Wednesday, 24 December 2014
Prome Minister di Cayman Island aresta pa ladronicia Print E-mail
Tuesday, 11 December 2012 14:40
Comparti
DSC_2063
Cayman Island a bay den un confusion politico ora cu agentenan di Servicio Policial Real di Cayman Island, e Unidad di Crimennan Financiero, a invadi cas di e prome Minister di e isla, McKeeva Bush den oranan tempran di awe mainta pa arest’e.

Di acuerdo cu e Servicio di Noticia di Cayman Island, Bush a wordo aresta rond di 7’or di mainta na su cas na West Bay bao di sospecho di ladronicia en conexion cu iregularidadnan financiero relaciona cu supuesto mal uzo di credit card di gobierno.

E acusacion aki ta wordo agrega na un lista cu ta inclui kiebro di confiansa, abuso di cargo y conflicto di interes, contrario na S13, S17 y S19 di e Ley Anti-Corupcion data di 2008 respectivamente. Acusacionnan tambe ta inclui e importacion di substancianan explosivo sin permisonan valido riba of prome cu Februari 2012.

Un vocero di polis a bisa cu lo ta inapropia pa polis haci mas comentario relaciona cu e asunto aki pa awo.

Na April di e aña aki, un declaracion di polis a revela cu e Prome Minister tabata suheto na tres investigacion policial diferente. Dos di nan ta relaciona cu iregularidadnan financiero, un di nan ta rond di un carta manda door di Bush pa e desaroyado Texano Stan Thomas na 2004, pidiendo $350,000 pa regla un asunto relaciona cu un deal di tereno y zonificacion. E di tres investigacion, di acuerdo cu polis, ta conecta cu un cargacion sin permiso di dinamita cu a yega Cayman Island.

Na e momento ey, miembronan di e comunidad comercial a expresa nan preocupacion creciente riba e impacto cu e investigacionnan ey ta haci den accionnan di Bush por tin riba e reputacion riba Cayman Islands como un centro di servicio financiero internacional.

 

 

Comentarionan (1)Add Comment
N'e chambonan berde
December 12, 2012
201.229.127.26
Votes: +0
...

Esun di nos tambe tin hala di practica dudoso riba su consenchi

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter