Ernesto Villegas Minister di Comunicacion dialuna anochi a anuncia cu Presidente di Venezuela awor ta sufri di un infeccion respiratorio severo. Esaki dos siman pasa cu e la dicidi bay bek Venezuela despues di tratamento contra cancer na Cuba. Hugo Chavez Frias tin 14 aña na mando tabata hopi conoci pa ta den publico awor su oponentenan ta exihi pa e duna cara pa mustra cu e ta na bida. Click lesa mas pa e comunicado completo.
Arthur Kelly lo tin un entrevista cu Parlamentario Arubano na Hulanda.
Saturday, 02 March 2013 08:33
www.radio-dushi.nl ta un radio netamente Arubano na Hulanda cu ta dedicasu mes na promove artistanan Arubano y asina pa laga tur Arubano leu for diAruba, sinti nan mes na cas.Despues di tanto peticion e conocido locutor di Radio Dushi, Arthur Kellya dicidi di entrevista e diferente parlamentario nan cu ta di bishita aki naHulanda.
Diadomingo anochi ta entrega di 85 edicion di premio Oscars
Sunday, 24 February 2013 12:44
E comediante Seth MacFarlane tin e tarea pa entretene un audiencia di miyones mundialmente diadomingo anochi for di Dolby Theather na Hollywood. Lincoln ta e pelicula cu mas nominacion, un total di 12 sigui pa Life of Pi cu 11, Les Miserables cu 8, Silver Linings Playbook tambe cu 8 y Argo cu 7 nominacion.
Rafael Bueno de Mesquita ta un hoben Arubiano biba na Amsterdam cu mas di 13 aña trahando como musico den diferente genero. Diabierna anochi a anuncia oficialmente su live tour y album nobo cu lo lansa den transcurso di aña. E hoben bou su nomber artistico Mesquitas ta hopi orguyoso di tur su fans cu ta siguie rond mundo y sa di aprecia su musica.
Pareha Linzy: "No tin nada cu nos no gusta di Aruba"
Friday, 15 February 2013 17:15
Hopi Mericano amigo di Aruba a acudi na e evento special cu a wordo teni riba Valentine's Day cu a wordo teni riba Time Square na New York. E tabata un evento grandisimo. Un di e personanan presente riba Time Square tabata Keith y Perry Linzy, kendenan ta biba na Washington y a biaha pa New York specialmente pa disfruta di e pida di Aruba riba Time Square.
Charlie Ibarra: Aruba a haya un promocion inpagabel riba Time Square
Friday, 15 February 2013 17:10
Charlie Ibarra no ta un persona desconoci pa Aruba. Un persona cu a dedica su carera profesional na promove Aruba den exterior. E tabata un di e personanan cu tabata diahuebs ultimo riba Time Square, New York, pa e gran evento di Valentine's Day unda cu a promove Aruba como un isla pa Honeymoon, casa of simplemente bishita. Ibarra tabata hopi emociona cu resultado di e promocion aki.
David Shore, bishitantenan di 44 anja na Aruba,Emociona di ta topa cu "Aruba" riba Time Square
Friday, 15 February 2013 17:04
Por bisa cu e evento organisa door di Aruba Tourism Authority (ATA) riba Time Square pa celebra Valentine's Day a acapara hopi atencion. A conoce hopi cara nobo cu no tabata sa di Aruba y a bin mira e Aruba chikito cu a wordo crea riba Time Square cu e beach blanco, pero tambe tabatin bishitantenan regular di Aruba, cu stima e isla asina hopi cu cualkier evento relaciona cu Aruba, nan kier ta presente.
Dim lights Pa 9:30 ora local di e region di Urals na Russia habitantenan a keda sorprendi pa un luz y sonido di impacto masha duro cu a kibra bentana, manda plafond abou y pone tur hende bay den panico. E explosion tabata similar na un temblor cu sonido di strena. E impacto a causa daño na varios edificio den tres ciudad.
Durante reunion cu tur e cardinalnan awe dialuna na Vaticano, Papa Benedicto XVI di 85 aña di edad a anuncia su retiro entrante dia 28 di februari 2013. E no tin ni 8 aña den funcion y ta bira e prome Papa den 600 aña pa tuma su retiro asina lihe.Durante e reunion e Sumo Pontifice a bisa e Cardinalnan cu el a yega na e decision aki despues di a samina su consenshi dilanti di Dios.
E salario di Minister y Secretarionan di Estado individual a keda publica na Hulanda. Solamente detayenan cu por mustra riba nan siguridad ta keda confidencial. Minister Plasterk di Asuntonan Interior y relacionnan di reino a manda un carta pa Tweede Kamer. Conseho di Minister a vota riba esaki. E salarionan standard di e Ministernan ya pa añanan largo ta publico. Esaki ta awo 144.108 Euro bruto pa aña pa tur Minister, incluyendo vakantiegeld y uitkering pa fin di aña.
Un situacion di mal tempo den e area di New York, Newark, Boston, New Jersey y otro estadonan den e area a percura pa cancelacion di 17 mil vuelo. Entre e vuelonan ey ta esunnan pa Aruba y di Aruba pa tur e areanan ey. E ta bira un problema pa nos turismo, cu ta conta cu yegada di turistanan for di e area ey di New York pa carnaval.
.JPG "Read more...")
.JPG "Read more...")
