutivo sin aksidente fatal resultando den un rekòrt. E resultado aki ta mas mihó  ku e average mundial di aerolineanan sertifiká pa IOSA. Ta importante pa remarka ku aerolineanan ku e sertifikado IOSA den e region aki tin un rango di aksidente ku ta 4 biaha mas abou ku e aerolineanan ku no ta sertifiká pa IOSA, anto e diferensia aki mester wòrdu kita. ALTA ta hasi un apelashon na IATA i Flight Safety Foundation pa yuda krea un programa similar ku IOSA pa aerolineanan ku ta ópera ku avionnan chikí i ku no ta bin den remarke pa haña e akreditashon di IOSA.  

E manera di kolaborá huntu den e region aki a produsí  e ALTA-IATA Trend Sharing Program (AITSP), kual a hasi posibel te ku aworakí pa por kolekta 84 porshento di informashon pa ku kalkulashon di riesgo. Esaki ta despues di solamente 1 aña ku e programa aki a wòrdu implementá. ALTA tambe ta apelá na outoridatnan pa sigui traha via di e Regional Aviation Safety Group Pan America (RASG-PA) pa asina sigurá un aserkamentu huntu i koordiná pa ku seguridat den region.  

Alex de Gunten, Direktor ehekutivo di ALTA ta konkluí enfatisando un biaha mas ku e logronan di ALTA pa medio di su miembronan ta mesun grandi ku e kresementu den e mundu di aviashon. Alabes e ta atvertí  ku pa sigui sostené e kresementu aki, nos mester traha huntu ku outoridatnan di aviashon, aeropuertonan, fabrikante, ICAO, CANSO ACI/LAC, Komishon di Aviashon di Latino Amérika (CLAC), IATA i otro entidatnan pa asina sigurá ku por kumpli ku e ekspektativanan di kresementu den e region aki. 

Durante di e asamblea a nombra tambe e miembronan di komishon di direktivadi ALTA pa e periodo 2012 – 2013.  

Roberto Kriete, President (Chairman AviancaTaca)

Enrique Cueto, Vice-President (CEO LATAM)

Pedro Heilbron, Director (CEO Copa Airlines)

Fabio Villegas, Director (CEO AviancaTaca)

Andres Conesa, Director (CEO Aeromexico)

Marco Antonio Bologna, Director (CEO TAM)

Albert Kluijver, Director (CEO InselAir)

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi