Saturday, 25 October 2014
'Rondom Oranje' un exposicion itinerante cu un 'brugfunctie'! Print E-mail
Saturday, 30 March 2013 11:22

Minister Plasterk ontvangt Oranjekalender

Burgemeester Jorritsma, (voorzitter di Vereniging Nederlandse Gemeentes,VNG), lo realisa apertura di 'Rondom Oranje' dia 4 di April 2013. Cuminsamento oficial di un exposicion, cu a prepara varios anja caba, pa biaha den henter nos Reino.

'Rondom Oranje' ta un exposicion di Art Promotion International, Stichting (API) cu lo ser presenta pa prome biaha di manera tradicional na Almere. Despues 'Rondom Oranje' lo ser ofreci na tur Gemeente Hulandes y na parti di nos Reino den Caribe relaciona cu celebracion di nos Reino 200 (2012-2015). Comisario di Reina, sra Ank Bijleveld, (cu tambe ta voorzitter di e Comite Nacional Hulandes cu ta organisa Reino 200),ta mustrando 'Rondom Oranje', digitalmente na su Provinciehuis na Zwolle permanentemente, desde december 2011. Minister Plenipotenciario di Aruba, Korsow y St. Maarten, a confirma nan presencia na e apertura oficial di 'Rondom Oranje', cu burgemeester Jorritsma lo realisa den Burgerzaal di su Gemeentehuis na Almere. Gustave Nouel (www.gustavenouel.com), lo tin e honor di entrega 'su' kalender na burgemeester Jorritsma durante e apertura. E 'verjaardeagskalender' aki lo ta obtenibel na tur parti di nos Reino relaciona cu celebracion di nos Reino 200. Comello BV a hanja permiso pa usa e logo oficial, di e comite nacional pa celebracion 200 anja di Reino, riba e kalender cu pintura di Nouel. Lo tin sorpresa artistico pa publico na e apertura. Un live performance, pintura di 'Willem Alexander', di e 'komende man' Armando Goedgedrag, hunto cu e 'gaande man' Gustave Nouel. Nouel no ta desconosi na Almere, caminda e ta participa regularmente na e Place du Tetre y hasta a gana nan publieksprijs nacional di pintamento di portret, e unico biaha cu ela participa na 2010, cu gran mayoria di voto. Un foto di un conosido deportista lo ser revela pa e famoso fotografo Ewoud Broeksma. Conosido escritor/poeta Quito Nicolaas lo comparti su arte di palabra durante apertura oficial di e exposicion y Delbert Bernabela, famoso musico Arubiano cu ta biba na Almere, lo sorprende e invitadonan cu un composicion nobo cu ela traha especialmente pa 'Rondom Oranje'. Gustave Nouel di Aruba, Bikkel di Korsow y Jabu Arnell di St. Maarten, tur tres reconosi entre e artistanan mas famoso di parti di Caribisch Nederland, bibando na Hulanda. E famoso fotografonan Ewoud Broeksma y Jan Kruize di Groningen, Fokke de Boer di Apeldoorn, Pintor/docente Jannes Koetsier y e talentoso joven Arubiano Armando Goedgedrag, cu a nace na Hulanda, ta forma e iniciativa artistico aki di bon nivel. Intencion ta pa e exposicion 'Rondom Oranje' sigi na un museo Hulandes banda di Nijmegen y algun gemeente interesa pa despues viaja pa Aruba y nos Reino den Caribe, prome cu sigi expone na otro gemeentenan Hulandes. Gustave Nouel ta curator a.i. di e exposicion aki.

album album album

Comentarionan (1)Add Comment
Bo Aruba
March 30, 2013
201.229.10.193
Votes: -5
...

Esaki ta confirma e compromiso di Prins Willem Alexander pa hasi Aruba y Korsow un gemeente di Hulanda, mescos cu Bonaire.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter