Wednesday, 17 September 2014
E yiu di Prins William y su casa Kate lo bira e di tres riba liña pa e corona Britanico Print E-mail
Tuesday, 04 December 2012 13:38
album.JPG

“Su Altezanan Real duke y dukesa di Cambridge ta complace den anuncia cu e dukesa di Cambridge ta sperando un yiu”, vocero di Palacio Saint James a bisa den un comunicado. Kate, kende a casa cu e di dos den sucesion di e Corona Britanico na april di aña pasa, a wordo hospitalisa dialuna mainta despues di a sufri nausea y mareo.

Ya cu e embaraso ta den su prome etapanan, ta di spera cu e dukesa di Cambridge permanece den hospital King Edward VII di London pa varios dia y posteriormente e lo bay tin un periodo di descanso. Aunke cu no a specifica cuanto tempo di embaraso e dukesa di Cambridge, di 30 aña di edad tin, a informa cu Kate ta den e prome 12 simannan di gestacion, cu ta e tempo critico estableci pa specialistanan pa futuro mamanan. E baby lo bira den e tres riba e liña di sucesion pa e trono. Despues di su tata, prins Charles, prins William ta e di dos riba liña di sucesion na e trono y e baby, independientemente di su sexo, lo bira den e di tres riba e liña di sucesion. E anuncio di e nacemento di e prome yiu di e dukenan di Cambridge a tuma luga den e aña caminda reina Elisabeth II di Inglatera ta conmemora su Hubileo di Diamanta, esta 60 aña riba e trono Britanico. E prome yiu di e dukenan di Cambridge lo ta e tercer bisanieto di e actual monarca y eventualmente lo bira rey of reina danki na un decision adopta na 2011 pa e paisnan den e Mancomunidad Britanico di Nacionnan (Commonwealth) di suprimi e prioridad di e sexo masculino den e liña di sucesion di e Corona y duna igualdad na homber y muhenan na ora di ascende e trono.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter