Saturday, 01 November 2014
Team Aruba ta causa furor na Rockingham! Print E-mail
Wednesday, 13 March 2013 17:56

IMG 77841 (2) (800x573)

Rockingham, N.C.: Despues di a “struggle” durante temporada 2012 Team Aruba a cuminsa 2013 duro yegando te Semi-Final na e prome careda di ADRL Dragpalooza IX na Rockingham, N.C.

“Esaki sigur ta e manera pa cuminsa e campionato”, Trevor Eman a cuminsa ta bisa. “Ultimo 2 aña nos no a logra start asina. Mi ta spera nos por keda cu e momentum aki y gana algun careda e aña aki.”

Siman pasa 2 di maart Team Aruba a sali rumbo pa Union, S.C. pa asina prepara e Ford Mustang pa nan prome careda di 2013.

“Nos a cuminsa e siman cu un display pa Alltell Wireless den Rockingham mes. Despues e mesun grupo aki di Alltell Wireless a compania nos na pista cu nan stand pa asina atende cu tur e fanaticonan di drag y clientenan di nan cu tabata presente. Nos ta echt contento cu nan a join nos. E ta trece un ambiente den nos pit ora e hende nan di Alltel Wireless tambe tey presente y e ta dunanan e chens di papia “one on one” cu e cliente”.

Team Aruba no tin e lujo ainda di por test nan Ford Mustang durante e off season. Esaki ta trece cu durante qualificacion ainda Team Aruba tabata busca e combinacion corecto pa cu e auto. Asina mes Team Aruba a logra qualifica pa eleminacion na di 10 lugar cu un tempo di 4.103.Durante eleminacion un biaha mas Trevor Eman a desmostra di ta un coredo cu hopi talent. Den prome rond di eleminacion Team Aruba a topa cu Richard Penland cu a qualifica cu un mihor tempo pero Trevor cu su reaction time di 0.008 y un tempo di 4.05 na final no tabata un tempo cu Penland por a compete cune (0.83 y 4.31).

Den di 2 rond di eleminacion Team Aruba a marca unbes mas e tempo di 4.05 pero e bon reaction time di Trevor Eman (0.13) a haci cu ela gana Pete Berner (4.04) cu un“hole shot”. Den semi-final Team Aruba a topa cu John Deflorian cu a qualifica como number 1 pa eleminacion. Team Aruba tabata sa cu pa gana e careda contra Deflorian lo mester saca tur cos for di cashi. Trevor cu su reaction time di .001 mes no tabata suficiente pa gana Deflorian. Na final Team Aruba a marca un tempo 4.06 y Defloria 4.05. John Deflorian a sigi te final y a gana e careda.

“Mi ta contento di por a wak asina hopi hende durante e weekend cu a pasa.” Trevor a sigi bisa. “Ta great pa tin asina hopi hende interesa den nos como un team chiquito for di un Isla chiquito pero tambe con nan ta puntra nos asina hopi di Aruba. Mi kier a gradici tur nos fanaticada y nos sponsors nan cu ta kere den nos. Sigur cu pa 2013 nos lo bai yega hopi lew y nos lo sigi mantene Aruba su nomber na halto!”

Pa mas informacion tocante Team Aruba por subi www.teamaruba.com of nan Facebook Fanpage Team Aruba Racing. 

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter