Wednesday, 23 July 2014
Minister di Salud y Deporte cu aporte importante den e revista cientifico “The Economist” Print E-mail
Thursday, 06 December 2012 12:38

vis
Na Ginebra e aña aki Minister di Salud y Deporte, Dr. Richard Visser a representa Aruba formando parti di e revista cientifico “The Economist”. Na Ginebra a sinta den un panel y a discuti riba diferente sistema di salud. Na Aruba tin un sistema di salud universal cu ta AZV y a discuti con por wanta esaki na bida, a bisa.

Minister Visser a señala cu na Aruba tin tres pia. E prome ta salubridad publico cu mester ta un structura fuerte, na otro banda tin Hospital, cu e red di cuido y e di tres pia ta prevencion y promocion di salud (IBISA).

E tres pianan ey ta forma e pilarnan di cuido. Sin e tres pianan aki no por bay pasobra lo ta tirando hopi placa afo sin cu ta bay tin un crecemento den e gastonan di salud sin cu por bay page despues, a remarca.

     Minister Visser a sigui bisa cu e tres pianan aki ta wordo reforsa cu e contactonan internacional manera e proyecto cu tin cu Colombia (unda pashentnan por bay Colombia), Corsou of otro paisnan. Den esaki ta hopi importante e relacion di Aruba cu Pan American Health Organization y World Health Organization como cu otro organisacionnan den nos region cu ta yuda Aruba cu HIV, vacuna, etc.

   Tin hopi organisacion envolvi pa wanta un sistema di cuido asina. Banda di esaki tin mas proyectonan manera cuido di nos grandinan, cuido na cas y cuido propio cual ta encera e trabao cu Bus di Salud ta haci atravez di screening di salud, a indica.

   Minister di Salud y Deporte Dr. Richard Visser a añadi cu tur esaki a wordo discuti como tambe riba e electronic file system cu a implementa pa tur e dokternan di cas y tambe riba kico ta haciendo cu e adictonan ya cu esaki ta un grupo vulnerabel.

     A papia riba kico ta haciendo cu nos muchanan cu proyectonan manera Scolnan Saludabel, Food Labeling cu ta bay bin pa asina indica cual ta un producto saludabel y cual ta menos saludabel.

Banda di esaki ta bay desaroya tres departamento di cuido na IMSAN. Un di nan ta Oncologia (tratamento di cancer), e di dos ta Diabetes (Servicio di cuido Carousel) y di tres ta Urgent Care.

   Den e parti di Oncologia un gran parti ta bay pa medicina turistico incluyendo e servicionan di radiografia, quimoterapia y radiotherapia ( bestraling).

   Esaki ta bay ta hopi profesionalisa cu ayudo di Baptist Health Florida y tambe ta palabrando cu John Hopkins pa wak si por uni ya cu ta existi e interes ey, e minister a splica.

   “Tur esaki ta crea un direccion y un vision den nos salubridad publico y den e salud di un isla. Nos a discuti cu e diferente paisnan na Europa, con nos vision ta, y na unda nos enfoke ta aki na Aruba. Na Aruba e enfoke ta bay hopi na e prome liña, dokternan di cas, nursenan, enfermeronan den praktijknan, fisioterapistanan, esey ta e prome liña. E liña cu mester bay bringa contra e malesanan cronico cu tin nos devasta asina”, Minister Visser a manifesta.

   Prevencion y promocion di salud ta dos cos diferente cu nan a discuti, pero eynan e enfoke mester bay ta pa e futuro generacionnan. A remarca riba e participacion di sector priva den tur loke ta ser haci pa salud y con ta incorpora e diferente departamentonan di gobierno y e ministerionan cu mester ta envolvi.

   Minister Visser a enfatisa cu a duna un splicacion avansa riba con Aruba ta trahando riba tereno di salud y cu mester ta acorde cu loke resto di mundo ta uzando.          

  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter